1 Juan 3:23 - Biblia Mixe de Quetzaltepec

²³ Yë'ë ni'ik nyi'ënä'ämëp ets ja y'u'unk Jesukristë nmëpëjkmëty ets ko nixim niyam nätsyojkëmëty ijxtëm ja Jesukristë të tni'ënä'ämën.

Biblia Dc en Mixe de Quetzaltepec

²³ Yë'ë ni'ik nyi'ënä'ämëp ets ja y'u'unk Jesukristë nmëpëjkmëty ets ko nixim niyam nätsyojkëmëty ijxtëm ja Jesukristë të tni'ënä'ämën.

1 Juan 3:23 ပူးပေါင်းရင်းမြစ်များ

Juan 13:34

Tyam nmo'otë ja ënä'ämën jempyë: Nätsyokëtë nixim niyam. Jëtu'un ijxtëm miits ntsoktën, näjyëtu'un miits mnätsyokëtëty nixim niyam.

1 Pedro 1:22

Mëku'uktëjkëty, jä'ä ko xymyëmëtowtë ja tëypyë jaantypë, näyajwa'atsëtë ets nätsyokëtë nixim niyam winë aaw winëjot ets amëk jotmëk.

Juan 15:12

Yë'ës ya'atë n'ënä'ämën'ajtyp: Nätsyokëtë nixim niyam, ijxtëm ëjts miits të ntsoktën.

Juan 6:29

Ënät ja Jesús y'ëtsoowëtë: Mëti'ipë Tios tsyojkpyën ets xytyuntëty, yë'ë ets miits xymyëpëktëty mëti'ipë të tkexyën.

1 Pedro 4:8

Yë'ë tim kopkpëky ko ni'ik mnätsyokëtëty nixim niyam, jä'ä ko yë nätsyokë myä'kxtääpy yë poky.

1 Juan 3:11

Yë'ë ya'atë yë Tios y'aaw'ajtyp y'ayuk'ajtyp mëti'ipë ojts miits ëka'any xymyëtowtën, ko nätsyojkëmëty nixim niyam.

1 Juan 4:21

Tios ëëts ya'atë ënä'ämën të xymyo'oyëmë: Pën ja Tios tsyojkpy, näjyëtu'un ja myëku'uktëjk tsokëty.

1 Tesalonicenses 4:9

E ja tsojkën ja'awën mëti'ipë ja mëpëjkpëtëjk myëët'ajtëpën nixim niyam, ka'ap kyopkpëkyëty ets miits ntuknijayëtëty, jä'ä ko tëë ja Tios kë'ëm mtuknijawëtë wi'ix mnätsyok mnäjyawëtëty nixim niyam.

Efesios 5:2

Nätsyokëtë nixim niyam ijxtëm ja Kristë të xytsyojkëmën ets të nyäkyë'ëyäkyë ma të wyintsë'kën'atëtyën ëëts'ajtëmkyëjxm, jëtu'un tä ja wintsë'kënën mëti'ipë oy xu'kp jojkpën Tios wintum.

Marcos 9:7

Ënät ja yoots ojts myiny ma ënäty jamëtyën ets ojts ja yoots yajnitëkoyëtë; jap yootsjoty yajmëtooy tu'uk ja ayuk mëti'ipën ënanën: Ëjts ya'atë n'u'unk, mëti'ipës ntsojkpy nja'apën, mëtoow'itë ets mëmëtowtë wi'ix y'ënä'änyën.

Mateo 22:39

E ja mëmäjtskpë yë'ë mëti'ipë ënaanpën: Tsok ja mmëku'uk ijxtëm kë'ëm mnätsyokyën.

Hechos 16:31

Ënät ja Pablo ets ja Silas t'ëtsoowinpijtë: Mëpëk ja Wintsën Jesukristë ets mnitso'okëty mëët ja m'u'unk mto'oxytyëjk.

Juan 17:3

Yë juukyajtën xëmëkyëjxmëpë ënät yajpaaty ko mijts myaj'ixy'äty, ja tu'ukyëpë Tios'atyën mëtëypyë, ets ja Jesukristë mëti'ipë mijts të xykyexyën.

Juan 14:1

Këtii mjotmay'ooktëty, mëpëktë ja Tios Teety ets mëpëjktëk ëjts näjyëtu'un.

1 Timoteo 1:15

Tëyajtën ya'atë, mëpëktë ni'ëmukë: Kristë Jesús yë'ë të myiny naaxwiiny ets të tyajtso'oky ja pokyjä'äytyëjk, maas ëjts jëyëjp ntuktso'ontä'äkyën.

Juan 1:12

E mëti'ipë kupëjkën ets myëpëjkë, yë'ë ojts ja kutujkën tmo'oy ets Tios y'u'unk'atëtëty.

Juan 2:23

Ko ja Jesús ënäty jam yajpaaty ma ja Jerusalén kajpnën ëmaay xyëëwjoty, may ja ja'ay t'ijxtë ja mëj'ajtën mëti'ipë tyuun kyajpxën ets tmëpëjktë.

Juan 3:18

Pën myëpëjkpy ja Tios ja y'U'unk; ka'ap nyitukëja'any; e mëti'ipë ka'ap myëpëkyën tëë nyitukë jä'äkyëjxm ko ka'ap të tmëpëky ja Tios ja y'U'unk tu'kpajkpë.

1 Juan 2:7

Mëku'uktëjkëty, ka'ap ya'atë ënä'ämën jemy yam myajtukmëmëtya'aka'antë mëti'ipë yam myajtuknija'ayëtëpën, yë'ë mëti'ipë ojts xy'ëxajëtën më''ëka'any, ko mëpëjktso'ontë.

1 Juan 4:15

Pën nyikäjpxyp ko ja Jesús Tios y'U'unk'atyë, yë'ë mëët ja Tios jyuuky'äty ets Tios jam yajpaaty ma yë'ëjën.

1 Juan 5:13

Tyam miits nnijäyëtë jënu'un ja Tios U'unk xymyëpëktë ets xynyijawëtëty ko xymyëët'atë ja juukyajtën xëmëkyëjxmëpë.