1 Juan 3:24 - Biblia Mixe de Quetzaltepec

²⁴ Pën ja y'ënä'ämën pyatuunëp, yë'ë ënäty ja Tios mëët tu'ukyë y'ity. Ja Kënu'kxymyëkajtën mëti'ipë të xymyo'oyëmën, yë'ë xytyuknija'awëm ko yë'ë mëët tu'ukyë nyajpatëmë.

Biblia Dc en Mixe de Quetzaltepec

²⁴ Pën ja y'ënä'ämën pyatuunëp, yë'ë ënety ja Dios mëët tu'ukyë y'ity. Ja Kënu'kxymyëkajtën mëti'ipë të xymyo'oyëmën, yë'ë xytyuknija'awëm ko yë'ë mëët tu'ukyë nyajpatëmë.

1 Juan 3:24 ပူးပေါင်းရင်းမြစ်များ

Juan 10:38

E pën ntuunpyës mëti'ipë yë Teetyës tyuunpyën, oy ja n'ayukës xykyamëpëktëty, yë'ë mëpëktë mëti'ipës ntuunpyën ets xynyijawëtëty ko ja Tios Teety tu'ukyë y'ity mëët ëjts ets ëjts mëët yë'ë.

Juan 14:17

Mëti'ipë yi'iyë myëmaay myëtajtëpën ja naaxwiinypë ka'ap t'ëxajëja'antë, jä'ä ko ka'ap t'ixtë ets ka'ap t'ixy'atë; e miitsëty m'ixy'ajtëp, jä'ä ko yë'ë yajpaaty mëët miitsëty ets xëmë yajpaata'any ma miitsëtyën.

Juan 17:21

N'amëtoy npëjktsoy ets tu'ukyë y'itëty; ijxtëmës tu'ukyë n'ityën mëët mijts ets mijts tu'ukyë mëët ëjts. Näjyëtu'unës n'amëtoy ets tu'ukyë y'itëty mëët ëëtsëty ets tmëpëktëty ja naaxwiinyëtë ja'ayëty ko mijtsës të xykyexy.

1 Corintios 3:16

¿Këtii xynyijawëtë ko miitsëty, jëtu'un yë Tios myajnaxëtë ijxtëm tu'uk yë tsajptëjkënë ets ko ja Kënu'kxymyëkajtën yë'ë jap tsënääpy ma miitsëtyënë?

1 Corintios 6:19

¿Ka'ap miits xynyijawëtë ko ja Tios mni'kx mkopk myajwa'anxëtë tä ja mëjtsajptëjkën ets ko mtsënaaytyakn'atëtë ja Kënu'kxymyëkajtën mëti'ipë ja Tios të mmo'ojëtënë?

2 Corintios 6:16

Ka'ap tjëkyepy tu'ukyë yajpaatëty yë Tios yë jyëën tyëjk mëët yë awinax. Jä'ä ko jëtu'un ja Juukpyë Tios xyajwa'anëmë tsyënaaytyaknën. Jëtu'un ijxtëm ja Tios y'ënä'änyën: Tsëënëjaanpës ets juuky'ataanpës ma yë'ëjëtyën, yë'ëjës xyWyintsën'attëp, ets yë'ëjës nja'ay'attëp.

1 Tesalonicenses 4:8

Paaty n'ënëëmëtë, pën ya'atë ijxpëjkën kyamëjpëjktäkpy, ka'ap nyaaxwiinyëtë ja'ayëty tkamëjpëjktä'äky; Tios ënäty kyamëjpëjktäkpy, mëti'ipë miits mmooyëtëpën ja Kënu'kxymyëkajtën.

2 Timoteo 1:14

Mëët ja Kënu'kxymyëkajtën ja pyutëjkën mëti'ipë ijtpën ma ëëtsajtëmën, këwent'at ja oypyë ijxpëjkën mëti'ipë të myajtuknipëkyën.

1 Juan 2:24

Paaty miits nëëmëtë, yaj'itë mjootjoty mwinma'anyjyotyëty ja Tios ja y'aaw y'ayuk mëti'ipë ojts ëka'any xymyëtowtën, pën jap xymyëët'atë mjootjoty mwinma'anyjyotyëty mëti'ipë më''ëka'any mmëtoowtën, näjyëtu'un miitsëty tu'ukyë myajpaata'antë mëët ja Tios Teety ets ja Tios U'unk.

1 Juan 2:3

Pën nmëmëto'owëm ja Tios ja y'ënä'ämën tyiyajtën, jyëkyejpy akujk jotkujk n'ëna'anmëty ko Tios n'ixy'ajtëmë.

1 Juan 2:5

E pën pyatuunëp ja y'aaw y'ayuk, kä'pxy tmëëtëty ja Tios ja tsyojkën. Jëtu'un nnija'awëm ko tu'ukyë n'ijtëm mëët ja Tios:

1 Juan 2:6

Pën ënaanp ko ja Tios mëët y'ity, jëtu'un jyuuky'atëty ijxtëm ja Jesukristë jyuuky'äjtyën.

1 Juan 3:22

ets yë'ë xymyo'oja'anëm winë tii ënäty n'amëto'ow npëjktso'owëmën, jä'ä ko npatu'unëm ënäty ja y'ënä'ämën ijxtëm tsokyën.

1 Juan 4:7

Mëku'uktëjkëty, nätsyojkëmë nixim niyam, jä'ä ko ja tsojkën ja'awën jam ja tsyoony ma Tiosën. Pën ja myëku'uktëjk tsyojkpyën, yë'ë ja Tios u'unk'ajtëp ets nyija'ap ja Tios.