1 Juan 3:1 - Biblia Mixe de Quetzaltepec

¹ Ixtë wi'ix ja Tios Teety mëj këjää të xytsyojkëmën ko të xy'u'unkniwa'anëmë. Paaty ka'ap xy'ixy'ajtëm ja ja'ay mëti'ipë tyuuntëpën ja yääyëpë naaxwiinyëtë kyixy nyäxyën, jä'ä ko ja Tios tka'ixy'atë.

Biblia Dc en Mixe de Quetzaltepec

¹ Ixtë wi'ix ja Dios Teety mëj këjää të xytsyojkëmën ko të xy'u'unkniwa'anëmë. Paaty ka'ap xy'ixy'ajtëm ja ja'ay mëti'ipë tyuuntëpën ja yääyëpë naaxwiinyëtë kyixy nyäxyën, jä'ä ko ja Dios tka'ixy'atë.

1 Juan 3:1 ပူးပေါင်းရင်းမြစ်များ

2 Samuel 7:19

Wäänë jëtäätën xy'ixy, ko yë'ëpaat xynyikajpxnë wi'ix myiny wyinkonyën ja n'ënä'ämënës nkutujkënës, wi'ix ja n'u'unk n'okës nëjkx y'ënä'ämtën yajkutuktën. Jëtu'un ijxtëm mijts winë xytyunyën, ka pën mkamëpaatëtëty Wintsën.

Salmos 31:19

Janty mëj yë m'oyjot m'oywyinma'any xyajnikëxë'ëky ma ja'ayëtyën mëti'ipë mtukxoontakëtëpën. Jëtu'un xypyëjkë'ëky tä yë wit meenyën, ets wa'ats xytyuk'ixy xytyuknijawë ko xyajwä'kxy yë m'oyajtën ma ja'ayëtyën mëti'ipë ëmuumtu'ukjot mtuk'ijxpäjtëpën.

Jeremias 3:19

Israel, ojts mijts nkupëky ets n'u'unk'ata'any nmaank'ata'any, ko nmo'oja'any tu'uk ja naax kajpn mëti'ipë ja'ay wyiink'ixëpën ko y'oyëty tsyujëty këtiinëm jëtu'un wiinkëtypë naax kajpn. Etsës të nmay të ntajy ko teetyën xyjyawëja'anyës ets ko ka'ap nijëna'a xy'ëxmatsa'anyës.

Oseas 1:10

Pyatäämpy ja xëëw po'o ma Israel ja'ay nyimay'ata'antën jinën, ni pën kyamayëtëty tkijpxëty ets tmëtsyowëty. Ets ka'apës nëjkx n'ëk'ënëmaaynyëtë: Miitsëty ka'ap nkajpn'atë, jä'ä nëjkx yë Tios y'ënë'ëmxëtë: Miitsëty yë'ë Tios juukpyë m'u'unk'ajtëtëp.

Lucas 20:36

jä'ä ko ka'ap nëjkx t'ëkjëkyäjpnë y'ooktëty. Aakjëtu'un yajpaatanëtë tä Tios kukäjpxy, aak Tios u'unk'atanëtëp jä'ä ko ënäty të jyuukpyëktë.

Juan 1:12

E mëti'ipë kupëjkën ets myëpëjkë, yë'ë ojts ja kutujkën tmo'oy ets Tios y'u'unk'atëtëty.

Juan 11:52

ets ka'ap yi'iyëty, näjyëtu'un ets tyajnämyukëtëty tu'kë'ëyë ja Tios ja y'u'unk y'ëna'k mëti'ipë ënäty të ye'eywya'kxtën naaxwiinyëtë apëtsëmy.

Juan 15:21

Ëxëëk mjata'an mkëpäta'antë mëët ëjtskyëjxm, jä'ä ko ka'ap nijawëtë pën të xykyexyës.

Juan 16:3

Paaty nëjkx jëtu'un y'ëtë'ëtstë, jä'ä ko ka'ap ja Tios Teety t'ixy'atë, ets ëjts nän ka'apës xy'ixy'atë.

Juan 17:25

Tios Teety mëtëypyë, yë naaxwiinyëtë ja'ay ka'ap m'ixy'atëtë; ëjts n'ixy'äjtypyës mijts, ya'atë näjyëtu'un nyija'awëtyëp ko mijtsës të xykyexy.

Juan 3:16

Yë'ë ko Tios ni'ik ja naaxwiinyëtë ja'ay tsoky, paaty tkejxy ja y'U'unk tu'kpajkpë. Pën myëpëjkpy ka'ap y'ookëty, yë'ë myëët'atëp ja juukyajtën xëmëkyëjxmëpë.

Romanos 5:8

E yë Tios yajnikëxë'kpy ko tsoky tjawë ja ja'ay. Ma ënäty ëëtsajtëm pokyjyä'äy nyajpatëmën, Kristë të xykyu'o'këmë.

Romanos 8:19

Tu'kë'ëyë mëti'ipë ja Tios të tyajkojyën jyëjp'ijxtëp ja xëëw ma ja Tios tyajnikëxë'ëkanyën mëti'ipë y'u'unk'ajtypyën.

Romanos 8:21

ets ja mëj'ajtën jaanty'ajtën ëwa'atstum pyëjkta'akëtëty ets ja Tios ja y'u'unk y'ëna'k tpata'antë ja myëj'ajt y'oyajtën.

Romanos 8:32

Jä'ä ko ka'ap ja Tios të tukwintuk'ooky ja kyë'ëm U'unk, tëë ni'ëmukë xykyu'o'këmë, ¿Wi'ix ko ënät xykyamo'omyëty mëët yë'ë tu'kë'ëyë winë?

2 Corintios 6:18

Ëjts miits xytyeety'atëp, etsës miits n'u'unk'atëty. Jëtu'un ja Wintsën Mëti'ipë maaytyääyëpën winë y'ënä'äny.

Gálatas 3:26

Tios miits tyam ni'ëmukë m'u'unk'ajtënëtëp ko të xymyëpëktë ja Jesukristë,

Gálatas 3:29

Ets pën Kristë miits të xymyëpëktë, ja Abrahamën näjyëtu'un m'u'unk'ajt m'ok'ajtëtëp ets miits xyjyä'ä'atë ja kuma'ayën mëti'ipë ja Tios të tuknipëjktaakën.

Deuteronomio 14:1

Tëë xynyijawëtë, ko miitsëty mWintsën m'u'unk'ajtëtëp. Paaty këtii nëkoo mjot mnini'kx oy wi'ix xytyuntëty, këtii nëkoo xyajtsëtyut xyajwintëkoytyëty. Ni yë'ë mwaay mkopk ëxaty xykyatuntëty ko pën y'ookëty tyëkoyëty.

Colosenses 3:3

Jëtu'un tpaaty ijxtëm jeexyë të m'ooktën mëët ja Kristë. Kristë ja mjuukyajtënëty myëët'ajtyp tuknipëjkë'ëkë ma ja Tiosën.

1 Juan 3:10

Nikëxë'kp ja ja'ay mëti'ipë ja Tios u'unk'ajtëpën ets mëti'ipë ja mëjku'u u'unk'ajtëpën. Pën ja oypyë kyatuumpyën ëkë ka'ap ja myëku'uk ttsoky tjawë, ka'ap ja Tios y'u'unk'atyë.

1 Juan 3:2

Mëku'uktëjkëty ninu'un miits ntsoktën njawëtën, Tios ëëts tyam xy'u'unk'ajtënëp. Oy nkanija'awëmë wi'ix ok nyajpaata'anëmën, tëë nnija'awëm ko ja Jesukristë myina'any jatëkok jëtu'un nëjkx n'awinpijtëmë tä yë'ëjën; jä'ä ko nëjkxëp n'ijxëmë wi'ix y'ixëtyën.

1 Juan 4:17

Jëtu'un'äämpy tyunyë jyätyë ja tsojkën ja'awën ma ëëtsajtëmën; ets ko ja näpyaye'eyë y'ity jotkujk jää nyajpatmëty; jä'ä ko jëtu'un ënäty ëëtsajtëm yaa naaxwiiny nyajpatëmë tä ja Jesukristë jyuuky'äjtyën.

Apocalipsis 21:7

Ya'atë kyuma'ayën'atëp pën ënäty mëtakpën, etsës yë'ë xyTios'atëty ets yë'ëjës n'u'unk'atëty.