1 Juan 2:4 - Biblia Mixe de Quetzaltepec

⁴ Pën ënaanp ko Tios t'ixy'äty ets ka'ap tpatuny ja y'ënä'ämën, win'ë'ëmpë ënäty ets ka'ap ja Tios ja tyiyajtën tmëët'ajtë.

Biblia Dc en Mixe de Quetzaltepec

⁴ Pën ënaanp ko Dios t'ixy'äty ets ka'ap tpatuny ja y'ënä'ämën, win'ë'ëmpë ënety ets ka'ap ja Dios ja tyiyajtën tmëët'ajtë.

1 Juan 2:4 ပူးပေါင်းရင်းမြစ်များ

Juan 8:44

Ja mëjku'u miits mteety'ajtëp, yë'ë miits mtuuntëp mëti'ipë yë'ë tsyojkpyën. Tëëyëp yë mëjku'u tyajtso'ontä'äky ko je'eyë yajja'ay'ooky. Nijëna'a tëypyë jaantypë tkatuny ets nijëna'a mëtëypyë tkakäjpxy. Ko wyin'ëëny, kyë'ëm jä'ä kyäjpxyp, jä'ä ko win'ë'ënpë yë'ë ets yë'ë yajtso'ontak ja win'ë'ënën.

Tito 1:10

Jä'ä ko tää ja'ay jyatëtë mëti'ipë je'eyë käjpxy kyumëtoownajxtëpën, mëti'ipë judá ijxpëjkën winma'any tyuk'ijtëtëpën; mëti'ipë je'eyë tyäty mëtyaktëpën ets wyin'ëëntë.

Tito 1:16

Jëtu'un y'ëna'antë ko Tios t'ixy'atë, je'eyëp ko tii tuntë jëtu'un yaj'ixy ka'ap yowë t'ixy'atë, ëxëëk'ijxtëp ets käjpxy kumëtoownajxtëp, ka'ap tukjatë wi'ix tii oy tuntëtyën.

1 Juan 1:10

Pën ëna'anëm ko ka'ap npokytyu'unëmë, ja Tios ënäty ntijëm win'ë'ëmpë, jä'ä ko y'ënä'äny ko ni'ëmukë npokytyu'unta'ayëm ets ka'ap ja y'aaw y'ayuk të nmëpëjkëmë.

1 Juan 1:6

Pën ëna'anëm ko ja Tios mëët nyajpatëmë ets jëtu'un njuuky'ajtëmë ijxtëm y'akootstuuyëtyën, win'ë'ënën ënäty ets ka'ap ja tëyajtën npatu'unëm.

1 Juan 1:8

Pën ëna'anëm ko ka'ap tii npoky'ajtëmë, kë'ëm ënäty nnäwyin'ë'ënëm ets ka'ap mëtëy nja'ay'ajtëmë.

1 Juan 2:3

Pën nmëmëto'owëm ja Tios ja y'ënä'ämën tyiyajtën, jyëkyejpy akujk jotkujk n'ëna'anmëty ko Tios n'ixy'ajtëmë.

1 Juan 2:9

Pën ënaanp ko yajpaaty ma ja jajën të'kxën, e y'ëxëëk'ijxyp ja myëku'uk, jam ja yajpaatynyëm akootstum.

1 Juan 3:6

Paaty, pënjaty ijtëp mëët ja Kristë, ka'ap y'itë pokyjotm; e pën ijtp pokyjotm, ka'ap ja Kristë nijawë ets ka'ap t'ixy'äty.

1 Juan 4:20

Pën ënaanp: Ntsojkpyës ja Tios, ets y'ëxëëk'ijxyp ja myëku'uk, win'ë'ëmp ënäty. Jä'ä ko pën kyatsojkpy ja myëku'uk mëti'ipë y'ijxypyën, ¿wi'ix'äämpy ja Tios tsoka'any mëti'ipë ka'ap yaj'ixyën?

1 Juan 4:7

Mëku'uktëjkëty, nätsyojkëmë nixim niyam, jä'ä ko ja tsojkën ja'awën jam ja tsyoony ma Tiosën. Pën ja myëku'uktëjk tsyojkpyën, yë'ë ja Tios u'unk'ajtëp ets nyija'ap ja Tios.