1 Juan 3:20 - Biblia Mixe de Quetzaltepec

²⁰ pën nja'awëm jootjoty winma'anyjoty ko ka'ap tii oy ntu'unëmë, Tios wäänë mëj yë'ë këtiinëm ja njoot'ajt nwinma'any'ajtëmë, wa'ats nijawë tii ënäty oy nkatu'unëm.

Biblia Dc en Mixe de Quetzaltepec

²⁰ pën nja'awëm jootjoty winma'anyjoty ko ka'ap tii oy ntu'unëmë, Dios wäänë mëj yë'ë këtiinëm ja njoot'ajt nwinma'any'ajtëmë, wa'ats nijawë tii ënety oy nkatu'unëm.

1 Juan 3:20 ပူးပေါင်းရင်းမြစ်များ

Jeremias 17:10

Ëjts, mëti'ipë Wintsën'ajtpën, mëti'ipë nyija'awëtyääpyën yë jot winma'any, mëti'ipë wa'ats y'ixy'äjtypyën wi'ix ja'ay tu'ukjaty myäy tyäjyën, mëti'ipë myooytyääpyën nitu'ukjaty yë ja'ay kyuma'ayën ijxtëm të tyuny të kyäjpxyën.

Hebreos 4:13

Nitii tkajëkyepy ja Tios yajtukwinkuyu'utsëty mëti'ipë të tyajkojyën, aak wyintum wyinkujkm winë yajpata'ay, ets ma yë'ëjën nëjkx nkë'ëyajkta'ayëm tëkokyë tii të ntu'un të nkajpxëmën.

1 Corintios 4:4

koos kë'ëm n'ëna'any ko ka'apës tii poky nmëëtëty, ka'ap yë'ëkyëjxmëty koos ka'ap tii ntuuntëkoy. Yë Wintsën yë'ëjës xypyaye'eyaanp.

1 Juan 4:4

U'unk maayëty, Tios miits m'u'unk'ajtëtëp. Tëë ja win'ë'ëmpëtëjk xymyëmëta'aktë, jä'ä ko wäänëni'ik ja mëk'ajtën tmëëtëty mëti'ipë mëët m'itën këtiinëm ja mëti'ipë naaxwiinyëtën.

Jeremias 23:24

¿Pën ëkmayëtëp nyäyu'utsëtëty maajës winë n'ixyën? Ëjts tamës nyajpaaty tsajpkëjxm ets naaxwiiny. Ëjts Wintsën, ëjts ënaanp.

Job 33:12

Tääpë aaw ayuk ka'ap myëtëyëty, jä'ä ko yë Tios ni'ik yë myëjëty këtiinëm jyëtu'unëty yë naaxwiinyëtë ja'ay.

Juan 21:17

E mëtëkëëk ok yajtëëwkojënëpë: Simón, Juan yë myaank, ¿xytsyojkpësë? Ets ja Pedro jyotmaytyëjkëy ko mëtëkëëk ok yajtëyë pën tsyojkpy ets t'ëtsooy: Wintsën, mnija'ap mijts tu'kë'ëyë winë, mnija'ap mijts ko ntsoky. Ets ja Jesús y'ënëmaayë: Këwent'ajtëkës yë nkupixyny.

Salmos 90:8

Ëëts yë nnëë npokyëty, yë ntuuntëko'oy nkajpxtëko'oyënëty mijts tëkokyë mkëwentëpëjktääpy ets mnija'awëtyääpy.

Tito 3:11

Nijawë ko ya'atë ja'ay tëë tyëkooynyë ets tëë ja kyë'ëmpoky kë'ëm yajnitujkëyënë.

Job 27:6

Koonëmës nikajpxa'any ko ëjts mëtëyës winë të ntuny, ka'apës tii poky nmëët'aty tiijës jayajtukwinmëtowëpën.

Juan 8:9

Ko jëtu'un tmëtoowtë ets tsyo'ontë wintu'uk patu'uk, jëwyiin tsyo'ontë ja mëjja'aytyëjk. Ko ja Jesús ojts wyi'imy nätyu'uk mëët ja to'oxytyëjk mëti'ipë jam wintënaayëpën,

Hebreos 6:13

Ko ja Tios tyaj'apatëy ja waantakën ma ja Abrahamën, kë'ëm ojts nyäxyëëwkukäjpxyë, jä'ä ko ka'ap ënäty pën wiinkpë wäänë mëjpë ijxtëm yë'ëjën.

Hechos 5:33

Ko jëtu'un tmëtoowtë, tääts tukjoot'anpëjktë ets ojts tjayaj'ooka'antë.

Romanos 8:34

¿Pën xy'ëkyajnitujkëmëp? Kristë Jesús mëti'ipë ojts y'ookyën ets mëti'ipë ojts jyuukpyikyën ets tam yajpaaty Tios y'aka'anytsyow ma xynyinu'kxtakëmën.

1 Juan 3:19

Jëtu'un ëëtsajtëm nnija'awëmë ko ja Tios xyjyä'ä''ajtëmë ets akujk jotkujk n'ijtmëty Tios wyintum

1 Juan 3:21

Mëku'uktëjkëty, ko ja njoot'ajt nwinma'any'ajtëm ëmuumtu'uk npëjktakmëty jam ma Tiosën, ka'ap ntsë'këmëty Tios wyintum;