1 Juan 4:2 - Biblia Mixe de Quetzaltepec

² Yë'ë miits mtuknijawëtëp pën myëët'ajtyp ja Tios ja kyënu'kxymyëk'ajtën; mëti'ipë myëpëjkpyën ko Jesukristë të myiny yaa naaxwiiny tä ja'ayën.

Biblia Dc en Mixe de Quetzaltepec

² Yë'ë miits mtuknijawëtëp pën myëët'ajtyp ja Dios ja kyënu'kxymyëk'ajtën; mëti'ipë myëpëjkpyën ko Jesukristë të myiny yaa naaxwiiny tä ja'ayën.

1 Juan 4:2 ပူးပေါင်းရင်းမြစ်များ

Juan 1:14

Mëti'ipë yajtijpën Aaw Ayuk, yë'ë awinpijt naaxwiinyëtë ja'ay ets ojts jyuuky'äty ma ëëtsajtëmën. Tëë n'ijxëm ja myëj'ajt y'oyajtën ets ja myëj'ajt jyääntyajtën mëti'ipë ja Tios Teety tu'kpajk Y'u'unk'ajtypyën, mëët mëj'äämpy ja tsojkën ja'awën ets ja tëyajtën.

1 Corintios 12:3

Paaty miits tyam ntuk'ëwaanëtë ko pën y'ëna'anëty: Kajpxpoky ja Jesús y'ity, ka'ap ënäty ja Tios yë'ëjëty ja Jya'awënëty yajkäjpxyë ets näjyëtu'un ka'ap pën y'ëna'anëty: Jesús yë'ë Wintsën, pën ka'ap ja Tios yëë ja myëjaaw myëk'ajtën yajkäjpxyë.

1 Timoteo 3:16

Tëy jëtu'un ko ja tëyajtën mëti'ipë të nyikëxë'ëkyën ko të nmëpëjkëm ja Tios jä'ä ja mëjwiinpë këjääpë: Kristë ojts nyäyajnikëxe'ekyë tä ja'ayën, ojts myëtä'äky jëtu'un tä ja Kënu'kxymyëk'ajtënën ets ojts ja anklëstëjk y'ixyë. Ojts yajnimëtyä'äky ma ja naax kajpnën, yajmëpëjk naaxwiiny ets yaj'ëxajëy mëët ja mëj'ajt oyajtën.

1 Juan 1:2

Tääpë juukyajtën tëë nyänyikëxë'ëkyë: tëë kë'ëm n'ijxëmë ets tëë nnikajpx nimëtyakëmë, ets tëë ntuk'ëwaanëtë ya'atë juukyajtën xëmëkyëjxmëpë, mëti'ipë ënäty yajpatpën mëët ja Tios Teety tëëpë nyajtuk'ijxëmë.

1 Juan 2:23

Pën ja Tios U'unk kyakupëjkpy, nän Tios Teety ënäty kyakupëjkpy.

1 Juan 4:15

Pën nyikäjpxyp ko ja Jesús Tios y'U'unk'atyë, yë'ë mëët ja Tios jyuuky'äty ets Tios jam yajpaaty ma yë'ëjën.

1 Juan 4:3

E pën ënaanpën ko ja Kristë ka'ap të myiny, ka'ap ënäty ja Kënu'kxymyëkajtën tmëëtëty, ja ku'oypyë ënäty myëët'ajtyp. Tëë xymyëtoy'atë ko y'ita'any ja jëtu'unpë win'ë'ëmpë winxajpë ets tää tyam yajpaatë yaa naaxwiiny.

1 Juan 5:1

Pën myëpëjkpy ko ja Jesús yë'ë mëti'ipë ënäty yajjëjp'ijxpën, Tios ja u'unk'ajtëp; ets pën ja Tios Teety tsyojkpy, näjyëtu'un tsokëty ja Tios u'unk.

2 Juan 1:7

May ja win'ë'ëmpë yaa naaxwiiny mëti'ipë ënantëpën ko ja Jesukristë ka'ap myiiny tä ja'ayën. Pën jëtu'un ënantëpën, win'ë'ëmpë jä'äjëty ets myëtsip'ajtëp ja Kristë.