1 Juan 2:15 - Biblia Mixe de Quetzaltepec

¹⁵ Këtii xy'atsoktëty ja naaxwiinyëtë juukyajtën ets mëti'ipë jää yajpatpën naaxwiiny. Pën ja naaxwiinyëtë y'atsojkpy, ka'ap ja Tios Teety ja tsyojkën tmëëtëty,

Biblia Dc en Mixe de Quetzaltepec

¹⁵ Këtii xy'atsoktëty ja naaxwiinyëtë juukyajtën ets mëti'ipë jää yajpatpën naaxwiiny. Pën ja naaxwiinyëtë y'atsojkpy, ka'ap ja Dios Teety ja tsyojkën tmëëtëty,

1 Juan 2:15 ပူးပေါင်းရင်းမြစ်များ

Santiago 4:4

Miitsëty, mëti'ipë ja Tios të y'ëxmatstën, ¿tii këtii xynyijawëtë ko ja Tios ka'ap tsoky ets ja naaxwiinyëtë winma'any n'atsojkmëtyë? Oy tyimpënëty mëti'ipë ja naaxwiinyëtë winma'any y'atsojkpyën, ja Tios myëtsipëjkpy.

Romanos 12:2

Këtii m'ëkjuuky'ajnëtëty ijxtëm ja ja'ayëtyën mëti'ipë ja naaxwiinyëtë winma'any yajtuuntëpën, yajtëkatstë ja mwinma'anyëty ets ja mjuukyajtënëty, jëtu'un xynyijawëtëty mëti'ipë ja Tios tsyojkpyën, mëti'ipë oyën, mëti'ipë y'oyjya'apën ets mëti'ipë mëtëyën.

Mateo 6:24

Ka'ap pën myëta'akëty, nimäjtsk ja wintsën tmëtunëty. Jä'ä ko tu'uk nëjkx t'oyjyawë ets tu'uk ka'ap, tu'uk nëjkx tmëjpëjktä'äky ets tu'uk ka'ap. Näyjyëtu'un miitsëty, ka'ap tjëkyepy yë Tios xymyëtuntëty ets näjyëtu'un mkumeeny'atantëpëty.

Lucas 16:13

Ka'ap tjëkyepy tu'uk ja tuunpë tmëtunëty nimäjtsk ja wintsën; jä'ä ko wä'än jëtää tu'uk oy tmëtunëty ets tu'uk ka'ap oy tmëtunëty; ja mëti'ipë ka'ap oy tmëtunyën jä'ä y'ëxëëk'ixëp e ja mëti'ipë oy myëtuumpyën jä'ä y'oyjyawëp. Paaty näjyëtu'un ka'ap tjëkyepy yajmëtunëty ja Tios ets näjyëtu'un yajmëtuunpëty ja wit meeny.

Juan 15:19

Ko jeexyë miits näjyëtu'un m'ëtë'ëtstë ijxtëm yë'ëjëtyën, mtsojkëtëp jeexyë ijxtëm tsoktën ja jyä'äy. E jä'ä koos miits të nwin'ixtë ma ja ja'ayëtyën mëti'ipë yajtuuntëpën ja naaxwiinyëtë winma'any ets ka'ap jëtu'un m'ëtë'ëtstë ijxtëm yë'ëjëtyën, paaty mka'oy'ixëtë.

1 Juan 3:17

Ko pën jam tii tmëëtëty winë ets ka'ap tmo'oy ja myëku'uk, oy tjatim'ixy ko ja myëku'uk tii tyajm'ëmaatyä'äky, ¿wi'ix y'ëna'ana'any ko ja Tios tsoky?

1 Timoteo 6:10

Yë meeny atsojkën ëxëëk ja'ay tyajjaty tyajkëpety;; tää ja'ay tëëpë ja myëpëjkën t'ëxmajtsnën ets o'ktëy të nyätyunyë.

Gálatas 1:10

Ëjts ka'apës yë'ëjëty n'ixta'ay etsës yë ja'ay xykyumayëty, yë'ëjës ntsojkën'ajtyp etsës yë Tios xykyumayëty. Ka'apës yë'ëkyëjxmëty winë ntuny ets naaxwiinyëtë ja'ay xy'oyjyawëtyës. Koos jeexyë ëjts oy nwë'ëma'any ma naaxwiinyëtë ja'ayëtyën, ka'ap ënäty ja Kristë ëjts xy'ëktuunpë'ajnë.

1 Juan 4:5

Yë'ëjëty naaxwiinypë myëpëjktëp; paaty jëtu'un y'ëwtë kyajpxtë, ets mëti'ipë näjyëtu'un ijtëpën naaxwiiny oy tja'akyyukëtë.

Efesios 2:2

Yë'ë ijty mpatuuntëp ja naaxwiinyëtë ja'ay ja wyinma'any ets ja ku'oypyë mëti'ipë jëtijtpën pojjotm ets tjotmëkmo'oy ja ja'ay mëti'ipë ka'ap tmëmëtowtën ja Tios.

1 Juan 5:10

Pën myëpëjkpy ja Tios U'unk, jyotjoy wyinma'anyjoty ja y'ity ko ja Jesús Tyios y'U'unk'atyë. Pën ka'ap tmëpëky, jëtu'un ja Tios tyajnaxy ijxtëm jeexyë wyin'ëënyën; jä'ä ko ka'ap ja y'aaw y'ayuk tmëpëjkë ijxtëm ja y'U'unk tnimëtyä'äkyën.

Mateo 4:8

Ets ja mëjku'u ojts wyoownëjkxyë ma ja kopkën ets tyuk'ijxtaayë ja naax kajpn mëj'äämpyë ets kumeenypë y'itën naaxwiinyëtë apëtsëmy,

Santiago 1:27

Ja mëpëjkën oypyë ets wa'atspë Tios Teety wintumpë yë'ë ya'atë: yajputëjkëp ja ku'ooky u'unk ets ja ku'ooky tyo'oxytyëjk mëti'ipë maaytyëp tajtëpën, näjyëtu'un yajputëkëty ka'apë nyäyaj'ëxëëkëtyën mëët ja ëxëëkajtën yaapë naaxwiinyëtën.