1 Juan 4:13 - Biblia Mixe de Quetzaltepec

¹³ Jä'ä ko Tios tëë xymyo'oyëm ja Kënu'kxymyëkajtën, jëtu'un nnija'awëmëty ko Tios y'ity ma ëëtsajtëmën ets ëëtsajtëm n'ijtëm ma yë'ëjën.

Biblia Dc en Mixe de Quetzaltepec

¹³ Jä'ä ko Dios tëë xymyo'oyëm ja Kënu'kxymyëkajtën, jëtu'un nnija'awëmëty ko Dios y'ity ma ëëtsajtëmën ets ëëtsajtëm n'ijtëm ma yë'ëjën.

1 Juan 4:13 ပူးပေါင်းရင်းမြစ်များ

1 Corintios 2:12

Ëjts, ka'apës ja njot nja'awën jyëtu'unëty ijxtëm ja ja'ayëtyën mëti'ipë yajtuuntëpën ja naaxwiinyëtë winma'any, jëtu'un ja njot nja'awënës ijxtëmës ja Tios të xytyukmëtsokyën koos të xymyo'oy etsës nja'akyukëty ja Tios ja y'oyajtën mëti'ipë ëëtsajtëm të xymyo'oyëmën.

1 Corintios 6:19

¿Ka'ap miits xynyijawëtë ko ja Tios mni'kx mkopk myajwa'anxëtë tä ja mëjtsajptëjkën ets ko mtsënaaytyakn'atëtë ja Kënu'kxymyëkajtën mëti'ipë ja Tios të mmo'ojëtënë?

1 Juan 2:3

Pën nmëmëto'owëm ja Tios ja y'ënä'ämën tyiyajtën, jyëkyejpy akujk jotkujk n'ëna'anmëty ko Tios n'ixy'ajtëmë.

1 Juan 2:5

E pën pyatuunëp ja y'aaw y'ayuk, kä'pxy tmëëtëty ja Tios ja tsyojkën. Jëtu'un nnija'awëm ko tu'ukyë n'ijtëm mëët ja Tios:

1 Juan 3:24

Pën ja y'ënä'ämën pyatuunëp, yë'ë ënäty ja Tios mëët tu'ukyë y'ity. Ja Kënu'kxymyëkajtën mëti'ipë të xymyo'oyëmën, yë'ë xytyuknija'awëm ko yë'ë mëët tu'ukyë nyajpatëmë.