1 Juan 3:3 - Biblia Mixe de Quetzaltepec

³ Pën yë'ë y'a'ijxyp jyëjp'ijxyp, wa'ats nyäyaj'ityë, jëtu'un ijxtëm ja Jesukristë wya'atsëtyën.

Biblia Dc en Mixe de Quetzaltepec

³ Pën yë'ë y'a'ijxyp jyëjp'ijxyp, wa'ats nyäyaj'ityë, jëtu'un ijxtëm ja Jesukristë wya'atsëtyën.

1 Juan 3:3 ပူးပေါင်းရင်းမြစ်များ

2 Samuel 22:27

mëtëy winë xykyäjpxy ma ja'ayën mëti'ipë mëtëy winë kyajpxtëpën, ets m'ëwa'antakp ma ja'ayën mëti'ipë winë ëxëëk tyuunpy kyäjpxypën.

Mateo 5:48

Wa'ats nnäyaj'itëtë, ijxtëm yë Tios tsajpjotmëpë wa'ats nyäyaj'ityën.

Lucas 6:36

Mpa'ëyowtëp miits ja ja'ay ijxtëm ja Tios Teety pya'ëyoyën.

Juan 17:19

Yë'ë koos yë'ëjëty nmëmay nmëtajtë paatyës kë'ëm nnäkyënu'kxyë, ets näjyëtu'un yë'ëjëty yajkënu'kxtëty mëët ja tëyajtën.

Hechos 15:9

Tios y'aak oyjya'ap yë ja'ay, wä'än tpënëty, jä'äkyëjxm ko tëë ja pyoky yajknimä'kxtë ko të myëpëktë.

Romanos 15:12

Näyjyëtu'un ja Jeséas ojts y'ënä'äny: Jotkujk ja Jesé ja y'u'unk y'ok y'ita'any, mëti'ipë yajkutukaanpën ma ja naax kajpnën, ets ja ja'ay yë'ë tyuk'ijxpäta'anyë.

2 Corintios 7:1

Jëtu'un, mëku'uktëjkëty, yë'ë jëtu'un ya'atë waantä'äky nmëët'ajtëmë. Paaty nyaj'ijtmëty wa'ats ja ni'kx'ajt nkopk'ajtëm ets ja njoot'ajt nja'awën'ajtëmë näjyëtu'un ets ntsë'këmëty ja Tios, tsojk ntu'unëm ja oypyë ets ja wa'atspë Tios wyintuuy.

Colosenses 1:5

Jä'äkyëjxm ko xyjyëjp'ixtë mëti'ipë të myajtuknipëjktaakëtën jam tsajpjotm. Tëë ya'atë jëtu'unpë xy'ëkmëtoowtëpë ko të xynyijawëtë ja tëyajtën ko të yajnimëtyä'ä ja oy aaw oy ayuk,

2 Tesalonicenses 2:16

Ja Wintsën Jesukristë ets Tios, mëti'ipë nteety'ajtëmën, yë'ë të xytsyojkëm ets jotkujk'ajtën të xymyo'oyëmë xëmëkyëjxm; tsojk nkukajpxëm nja'awëkyëtakëmë ko y'oywyinma'any të tyajkëxë'ëky,

Tito 3:7

ets oy nwë'ëmëty mëët ja Tios yë y'oyajtën, jëtu'un npatmëty xëmëkyëjxm ja juukyajtën.

Hebreos 12:14

Jotkujk itë mëët ja ja'ayëty oypyënëty ets wa'ats mjuuky'atëty. Pën ka'ap wa'ats jyuuky'äty, ka'ap ja Tios nëjkx t'ixy.

Hebreos 6:18

Ya'atë mäjtskpëkpyë mëti'ipë ka'ap tyëkatsyën ets ka'ap tjëkyepyën yë Tios wyin'ëënëty, paaty të n'ëxajëm ja jotkujk'ajtën, ko të n'ixta'ayëm ja Tios myajts'ijtën ets të ntukjotkujk'ajtëm ja ëwxijt mä'kxtujkën mëti'ipë të xymyo'oyëmën.

Hebreos 7:26

E jëtu'un yë Jesús, të nyäxy Mëj teety wintsën mëti'ipë ënäty nyajmëyajtëmën. Yë'ë kënu'kxy, wa'ats, ka'ap poky tmëëtëty, ka'ap pyokyjä'äyëty ijxtëm ëëtsajtëmën, wäänë këjxm yë'ë y'ity këtiinëm ja tsajp.

Santiago 4:8

Mëwinkontë ja Tios ets näjyëtu'un mmëwinkonëtëty. Pokytyuunpë ja'ayëty, ëxmatstë ja mka'oy juukyajtënëty; ets miitsëty mëti'ipë mäjtsk aaw mäjtsk jot ja Tios mtsojktëpën, nänyajwa'atsëtë.

1 Pedro 1:15

Juuky'atë wa'ats, jä'ä ko ja Tios mëti'ipë të mëkajpxëtën wa'ats yë'ë.

1 Pedro 1:3

Tsojk nmëjja'aw njaantyjya'awëm ja Tios, ja Wintsën Jesukristë Tyeety, ko të xypya'ëyo'owëmë ets ja nwinma'any'ajtëm të tyaj'ajämë mëët ko ja Jesukristë të jyuukpyiky. Jëtu'un ëëtsajtëm nija'awëmë ko nmëët'ajtëm ja juukyajtën.

2 Pedro 1:4

Ets mëët ja jëtu'unpë tëë xytyukwinwa'anëmë ja këjääpë ets tsowpë, yë'ëkyëjxm xypyata'antë ja Tios ja y'oyajtën, myëj'ajtën ets xykyukä'äktëty ja mëti'ipë këjxp najxpën, yääyëpë naaxwiinyëtën.

2 Pedro 3:14

Paaty, mëku'uktëjkëty, tsojk njëjp'ijxëmë ko jëtu'un jyata'any; tuntë ja Tios ja tyuunk mapaat ja tiempo jyaak jää'atyën ets ja Tios mpaatëtëty akujk jotkujk; nitii poky nitii ëxëëkajtën xykyamëët'atëty ko ënäty myiny.

1 Juan 2:6

Pën ënaanp ko ja Tios mëët y'ity, jëtu'un jyuuky'atëty ijxtëm ja Jesukristë jyuuky'äjtyën.

1 Juan 4:17

Jëtu'un'äämpy tyunyë jyätyë ja tsojkën ja'awën ma ëëtsajtëmën; ets ko ja näpyaye'eyë y'ity jotkujk jää nyajpatmëty; jä'ä ko jëtu'un ënäty ëëtsajtëm yaa naaxwiiny nyajpatëmë tä ja Jesukristë jyuuky'äjtyën.