1 Juan 2:22 - Biblia Mixe de Quetzaltepec

²² ¿Pën jëtää win'ë'ëmpë'ajtp? Yë'ë mëti'ipë ënaanpën ko Jesús ka'ap yë'ëjëty mëti'ipë ënäty yajjëjp'ijxpën. Jëtu'umpë ja'ay myëtsip'ajtyp ja Kristë, ka'ap tkupëky ja Tios Teety ets nän ka'ap tkupëky ja Tios U'unk.

Biblia Dc en Mixe de Quetzaltepec

²² ¿Pën jëtää win'ë'ëmpë'ajtp? Yë'ë mëti'ipë ënaanpën ko Jesús ka'ap yë'ëjëty mëti'ipë ënety yajjëjp'ijxpën. Jëtu'umpë ja'ay myëtsip'ajtyp ja Kristë, ka'ap tkupëky ja Dios Teety ets nän ka'ap tkupëky ja Dios U'unk.

1 Juan 2:22 ပူးပေါင်းရင်းမြစ်များ

Mateo 24:24

Jä'ä ko minantëp ja ja'ayëty mëti'ipë nëjkx nyätyijëtën Kristë ets mëti'ipë nätyijëtëpën Tios kyäjpxynyajxpë; nëjkxëp tyaj'ixëtë ja mëj'ajtën ets wi'ix kawi'ixëty nëjkx winë tuntë ets yë'ëpaat nëjkx yajwin'ëëntë mëti'ipë ënäty ja Tios të twin'ixyën.

Mateo 24:5

Jä'ä ko may ja ja'ay myina'any ijxtëm jeexyë ëjtsën ets y'ëna'ana'any: Ëjts jëtu'un ja Kristë ets may ja ja'ay twin'ëëna'any.

Juan 8:44

Ja mëjku'u miits mteety'ajtëp, yë'ë miits mtuuntëp mëti'ipë yë'ë tsyojkpyën. Tëëyëp yë mëjku'u tyajtso'ontä'äky ko je'eyë yajja'ay'ooky. Nijëna'a tëypyë jaantypë tkatuny ets nijëna'a mëtëypyë tkakäjpxy. Ko wyin'ëëny, kyë'ëm jä'ä kyäjpxyp, jä'ä ko win'ë'ënpë yë'ë ets yë'ë yajtso'ontak ja win'ë'ënën.

1 Juan 1:6

Pën ëna'anëm ko ja Tios mëët nyajpatëmë ets jëtu'un njuuky'ajtëmë ijxtëm y'akootstuuyëtyën, win'ë'ënën ënäty ets ka'ap ja tëyajtën npatu'unëm.

1 Juan 2:18

U'unk maayëty, tëë ja tiempo tpaaty ma ja naaxwiinyëtë kyëxanën. Tëë myaj'ëwaanëtë ko myina'antë ja mëti'ipë myëtsip'atantëpën ja Kristë ets tää ja tyamëtynyë may mëti'ipë ja Kristë myëtsip'ajtëpën; paaty nnija'awëmë ko tëë ja tiempo tpaaty ma ja naaxwiinyëtë kyëxanën.

1 Juan 2:23

Pën ja Tios U'unk kyakupëjkpy, nän Tios Teety ënäty kyakupëjkpy.

1 Juan 2:4

Pën ënaanp ko Tios t'ixy'äty ets ka'ap tpatuny ja y'ënä'ämën, win'ë'ëmpë ënäty ets ka'ap ja Tios ja tyiyajtën tmëët'ajtë.

1 Juan 4:20

Pën ënaanp: Ntsojkpyës ja Tios, ets y'ëxëëk'ijxyp ja myëku'uk, win'ë'ëmp ënäty. Jä'ä ko pën kyatsojkpy ja myëku'uk mëti'ipë y'ijxypyën, ¿wi'ix'äämpy ja Tios tsoka'any mëti'ipë ka'ap yaj'ixyën?

1 Juan 4:3

E pën ënaanpën ko ja Kristë ka'ap të myiny, ka'ap ënäty ja Kënu'kxymyëkajtën tmëëtëty, ja ku'oypyë ënäty myëët'ajtyp. Tëë xymyëtoy'atë ko y'ita'any ja jëtu'unpë win'ë'ëmpë winxajpë ets tää tyam yajpaatë yaa naaxwiiny.

1 Juan 5:1

Pën myëpëjkpy ko ja Jesús yë'ë mëti'ipë ënäty yajjëjp'ijxpën, Tios ja u'unk'ajtëp; ets pën ja Tios Teety tsyojkpy, näjyëtu'un tsokëty ja Tios u'unk.

2 Juan 1:7

May ja win'ë'ëmpë yaa naaxwiiny mëti'ipë ënantëpën ko ja Jesukristë ka'ap myiiny tä ja'ayën. Pën jëtu'un ënantëpën, win'ë'ëmpë jä'äjëty ets myëtsip'ajtëp ja Kristë.

Judas 1:4

Jä'ä ko tëë ja ja'ay jya'të mëët ja näwyin'ë'ënën mëti'ipë ja Tios ojts tëëyëp tnikäjpxyën ko nyëjkxa'antë ëyo'ontum. Ëxëëk ja'ay yë'ëjëty, je'eyë nëkoo ja Tios ja y'aaw y'ayuk tyajnaxtë kajpxpäjn ma ëxëëkajtën tuntën. Ka'ap tmëjpëjkta'aktë ja Tios ja y'oyajtën, ni'ikyënëm t'ixtijtë ja Tios ja myëj'ajtën ets ja Jesukristë ja kyutujkën.

Apocalipsis 3:9

Ja mëjku'u ja myëtuunpëtëjk mëti'ipë nëkoo nätyijëtëpën ko jyutiis ja'ay'atë ets je'eyë y'anta'aktë, tëëjës ntuknipëjktaakë ets mwinkoxtänëtëty ets nijawëtëty ko mijts n'oyjyawë.