1 Juan 2:19 - Biblia Mixe de Quetzaltepec

¹⁹ Yë'ëjëty tëë jam yajpaatë ma ëëtsajtëmën. Je'eyëp ko ka'ap oy të myëpëktë. Ko jeexyë tu'ukyë ja jyot wyinma'any të tpëjkta'aktë, ka'ap jeexyë të xypyuye'eytyutëmë. Jëtu'un të nyikëxë'ëky ko ka'ap ëëtsajtëm nja'ay'ajtëmë.

Biblia Dc en Mixe de Quetzaltepec

¹⁹ Yë'ëjëty tëë jam yajpaatë ma ëëtsajtëmën. Je'eyëp ko ka'ap oy të myëpëktë. Ko jeexyë tu'ukyë ja jyot wyinma'any të tpëjkta'aktë, ka'ap jeexyë të xypyuye'eytyutëmë. Jëtu'un të nyikëxë'ëky ko ka'ap ëëtsajtëm nja'ay'ajtëmë.

1 Juan 2:19 ပူးပေါင်းရင်းမြစ်များ

Job 17:9

Yë'ë wa'ats nyäyajnaxëtë ets jëtu'un y'ëna'antë ko yë'ëjëty ka'ap nitii tuuntëkoytyë.

Salmos 37:28

Yë Wintsën yë'ë xëmë tsyojkpy mëtëypyë ets oypyë, ka'ap nijëna'a t'ëxmatsy mëti'ipë oy mëtuunëpën; yajkutëkoopy mëti'ipë ëxëëk ja'ay'ajtpën ets ka'ap nitu'uk yë y'u'unk y'ok tyajwë'ëmë.

Salmos 41:9

Yë'ëpaat yë nmëku'ukës mëti'ipës ënäty mëët oy nnäjyawëtyën, mëti'ipës ënäty mëët tu'ukyë nkay n'uukyën, nän tëës xymyëtsiptsoony.

Mateo 24:24

Jä'ä ko minantëp ja ja'ayëty mëti'ipë nëjkx nyätyijëtën Kristë ets mëti'ipë nätyijëtëpën Tios kyäjpxynyajxpë; nëjkxëp tyaj'ixëtë ja mëj'ajtën ets wi'ix kawi'ixëty nëjkx winë tuntë ets yë'ëpaat nëjkx yajwin'ëëntë mëti'ipë ënäty ja Tios të twin'ixyën.

Marcos 13:22

Jä'ä ko minantëp mëti'ipë nätyijanëtëp Kristë ets mëti'ipë nätyijanëtëp Tios käjpxynyajxpë, yaj'ixëtëp näjyëtu'un ja ijxpäjtën ets mëj'ajtën, ets yë'ëpaat yajwin'ëëna'any mëti'ipë ja Tios të wyin'ixyën.

Lucas 8:13

Ja tëëmt mëti'ipë ojts kyä'äyën tsaajotm, jëtu'un yë'ë ijxtëm ja ja'ayëty mëti'ipë y'amëtoow'ijtëpën ja Tios ja y'aaw y'ayuk ets jotkujk myëpëjkojtë. Ko ënät wi'ix tkujatëtë tääts t'ëxmatstë. Yë'ë jëtu'un jajtp ijxtëm ja tsajpmokyonën mëti'ipë ka'ap tyiktsk kyëkëtyën.

Juan 15:2

Ko tu'uk ja tsatym xe'enty ka'ap tyëëmyäky, tääts tkatspuxy; e ko tyëëmyäky ni'ikyë twinpëky twintuny ets nëpuxy nëpooty mëti'ipë atsijpën tääts yajxon tyëëm'atëty.

Juan 4:14

e mëti'ipë y'uktëpën ja nëë mëti'ipës ëjts nyäjkpyën, nijëna'a kyatëëtsëja'antë jatëkok. Jä'ä ko ja nëë mëti'ipës nyakäämpyën, jëtu'un ja myuuta'any ijxtëm ja nëëkopkën mëti'ipë yajjuuky'ajtpën.

Hechos 15:24

Tëës nmëtoy'atë ko tëë ya'atë ja'ay jënaakën nyëjkxtë ma miitsëtyën mëti'ipë ka'ap ëëts nkäxtën, mëti'ipë jyatsojktëpën ets jeexyë mwinmaaytyëkatstë ets jeexyë xyajtëkoytyë ja mëpëjkënëty.

Hechos 20:30

Näy tam jënaakën ma miitsëtyën mëti'ipë nëjkx wyin'ëënyën ets jëtu'un yaj'ixpëka'any ets ja mëpëjkpë pyanëjkxëtëty.

Romanos 9:6

Ka'apës n'ëna'any ko ja Tios ka'ap tkuuytyuny ja y'aaw y'ayuk; paatyës jëtu'un n'ëna'any jä'ä ko mëti'ipë nätyijëtëpën Israel ja'ay ka'ap ni'ëmukë y'israel ja'ay'atë.

1 Corintios 11:19

Jëtu'un tyimjataanpë ets miits mnäpyëjkwa'kxëtëty ets yajnijawëty pën oy myëtuuntëp ja Tios.

Deuteronomio 13:13

ka'apë yë Wintsën tmëmëtowtën. Je'eyë nëkoo oypyënëty twin'ëën twinxajtë ets tukjëjpye'eytyu'uta'antë yë mWintsën Tiosëty yë nyëë'aaw tyu'u'aaw, ma tuk'ëwtata'antën ka'apë wyintsënëtyën.

2 Timoteo 2:10

Paatyës nkupëky akujk jotkujk oymyëti'ipë ëyo'onëty ets tpaatëty ja nitsokën ets ja Jesukristë ja y'oyajtën mëti'ipë ja Tios të wyinwitsëtën.

2 Timoteo 2:19

E Tios tëë tu'uk ja potsy ëjx tpëjktä'äky ta'tspëkpyë, ma kyëxja'ayëtyën: Wa'ats ja Tios t'ixy'äty mëti'ipë jyä'ä'ajtypyën, ets Ni'ëmukë mëti'ipë kyajpxpatëpën ja Wintsën ja xyëëw, näjyëpëkëtëp ma ja ëxëëkpën.

2 Timoteo 3:9

Je'eyëp ko ka'ap yë jyä'ä myëjtëkëja'antë, jä'ä ko nyijawëjantëp yë ja'ay ko tsuu ets kunëpap yë'ëjëty, näjyëtu'un ijxtëm jyaajtën ja nimäjtskpë ja ja'ayëty mëti'ipë myëtsippëjktën ja Moisés.

Hebreos 10:39

Ka'apës njëtu'un'atë ijxtëm y'ëtë'ëtstën mëti'ipë tu'utëkajtstëpën ets tyu'utëkoytyë, yë'ëjës nmëjwa'kpäjtëp mëti'ipë mëpëjktëpën ets ja nitsokën tpaatë.

2 Juan 1:7

May ja win'ë'ëmpë yaa naaxwiiny mëti'ipë ënantëpën ko ja Jesukristë ka'ap myiiny tä ja'ayën. Pën jëtu'un ënantëpën, win'ë'ëmpë jä'äjëty ets myëtsip'ajtëp ja Kristë.

Judas 1:1

Judas, Jesukristë myëtuunpë, Santiagë myëkä'äx. Tyam mkajpxpo'kxëtë jënu'un ja Tios Teety të mëkajpxëtën, mëti'ipë ja Jesukristë ijx'ijtëtëp këwent'ajtëtëp.

Judas 1:19

Je'eyë tyajnäwya'kxa'anëtë ja mëpëjkpëtëjk, yi'iyë tyunantëp ja ëxëëkajtën, ka'ap ja Kënu'kxymyëkajtën tmëët'atë.