1 Juan 2:28 - Biblia Mixe de Quetzaltepec

²⁸ E tyam, u'unk maayëty, itë tu'ukyë mëët ja Kristë, ets akujk jotkujk npatmëty n'ijxmëty ko ënäty myiny jatëkok; nitii tsë'ëkë ets nitiitsëtyu'un ënäty nkamëët'ajtëm ko myinëty.

Biblia Dc en Mixe de Quetzaltepec

²⁸ E tyam, u'unk maayëty, itë tu'ukyë mëët ja Kristë, ets akujk jotkujk npatmëty n'ijxmëty ko ënety myiny jatëkok; nitii tsë'ëkë ets nitiitsëtyu'un ënety nkamëët'ajtëm ko myinëty.

1 Juan 2:28 ပူးပေါင်းရင်းမြစ်များ

1 Juan 4:17

Jëtu'un'äämpy tyunyë jyätyë ja tsojkën ja'awën ma ëëtsajtëmën; ets ko ja näpyaye'eyë y'ity jotkujk jää nyajpatmëty; jä'ä ko jëtu'un ënäty ëëtsajtëm yaa naaxwiiny nyajpatëmë tä ja Jesukristë jyuuky'äjtyën.

Marcos 8:38

Pën xytyuktsëtyuumpës ets pën ja n'aaw n'ayukës tyuktsëtyuumpy ma ya'atë pokyjyä'äyëtyën, näjyëtu'unës nëjkx ntuktsëtyuny koos jatëkok nminëty mëët ja nTeetyës ja myëj'ajt y'oyajtën ets ja y'anklëstëjk wa'atspë.

1 Juan 3:2

Mëku'uktëjkëty ninu'un miits ntsoktën njawëtën, Tios ëëts tyam xy'u'unk'ajtënëp. Oy nkanija'awëmë wi'ix ok nyajpaata'anëmën, tëë nnija'awëm ko ja Jesukristë myina'any jatëkok jëtu'un nëjkx n'awinpijtëmë tä yë'ëjën; jä'ä ko nëjkxëp n'ijxëmë wi'ix y'ixëtyën.

1 Juan 3:21

Mëku'uktëjkëty, ko ja njoot'ajt nwinma'any'ajtëm ëmuumtu'uk npëjktakmëty jam ma Tiosën, ka'ap ntsë'këmëty Tios wyintum;

Colosenses 3:4

Ko nëjkx yaj'ixy ja Kristë, mëti'ipë yäjkpyën ja juukyajtën, näjyëtu'un miitsëty nëjkx myaj'ixtë mëët ja Kristë ma mëj'ajtën oyajtënën.

1 Juan 2:1

Miitsëty, u'unk maayëty, ya'atë yam ntuknija'ayëtëp këtiipë mpokytyuntëty. E pën jää pën pyokytyuny, nmëët'ajtëm ja nikajpxtutpë Tios wintum, Jesukristë, mëti'ipë ka'ap tii poky tmëëtëtyën.

1 Tesalonicenses 3:13

Wä'än yë Wintsën tu'ukyë tyaj'ity ja mjot mwinma'anyëty, wa'ats, ka'ap tii poky xymyëët'attëty Tios wyintum ko ënäty myiny ja Wintsën Jesús mëët ni'ëmukë mëti'ipë jyä'ä'ajtypyën. Jëtu'un y'itëty.

Malaquías 3:2

Je'eyëp, ko ¿pën y'ëkwintänëp ko ënäty myiny? ¿Pën y'ëkmëtänëp ja myëk'ajtën? Jä'ä ko yë'ë jëtu'un myina'any tä mëk jëënën ets xyajtooywya'atsa'anëmë; jëtu'un myiny tä xëtsën mëti'ipë nyëpujäämpyën ja ëxëëkajtën.

1 Juan 5:14

Yë'ë ja Tios ntuk'ijxpäjtëm, jä'ä ko nnija'awëm ko n'amëto'owmëty winë ijxtëm yë'ë tsokyën myëtoopy yë'ë.

1 Pedro 5:4

Jëtu'un ko ënäty ja Wintsën Jesukristë myiny, ënät miits xy'ëxajëtëty ja kutujkën ka'apë kyixy nyäxyën.

Apocalipsis 1:7

Nijawëtë. Ko yë Kristë jam myina'any yootsjotm. Ni'ëmukë ja ja'ay t'ixa'antë, yë'ëpaat mëti'ipë ojts tyajkruutspätën. Jë'ëjan ya'axantëp ja naaxwiinyëtë ja'ayëty ko ënäty t'ixtë. Tëy jëtu'un, jëtu'un y'itëty.

Hebreos 9:28

Näyjyëtu'un ja Kristë të wyintsë'kën'aty tuk'okyë ets ja mayjyä'äy të pyokywya'atstë. Ok jatëkok myina'any ja mëmäjtsk okpë, je'eyëp ko ka'ap yë'ë t'ëkniminanë ja nëë poky, yë'ë nyiminäämpy ets tyajnitso'oka'any ja mëti'ipë jëjp'ijxëtëpën.

1 Tesalonicenses 2:19

Jä'ä ko ¿pën n'ëktukjotkujk'atëpës ets jotkujk xyajnäjyawëtëtyës, ëkë pën jëtää ëëts n'ëktukxoonta'aktëp ëkë mëj xyajnaxtëpës jam ma Wintsën Jesukristën ko ënäty myiny? ¿Këtii myiits'atë, këtii tyiyëtyë?

1 Corintios 1:7

Jëtu'un miits ka'ap xyajtëkoy'attëty ja tuunk mëti'ipë ja Tios yäjkpyën ko xy'ëwxitë ja Wintsën Jesukristë ko myina'any.

Romanos 9:33

Jëtu'un ijxtëm ja Tios ja y'aaw y'ayuk kyëxja'ayëtyën: Ja'aykyukëtë, npëjktäkpypës jam Jerusalén tu'uk ja tsaa, tu'uk ja tsaa mëti'ipë ja'ay yajkëtawëpën ko jam kyunäpëty. Pën yë'ë tyuk'ijxpejtyp, ka'ap tsyëtyu'unpaata'any.

Tito 2:13

naamka'anëm jyä'tynyëm mëti'ipë n'a'ijx njëjp'ijxëmën, ko myina'any ja mëj Tios, ets ja yajnitsokpë Jesukristë.

2 Timoteo 4:8

Ets tyam, ja oyajtënës xy'owëxijtp mëti'ipës xypyatpën, mëti'ipë ja Wintsën, mëtëypyë pyaye'eyën xymyo'ojaanpës jä'ä xëëw. Ets ka'ap y'ëjtsëty je'eyë nätyu'uk, näjyëtu'un yajmo'oja'antë ni'ëmukë mëti'ipë tsyojktëpën ets myinëty mëët ja mëj'ajt oyajtën.

1 Timoteo 6:14

ets xytyunëty ja tuunk mëti'ipë ntuk'ëne'empyën, ets oy ets wa'ats mjuuky'atëty ijxtëm ka'ap tjëkyäpëtyën wi'ix pën mpoky'ixëtëty, koonëm ja Wintsën Jesukristë myinëty.

1 Tesalonicenses 5:23

Wä'än ja Tios, mëti'ipë jotkujk'ajtën yäjkpyën, yë'ë wa'ats tyaj'ity ja mjot mwinma'anyëty, mjot mja'awënëty ets mni'kx mkopkëty; ka'ap ënäty ja poky xymyëët'atë ko ja Wintsën Jesukristë myinëty.

1 Corintios 15:23

Tuknipëjktaakë y'ity nitu'ukjaty. Ja Kristë jëyëjp ets ok nimina'any ja jyä'äy.

Malaquías 4:5

Ëk'ixtë: Ëjts yë'ëjës yam nkäxäämpy yë Elías yajkutujkpë, ma ka'anëm tpaatyën ja xëëw po'o ma ëyo'on jotmay y'ita'anyën.

Isaías 25:9

Jä'ä xëëw nëjkx ja aaw ayuk y'ënä'äny: Ya'atë jëtu'un Wintsënajtp mëti'ipë nTios'ajtëmën, yë'ë të ntuk'ijxpäjtëmë ets yë'ë të xyajtsokëmë. Tsojk ntukxoontakëmë ets ntukxo'on ntuk'ijtëmë, jä'ä ko yë'ë tëë xyajtsokëmë.

1 Pedro 1:7

Jä'ä ko jëtu'un miits ja mëpëjkënëty ijxtëm ja pu'ts pujxnën mëti'ipë jëwyiin nitoopyën ets yaj'ixy pën oy. Ja mëpëjkpë mëti'ipë myëtënääpyën ja ëyo'on jotmay, yë'ë wäänëni'ik tsoowpatp këtiinëm ja pu'ts pujxn mëti'ipë wintëkoopyën; ko miits näjyëtu'un myaj'ijxmatstëty ets xymyëtänëtëty ja ëyo'on jotmay, kumay miits mnaxa'antë, mëj'äämpy ets wyintsë'ëkë ko ënäty ja Jesukristë myiny.

Isaías 45:17

E ja Israel ja'ay Wintsën ojts yajtso'okëtë, yatsokëtë winë xëëw winë jëmëjt, ets yë'ëjëty ka'ap ojts nijëna'a tsëtyu'unmëët wyë'ëmtë ets nijëna'a o'ktëy kyajata'antë.

Mateo 16:27

Jä'ä ko minaanp yë naaxwiinyëtë ja'ay Y'u'unk mëët ja tyeety ja myëj'ajt y'oyajtën ets ja y'anklëstëjk ets tmo'oja'any nitu'ukjaty pën wi'ixëty pën të jyuuky'ätyën.

Mateo 16:28

Tëy miits n'ënëëmëtë ko tää yaa ja ja'ay yajpaatë mëti'ipë ka'ap y'ooka'antën koonëm t'ixtëty ko ënäty myiny ja yajkutujkpë, ja naaxwiinyëtë ja'ay ja y'U'unk.

Lucas 17:30

Näyjyëtu'un jyata'any ko ënäty ja naaxwiinyëtë ja'ay ja y'U'unk nyikëxë'ëky.

Efesios 3:12

Mëët ko ja Kristë të nmëpëjkëmë, jyëkyejpy nmëwinko'onmëty ja Tios mëët ja oy'aaw oyjyot.