1 Juan 3:8 - Biblia Mixe de Quetzaltepec

⁸ Pën xëmë pokytyuunp, ja mëjku'u jä'ä'ajtëp; jä'ä ko yë mëjku'u ojts tyajtso'ontä'äky yë pokytyu'unën. Paatykyëjxm ja Tios U'unk të myiny yaa naaxwiiny ets tyajkutëkooytya'aja'any tu'kë'ëyë ja mëjku'u ja tyuunk.

Biblia Dc en Mixe de Quetzaltepec

⁸ Pën xëmë pokytyuunp, ja mëjku'u jä'ä'ajtëp; jä'ä ko yë mëjku'u ojts tyajtso'ontä'äky yë pokytyu'unën. Paatykyëjxm ja Dios U'unk të myiny yaa naaxwiiny ets tyajkutëkooytya'aja'any tu'kë'ëyë ja mëjku'u ja tyuunk.

1 Juan 3:8 ပူးပေါင်းရင်းမြစ်များ

Génesis 3:15

Mijts ets to'oxytyëjk xëmë mnämyëtsip'atëtëty. Ets jëtu'un y'itëty ma m'u'unk m'okën ets ma to'oxytyëjk näjyëtu'un yë y'u'unk y'okën. Mkutä'änë'ëkëtëp yë y'u'unk y'ok ma nkëpajkën. Ets mijts nëjkxëp xytyekymyëtsu'utsë ma tyeky'ixpo'kxën.

Isaías 27:1

Jä'ä xëëw nëjkx ja Wintsën tkupuxy mëët ja tyiypyujxn, mëjwiinpë këjääpë ets kutsë'ëkëpë ja mëj jëyujk mëti'ipë jap nëëjoty tsënääpyën, ja mëj tsa'any mëti'ipë näwyinxa'tsmujkëpën japë nëëjoty tsyëënën, mëti'ipë yajtijpën dragón ets Leviatán.

Números 21:9

Ojts ja Moisés tu'uk ja tsuxkpujxntsa'any tjantyajkojy ets tkëxpëjky ma tu'uk yë kepyjyëjpën; e jëtu'un ko ijty pën tsyu'utsyë ja tsa'any, jam ënätyë kyëx'ixy ma ja pujxntsa'anyën ets tsyo'oky.

Mateo 12:28

Jä'ä koos pën yë'ëjës mëët yë Tios yë myëk'ajtën n'ixkejx yë ku'oypyë, tääpë jä'ä yajja'akyukë ko tëëjën jyä'ty ja tsajpjotmëpë kutujkën ma miitsëtyën.

Mateo 13:38

e yë naaxwiinyëtë, yë'ë kam'ajtp. Ja oypyë tëëmt yë'ë ja ja'ayëty mëti'ipë yajpatëpën ma tsajpjotmëtë kutujkën, e ja ëxëëk ujts yë'ë ja ja'ayëty mëti'ipë ja mëjku'u jä'ä'ajtëtëpën.

Mateo 4:3

Ënät ja mëjku'u nyimiinë ets wyinma'any ixa'anyë, ets y'ënëmaayë: Pën Tios mijts mU'unk'ajtëp, t'ënëëmë ya'atë tsaa ets y'awinpitëty tsajpkääky.

Marcos 1:24

Jesús, Nazaretëtë ja'ay, ¿tii mtsojkpy mëët ëëtsëty? ¿Yë'ë mijts të xynyiminy etsës xyajkutëkoya'antë? Wa'ats mijts n'ixy'äty; mijts Wa'ats yë Tios myajnaxyë.

Lucas 10:18

Ets ja Jesús y'ënëmaayëtë: Jëtu'un, tëëjës n'ixy ko ja mëjku'u kyuka'anaxy tsajpwinm ijxtëm ja wëtsuk nyaaxkëtä'äkyën.

Juan 12:31

Tyam të tpaaty ma ja naaxwiinyëtë ja'ay yajpaye'etyëtyën ets yaj'ëxwopëty mëti'ipë nyiwintsën'ajtypyën ja naaxwiinyëtë winma'any.

Juan 16:11

pën nëjkx t'ëxajëtë ja Tios ja tyiytyu'unën: mëti'ipë ënä'ämpën yaa naaxwiiny naaxkëjxy, tëë nyitukë.

Juan 8:44

Ja mëjku'u miits mteety'ajtëp, yë'ë miits mtuuntëp mëti'ipë yë'ë tsyojkpyën. Tëëyëp yë mëjku'u tyajtso'ontä'äky ko je'eyë yajja'ay'ooky. Nijëna'a tëypyë jaantypë tkatuny ets nijëna'a mëtëypyë tkakäjpxy. Ko wyin'ëëny, kyë'ëm jä'ä kyäjpxyp, jä'ä ko win'ë'ënpë yë'ë ets yë'ë yajtso'ontak ja win'ë'ënën.

Romanos 16:20

Jëtu'unts ja Tios, mëti'ipë yäjkpyën ja jotkujk'ajtën, nëjkx tsojk tyaj'atëkoy ja mëjku'u ma miitsëtyën. Wä'än ja Wintsën Jesús mkënu'kxëtë.

Efesios 2:2

Yë'ë ijty mpatuuntëp ja naaxwiinyëtë ja'ay ja wyinma'any ets ja ku'oypyë mëti'ipë jëtijtpën pojjotm ets tjotmëkmo'oy ja ja'ay mëti'ipë ka'ap tmëmëtowtën ja Tios.

Colosenses 2:15

Kristë mëët yë Tios ojts tpëjkëtë ja kutujkën yaapë naaxwiiny y'ënä'ämtën ets yajkutuktën ets ojts naxym tyajnajxtë tsumpyë matsypyën ko ojts yë Kristë myëtä'äky.

1 Timoteo 3:16

Tëy jëtu'un ko ja tëyajtën mëti'ipë të nyikëxë'ëkyën ko të nmëpëjkëm ja Tios jä'ä ja mëjwiinpë këjääpë: Kristë ojts nyäyajnikëxe'ekyë tä ja'ayën, ojts myëtä'äky jëtu'un tä ja Kënu'kxymyëk'ajtënën ets ojts ja anklëstëjk y'ixyë. Ojts yajnimëtyä'äky ma ja naax kajpnën, yajmëpëjk naaxwiiny ets yaj'ëxajëy mëët ja mëj'ajt oyajtën.

Hebreos 2:14

Jëtu'un ijxtëm ja ja'ay tu'kjëëky tu'kmëku'ukpë ja jot ne'pyny tmëët'atën, jëtu'un ja Jesús y'ijty mëët ja Tios ets mëët ja o'kën tmëmëtaktaay ja ëxëëkpë, mëti'ipë ijty o'kën tëko'oyën myëët'ajtypyën.

Hebreos 9:26

Ko jeexyë jyëtu'unëty, kanaak'ok jeexyë ja Kristë të y'o'knë maju'unëm tsyo'otä'äkyën ja naaxwiinyëtë. E tyaa ma ja xëëw jëmëjt ntuk'ijt ntuktsëna'ayëmën, tëë tu'k'ok ja Kristë myiny ets xëmëkyëjxm yajpaata'any, ko të nyäxy ijxtëm tu'uk ja wintsë'kënën mëti'ipë ja poky jyëpëkäämpyën.

2 Pedro 2:4

Tios ka'ap ojts tnime'kxy ja anklëstëjk mëti'ipë ka'ap myëmëtoowën, jap ojts tpëjktä'äky ëyoowtaknjoty, kupi'its kukoots ets kuwëëny kuxotsy jap tuk'ëwxity ja tëytyu'unën.

1 Juan 1:2

Tääpë juukyajtën tëë nyänyikëxë'ëkyë: tëë kë'ëm n'ijxëmë ets tëë nnikajpx nimëtyakëmë, ets tëë ntuk'ëwaanëtë ya'atë juukyajtën xëmëkyëjxmëpë, mëti'ipë ënäty yajpatpën mëët ja Tios Teety tëëpë nyajtuk'ijxëmë.

1 Juan 3:10

Nikëxë'kp ja ja'ay mëti'ipë ja Tios u'unk'ajtëpën ets mëti'ipë ja mëjku'u u'unk'ajtëpën. Pën ja oypyë kyatuumpyën ëkë ka'ap ja myëku'uk ttsoky tjawë, ka'ap ja Tios y'u'unk'atyë.

1 Juan 3:5

Tëë miits xynyijawëtë ko ja Jesukristë, yë'ë të tniminy yaa naaxwiiny ets xyajpokywyatsmëty, yë'ë, ka'ap tii poky tmëëtëty.

1 Juan 5:19

Nnija'awëm ko ëëtsajtëm Tios xyjyä'ä''ajtëm, tu'kë'ëyë ja naaxwiinyëtë atsojkën ku'oypyë jä'ä'ajtëp.

Judas 1:6

Ets ja anklëstëjk mëti'ipë ka'ap ojts oy tyajtu'uye'eytyën ja tyuunk ets t'ëxmajtstë mëti'ipë ënäty ja Tios të tyuk'ënä'ämëtën, akootstuuy ojts pyëjkta'akëtë. Japts y'ëwxitë koonëm ja paye'eyën y'itëty.

Apocalipsis 20:10

Ets ja mëjku'u mëti'ipë ënäty të twin'ëënyën ja mayjyä'äy, nän jap ja yajkujëpijpëy ma ja mejy tyoyën mëët ja azufre, ma ënäty të yajkupipëtën ja mëj jëyujk mëët ja mëti'ipë ja Tios kyäjpxynyajxpë nätyijëpën. Japts y'ëyowëty xëmëkyëjxm, xëënaxy tsuunaxy.

Apocalipsis 20:15

Jap yajkujëpijpëtyääytyë mëti'ipë ja xyëëw ka'ap y'akëxë'ëkën nokyjoty mëti'ipë juukyajtënmëëtën.