1 Juan 2:29 - Biblia Mixe de Quetzaltepec

²⁹ Mnija'awëtëp ko ja Jesukristë mëtëy winë tuny, ets mnijawëtëp näjyëtu'un ko pën tyuunpyën ja oypyë, yë'ë ënäty ja Tios u'unk'ajtëp.

Biblia Dc en Mixe de Quetzaltepec

²⁹ Mnija'awëtëp ko ja Jesukristë mëtëy winë tuny, ets mnijawëtëp näjyëtu'un ko pën tyuunpyën ja oypyë, yë'ë ënety ja Dios u'unk'ajtëp.

1 Juan 2:29 ပူးပေါင်းရင်းမြစ်များ

1 Juan 3:7

Miits, u'unk maayëty, këtii pën mnätyukwin'ëënëtëty; pën ja nipaye'eyën oypyë tyuunpy, wa'ats ja yajpaaty ijxtëm ja Jesukristë wya'atsëtyën.

1 Juan 5:1

Pën myëpëjkpy ko ja Jesús yë'ë mëti'ipë ënäty yajjëjp'ijxpën, Tios ja u'unk'ajtëp; ets pën ja Tios Teety tsyojkpy, näjyëtu'un tsokëty ja Tios u'unk.

Juan 1:13

Ka'ap yë'ëkyëjxmëty ja Tios y'u'unk'atëtë ko të myëxu'unk'atë ijxtëm naaxwiinyëtë ja'ayën ets ka'ap yë'ëkyëjxmëty ko yë'ë të tsojkën'atë, yë'ë ko Tios të yajkoj të pyëjkta'akëtë.

1 Juan 4:7

Mëku'uktëjkëty, nätsyojkëmë nixim niyam, jä'ä ko ja tsojkën ja'awën jam ja tsyoony ma Tiosën. Pën ja myëku'uktëjk tsyojkpyën, yë'ë ja Tios u'unk'ajtëp ets nyija'ap ja Tios.

1 Pedro 3:18

Jä'ä ko ja Kristë ojts xykyu'o'k xykyutëko'oyëmë tu'k'okyë ko npokyjyä'äy'ajtëmë. Yë'ë ka'ap ijty tii poky tmëëtëty; yë'ë pokyjyä'äy ojts tku'ëyowë ets myajnëjkxa'anëtë ma Tiosën. Oy ojts ja Kristë y'ëk'ooky ko nyäpyëjktakë naaxwiinyëtë ja'ayën; ojts jyuukpyiky mëët ja juukyajtën ka'apë kyëxë'ëkyën.

Santiago 1:18

Jä'ä ko Tios jëtu'un të tsojkën'aty, paaty të xymyo'oyëm ja juukyajtën mëtëypyë mëët ja aaw ayuk. Tu'kë'ëyë mëti'ipë Tios yajkojën, jëtu'un yë'ë ijxtëm tii tyëëm'atyën ets n'ijtmëty ijxtëm ja aay ujtsën mëti'ipë jëyëjp tëëm'ajtë'kpën.

1 Juan 5:4

tëkokyë pën ja Tios u'unk'ajtëp myëmëtaktääpy ja naaxwiinypë. Ja nmëpëjkën'ajtëm yë'ë xyajmëtakëm naaxwiinyëtë.

Hechos 10:35

kyupëjkpy pën wintsë'këyëp ets pën tyuunpy mëti'ipë paat'ajtëpën.

2 Pedro 1:4

Ets mëët ja jëtu'unpë tëë xytyukwinwa'anëmë ja këjääpë ets tsowpë, yë'ëkyëjxm xypyata'antë ja Tios ja y'oyajtën, myëj'ajtën ets xykyukä'äktëty ja mëti'ipë këjxp najxpën, yääyëpë naaxwiinyëtën.

1 Pedro 1:3

Tsojk nmëjja'aw njaantyjya'awëm ja Tios, ja Wintsën Jesukristë Tyeety, ko të xypya'ëyo'owëmë ets ja nwinma'any'ajtëm të tyaj'ajämë mëët ko ja Jesukristë të jyuukpyiky. Jëtu'un ëëtsajtëm nija'awëmë ko nmëët'ajtëm ja juukyajtën.

Hebreos 7:26

E jëtu'un yë Jesús, të nyäxy Mëj teety wintsën mëti'ipë ënäty nyajmëyajtëmën. Yë'ë kënu'kxy, wa'ats, ka'ap poky tmëëtëty, ka'ap pyokyjä'äyëty ijxtëm ëëtsajtëmën, wäänë këjxm yë'ë y'ity këtiinëm ja tsajp.

2 Corintios 5:21

Kristë nitii poky ojts tkatuny, je'eyë ko ëëtskyëjxm ja Tios pyëjktakë ijxtëm jeexyë ja poky tmëët'atyën, jëtu'unts ja Tios xyaj'ëwaatsëpëtsë'emëty mëët ja Kristë.

Hechos 22:14

Ets xyjyaak'ënëmaayës: Ja Tios, mëti'ipë ja nteety'ajt n'ap'ajtëm ijty Tyios'ajtëpën, yë'ë të mwin'ixyë ets xynyijawëty mëti'ipë yë'ë tsyojkpyën, ets xy'ixëty mëti'ipë mëtëyën ets xymyëtowëty ko mmëkajpxëtëty.

Zacarías 9:9

Xoonta'ak mëjwiin këjää mijts Sión kajpn. Akujk jotkujk m'ëwëty mya'axëty, mijts Jerusalén kajpn. Jä'ä ko tää mniminyë mëti'ipë mkutujkpë'atäämpyën, oypyë jyä'äy'ätyën ets mëti'ipë xëmë mëtakpën; je'eyëp ko yu'unk naxym myiny, krukts tyuk'ënyääpy, kyërukts këjxy myiny, yë'ë krukts mëti'ipë nän krukts të yajmëxu'unk'atyën.

3 Juan 1:11

Mëku'uk, këtii yë'ë xypyatunëty ja ëxëëk ijxpëjkën, patun mijts ja oypyë. Pën ja oypyë tyuunpy, yë'ë Tios jä'ä'ajtëp; pën ja ëxëëkpë tyuunpy, ka'ap ja Tios nyijawëty.

1 Juan 5:18

Nnija'awëm pën ja Tios tyeety'äjtypyën, ka'ap ja pyokytyuny, jä'ä ko Tios U'unk këwent'ajtëp ets ka'ap ja ëxëëkpë pyäätyë.

1 Juan 3:5

Tëë miits xynyijawëtë ko ja Jesukristë, yë'ë të tniminy yaa naaxwiiny ets xyajpokywyatsmëty, yë'ë, ka'ap tii poky tmëëtëty.

1 Juan 2:1

Miitsëty, u'unk maayëty, ya'atë yam ntuknija'ayëtëp këtiipë mpokytyuntëty. E pën jää pën pyokytyuny, nmëët'ajtëm ja nikajpxtutpë Tios wintum, Jesukristë, mëti'ipë ka'ap tii poky tmëëtëtyën.

1 Pedro 1:23

Tëë miits jatëkok mëxu'unk'atë; ka'ap yë'ëty ko jam xymyëët'atë ja mteety mtaakëty mëti'ipë o'ktëpën, yë'ë ko ja Tios ja y'aaw y'ayuk të xymyëpëjkëtë, mëti'ipë xëmëkyëjxm ijtpën ets juukyën.

Hebreos 7:2

ënät ja Abraham tmooy ja Melquisedec tu'kpëky ja majk pëkpyë mëti'ipë pyëjkën ko myëtäky ma tsyiptuunyën. Ja Melquisedec ja xyëëw jä'ä y'ayukwinpëtsëmy yajkutujkpë mëti'ipë kijpxy'äjtyën myëët'ajtypyën ets ko jam Salem yajkutuky, näjyëtu'un yajtijy yajkutujkpë mëti'ipë kijpxyajtën myëët'ajtypyën, jä'ä ko jëtu'un ja Salem y'ayukwinpëtsëmy Jotkujkajtën.

Jeremias 13:23

¿Wä'än jëtää yë yëk ja'ay nyätyëkatsëtëty poopë? ¿Wä'än jëtää yë kaa nyätyuknipëjktu'utëtëty yë kyats'ajtënë? Näyjyëtu'un miitsëty ka'ap tjëkyepy mnäyajtëkatsëtëty, miitsëty ëxëëkpë të xy'ijxwë'ëmtë, ka'ap tjëkyepy oypyë xytyuntëty.

Hechos 3:14

Miitsëty yë'ë ojts xyajnitukëtë ja wa'ats ja'ay mëti'ipë ka'ap tii poky tmëëtëtyën ets xyaj'ëwaatsëpëtsëëmtë ja yaja'ay'o'kpë.

Juan 7:18

Pën yë kyë'ëm winma'any kyäjpxyp ets ja ja'ay myëjpëjktä'äkyë, yë'ë y'ixtääpy ets yajmëjpëjkta'akëty; mëti'ipë y'ixtääpyën ets yajmëjpëjkta'akëty ja mëti'ipë të kyexyën yë'ë mëtëy kajpxp ets ka'ap tjëkyepy wi'ix tëkatsy yajnimëtya'akëty.