1 Juan 3:22 - Biblia Mixe de Quetzaltepec

²² ets yë'ë xymyo'oja'anëm winë tii ënäty n'amëto'ow npëjktso'owëmën, jä'ä ko npatu'unëm ënäty ja y'ënä'ämën ijxtëm tsokyën.

Biblia Dc en Mixe de Quetzaltepec

²² ets yë'ë xymyo'oja'anëm winë tii ënety n'amëto'ow npëjktso'owëmën, jä'ä ko npatu'unëm ënety ja y'ënä'ämën ijxtëm tsokyën.

1 Juan 3:22 ပူးပေါင်းရင်းမြစ်များ

Job 22:26

Yë'ë nëjkx xytyukxoontä'äky ets xëmë nëjkx xytyuk'ijxpety.

Salmos 10:17

Wintsën, mijts mëtoow'ijtyp yë ja'ay ko mëkäjpxyë mëti'ipë näypyutëkë yajmëyäjtypyën, ets xyajjotkujktä'äky ets xypyutëkë.

Salmos 34:4

Ëjts, Wintsënës të n'apëky, e tëës xy'ëtsoy, yë'ëjës të xytyukniwa'atsy ja tsë'kën ja'awën.

Salmos 50:15

Mëkajpxkës ko ënäty mijts mon tuk myajpaaty; ëjts mijts nyajnitso'okëp ets jëtu'unës mijts xy'oyjawëty.

Proverbios 15:29

Yë Tios, myëjëkämkekpy yë ëxëëkja'aytyëjk; e myëtoow'ijtyp ko yë wa'ats ja'aytyëjk Tios mëkajpxtë.

Proverbios 28:9

Pën jää pën mëti'ipë ka'ap tja'akyukëja'anyën yë Tios yë y'ënä'ämën tyiyajtën, Tios ka'ap nëjkx kyupëkyë ko tjamëkajpxëty.

Isaías 1:15

Ko mkë'ë xyajjë'ëktë ets mkajpxta'aktë, ëjts jëkämës nnas'ixë; oy jënu'un mkajpxta'aktëty kanaak ok, ëjts ka'apës nmëtoy; jä'ä ko miitsëty ujts ja mkë'ë m'aawëty mëët ja jot ne'pyny.

Jeremias 33:3

Ëjts mëkajpxk ets n'ëtsowëty ets ntuk'ixëty mëjwiinpë këjääpë ja winma'any mëti'ipë yu'utsy'ijtpën, mëti'ipë ka'ap xynyijawën.

Mateo 17:5

Tam ënäty ja Pedro jëtu'un kyäjpxy ko ja yoots mëti'ipë ajajpën nyiju'uxëtë ets jap yootsjoty yajmëtooy tu'uk ja ayuk mëti'ipë ënaanpën: Ya'atës n'U'unk'ajtyp, mëti'ipës ni'ik ntsojkpyën. Ntukxoontäkpyës yë'ë. Mëtoow'itë, mëti'ipë nyikäjpxypën.

Mateo 21:22

Pën mmëpëjktëp, myajmo'otëp tu'kë'ëyë tii m'amëtoowtëp ko Tios xymyëkajpxtëty.

Marcos 11:24

Paaty miits n'ënëëmëtë, pën tii Tios m'amëtoowtëp jëtu'un mmaytyë tajtë ko myajmo'ojantëp, ets myajmo'otëty.

Juan 14:13

Ets tu'kë'ëyë mëti'ipë miits m'amëtoowtëpën ëjts nxëëwkyëjxmës, ntunäämpyës, ets mëët ja Tios U'unk yaj'ixëty ja Tios Teety ja myëj'ajt jyääntyajtën.

Juan 15:10

Pën mpatuuntëp ja n'ënä'ämënës, myajpaatantëp jam maas ja ntsojkën nja'awënën, jëtu'un ijxtëm ëjts npatunyën ja nTeetyës ja y'ënä'ämën etsës nyajpaaty ma ja tsyojkën jya'awënën.

Juan 15:7

Pën tu'ukyë m'itë mëët ëjts ets myaj'ijtëp jap m'aawjoty mjootjoty ja n'aaw n'ayukës, oy tii xytyim'amëtowtëty nëjkxëp myajmo'otë.

Juan 6:29

Ënät ja Jesús y'ëtsoowëtë: Mëti'ipë Tios tsyojkpyën ets xytyuntëty, yë'ë ets miits xymyëpëktëty mëti'ipë të tkexyën.

Juan 8:29

Mëti'ipës xykyäjxpën, mëëtës n'ity; nijëna'ajës nätyu'uk xykya'ëxmatsy, jä'ä ko yë'ëjës xëmë ntuunpy mëti'ipë tyukjotkëtäkpyën.

Juan 9:31

Wa'ats ëëts nnija'awëmë ko yë Tios ka'ap tmëtoow'ity yë pokyjyä'äy, yë'ë y'amëtoow'ijtyp mëti'ipë wintsë'këyëpën ets mëti'ipë tyuuntëpën mëti'ipë yë'ë tsyojkpyën.

Hechos 17:30

Tios ka'ap ojts tëëyëp tmëjpëjktä'äky oy ja ja'ay ka'ap oy myäytyë tyajtë, tyam yë'ë tsyojkpy, ets tëkokyë ja ja'ay wyimpijta'atëty ma yë'ëjën

Hechos 20:21

Wä'än tjutiis ja'ayëty tkajutiis ja'ayëty, ni'ëmukës të nëëmëtë ets mwinpitëty ma Tiosën, xy'ëxmatstëty ja ëxëëk winma'any ets xymyëpëktëty ja Wintsën Jesús.

Filipenses 4:18

Tëës may winë n'ëxajë ets njaaktimmyëët'ajtypës ja natëkë, jä'ä ko nmëët'ajtypyës mëti'ipë ja Epafrodito ojts xytyukmëkäxëtën. Jëtu'un ya'atë putëjkën ijxtëm ja pa'akxu'kpën mëti'ipë yajyojxpën ets yajtukwintsë'këpën ja Tios ets tukjotkëta'akëty.

Colosenses 1:10

Yë'ë miits ntukni'amëto'owëtëp ets mjuuky'attëty ijxtëm pyaat'atyën mëti'ipë myëpëjktëpën ja Wintsën; yë'ë mtuntëp mëti'ipë yë'ë tyukjotkëtäkpyën, mëti'ipë oy tsuj winpëtsëëmpën ets ja Tios oy xynyijawëtëty.

Hebreos 13:21

wa'an mmo'ojëtë ja wa'atsajtën ets tu'kë'ëyë mëti'ipë oyën ets xytyuntëty mëti'ipë tsyojkpyën mëët ja Jesukristë ja xyëëw. Yë'ë mëj'ajtën jaanty'ajtën jyä'ä'atëp xëmëkyëjxm. Oy jyëtu'un'atëty.

Santiago 1:5

Pën jam miits jënaakën ka'ap xymyëët'atë ja wijyajtën kejyajtën, amëtowtë Tios ets mmo'ojëtëty. Aak Tios yäjkpy oy tyimtiijëty, ka'ap tii tukwintuk'ooky.

Santiago 4:3

Ets ko xy'amëtowtë, ka'ap myajmo'otë, jä'ä ko ka'ap oy xy'amëtowtë ets jä'ä ko jam xyajtuna'antë ma ka'ap pyaat'atyën.

Santiago 5:16

Paaty, maaywyatstë ja mpokyëty nixim niyam ets nätyuknija'amyätsëtë ja Tios winpity atëjy ets mtso'oktëty. Tuunp ni'ik ko ja oyjyä'äy Tios tja'amyetsy.

1 Juan 2:3

Pën nmëmëto'owëm ja Tios ja y'ënä'ämën tyiyajtën, jyëkyejpy akujk jotkujk n'ëna'anmëty ko Tios n'ixy'ajtëmë.

1 Juan 5:14

Yë'ë ja Tios ntuk'ijxpäjtëm, jä'ä ko nnija'awëm ko n'amëto'owmëty winë ijxtëm yë'ë tsokyën myëtoopy yë'ë.