1 Juan 1:6 - Biblia Mixe de Quetzaltepec

⁶ Pën ëna'anëm ko ja Tios mëët nyajpatëmë ets jëtu'un njuuky'ajtëmë ijxtëm y'akootstuuyëtyën, win'ë'ënën ënäty ets ka'ap ja tëyajtën npatu'unëm.

Biblia Dc en Mixe de Quetzaltepec

⁶ Pën ëna'anëm ko ja Dios mëët nyajpatëmë ets jëtu'un njuuky'ajtëmë ijxtëm y'akootstuuyëtyën, win'ë'ënën ënety ets ka'ap ja tëyajtën npatu'unëm.

1 Juan 1:6 ပူးပေါင်းရင်းမြစ်များ

Salmos 82:5

E miitsëty ka'ap xynyijawëtë ets nän ka'ap mja'akyukëtë, akootstuuy mijts myajpaatë. Yu'kxtëp mëti'ipë pya'tënaaytyëpën ja naaxwiinyëtë.

Salmos 94:20

Mijts ka'ap tjëkyepy mnäy'oyjyawëtëty mëët yë yajkutujkpë mëti'ipë ka'ap tii oy yajxon tnipaye'eyën, mëti'ipë aak tëkatsy winë tyuuntëpën ets ka'ap jyëtu'unëty tä ja ënä'ämën myinyën,

Proverbios 2:13

Mëti'ipë myajtstutëpën në'ë aaw tu'u aaw oypyë ets ënät jä'ä tpanëjkxnëtë ja në'ë tu'u kupi'its kukootspë,

Mateo 7:22

Ko ja ja'ay yajpaye'etyëty, may nëjkx y'ëna'antë: Wintsën, Wintsën, mijts mxëëwkyëjxmës të nkajpxwa'kxtë ja Tios ja y'aaw y'ayuk, mijts mxëëwkyëjxmës ja ku'oypyë të n'ixkäxtë ets mijts mxëëwkyëjxmës may ja Tios ja myëj'ajtën të nyaj'ijxëtë.

Juan 11:10

e pën akoots tu'u ja'ay ye'epy, kunajpëp jä'ä ko ka'ap ja kutë'kxn tmëëtëty.

Juan 12:35

Ënät ja Jesús y'ënëmaayëtë: Jaakyajpaataanp jawäänë ja të'kxën jajën ma miitsëtyën. Naxtë tëkëtë jaaktäänëm ja të'kxën jajën xymyëët'atë ets këtiipë ajotkumonë mkukootsëtëty. Mëti'ipë tu'uye'epyën akootstum ka'ap nijawë maa nyijkx.

Juan 12:46

Ëjts, mëti'ipë kutë'kxp kujajpën, tëëjës nminy yaa naaxwiiny. Pën xymyëpëjkpës ka'ap y'ita'any kupi'its kukoots.

Juan 8:12

Ko ja Jesús ojts jatëkok tmëkäjpxy ja mayjyä'äy, ënät y'ënëmaayëtë: Ëjts kujajp kutë'kxp ma ja naaxwiinyëtën; pën xypyamiinpës, pyaatëp ja të'kxën jajën mëti'ipë yajjuuky'ajtpën ets ka'ap nijëna'a y'ëkyajpatnëty akootstuuy.

Juan 8:55

E miitsëty ka'ap xy'ixy'atë. Ëjts, n'ixy'äjtypyës yë'ë; ets koos jeexyë n'ëna'any ko ka'ap n'ixy'ätyës, näjyëtu'un ënäty ëjts nwin'ëënyës ijxtëm miitsëtyën. E ëjts, n'ixy'äjtypyës yë'ë ets npatuumpyës yë y'aaw y'ayuk.

1 Timoteo 4:2

Yë'ë myëjpëjkta'akantëp ja ja'ay mëti'ipë wiinkë'ëy akë'ëy ja'ay'ajtpën ets mëti'ipë win'ë'ënpën, jap jyootjoty wyinma'anyjoty tsa'ay jap yajpaaty mëët ja ëxëëkpë.

Santiago 2:14

Mëku'uktëjkëty, ¿tii nyawa'anëty ja ja'ay ja myëpëjkën pën ka'ap tii oy tuny? ¿Wä'än jëtää ja myëpëjkën yajtso'okëtëtyë?

Santiago 2:16

ets nitu'uk miits je'eyë xynyëëmëtëty: Nëjkxtë akujk jotkujk; mpëjkta'aktëp yë mnimu'ux këtiipë mtëpooktëty ets kaytyë uuktë tii mtimtsyojkpy, ets tyam ënäty miits nitii të xykyamo'otë, ¿jää tii nyawa'anëty ja mëpëjkën?

Santiago 2:18

Wä'än jëtää tu'uk yë ja'ay tyajtëwëty ets y'ëna'anëty: Mijts, mjamëpëjkpy yë Tios je'eyëp ko ka'ap xyajtuny; ëjts ntuumpyës winë oy. Ëktuk'ijxkës ja mmëpëjkën ma ka'ap tii oy xytyunyën; e ëjts tyam mijts ntuk'ixëty maas tii oy ntunyën, oyës nkamëpëky.

1 Juan 1:10

Pën ëna'anëm ko ka'ap npokytyu'unëmë, ja Tios ënäty ntijëm win'ë'ëmpë, jä'ä ko y'ënä'äny ko ni'ëmukë npokytyu'unta'ayëm ets ka'ap ja y'aaw y'ayuk të nmëpëjkëmë.

1 Juan 1:3

Yë'ë yam ntuk'ëwa'anëtyëp mëti'ipë të n'ijxtë nmëto'owëmën ets jëtu'un tu'kmukyë n'ijtmëty, ijxtëm mëët n'ijtëmën ja Tios Teety ets ja y'u'unk Jesukristë.

1 Juan 1:8

Pën ëna'anëm ko ka'ap tii npoky'ajtëmë, kë'ëm ënäty nnäwyin'ë'ënëm ets ka'ap mëtëy nja'ay'ajtëmë.

1 Juan 2:4

Pën ënaanp ko Tios t'ixy'äty ets ka'ap tpatuny ja y'ënä'ämën, win'ë'ëmpë ënäty ets ka'ap ja Tios ja tyiyajtën tmëët'ajtë.

1 Juan 4:20

Pën ënaanp: Ntsojkpyës ja Tios, ets y'ëxëëk'ijxyp ja myëku'uk, win'ë'ëmp ënäty. Jä'ä ko pën kyatsojkpy ja myëku'uk mëti'ipë y'ijxypyën, ¿wi'ix'äämpy ja Tios tsoka'any mëti'ipë ka'ap yaj'ixyën?