1 Corintios 8:3 - Biblia Mixe de Quetzaltepec

³ Pën ja Tios tsyojkpy jya'ap, nija'awëyëp ja Tios.

Biblia Dc en Mixe de Quetzaltepec

³ Pën ja Dios tsyojkpy jya'ap, nija'awëyëp ja Dios.

1 Corintios 8:3 ပူးပေါင်းရင်းမြစ်များ

Éxodo 33:17

Ya'atë mëti'ipë yam të xynyikäjpxyën ntunäämpyës yam, jä'ä ko mijts ntuk'ijxpejtyp ets ntukjotkëtäkpy, jëtu'un ja Tios t'ëtsooy ja Moisés.

Nahúm 1:7

Yë Wintsën oy yë jot winma'any tmëëtëty; mpatmëp yë tsoktakn ma yë'ëjën ko mon tuk nyajpatmëty: Nyikëëpy nyixäjpy mëti'ipë tuk'ijxpäjtëpën.

2 Timoteo 2:19

E Tios tëë tu'uk ja potsy ëjx tpëjktä'äky ta'tspëkpyë, ma kyëxja'ayëtyën: Wa'ats ja Tios t'ixy'äty mëti'ipë jyä'ä'ajtypyën, ets Ni'ëmukë mëti'ipë kyajpxpatëpën ja Wintsën ja xyëëw, näjyëpëkëtëp ma ja ëxëëkpën.

1 Corintios 2:9

E jëtu'un të jyäty ijxtëm kuja'ay myinyën: Ni pën tka'ixy tkamëtoynyëm ets ni pën tkawinmaynyëm mëti'ipë ja Tios të tuknipëjktaakën.

Gálatas 4:9

E tyam ko ja Tios të xynyijawëtë, ëkë n'ëna'anmëty ko ja Tios të mnijawëtë, ¿wi'ix miits xykyupëjkojnëtëpë ja winma'any mëti'ipë ka'ap tsyoowpaatyën ets je'eyë yaj'ëyoy yajjotëkoy? ¿Yë'ë jëtää miits mtsojktëp ets mëtuunpë m'awinpitëty jatëkokë?

Apocalipsis 2:19

Nija'apës tu'kë'ëyë winë mëti'ipë mtuumpyën, nija'apës yë mmëpëjkën, yë mtuunk ets ko m'ity tu'ukyë ma ëjtsën ets ko tyam wäänëni'ik winë oy xytyuny këtiinëm ijty tëëyëp.

Santiago 1:12

Akujk jotkujk ja ja'ay mëti'ipë amëk jotmëk myëtënääpyën ja ëyo'on jotmay; ko tuknaxëty ja ëyo'on yë'ë kyuma'ayën'atäämpy ja juukyajtën mëti'ipë Tios të tukwinwanën ja mëti'ipë tsojkëpën.

Jeremias 1:5

Ka'anëm ënäty juukyajtën nmo'oynyëm ko ojts nwin'ixy, ka'anëm ënäty mminyëm naaxwiiny ko ëpëky npëjktäky; yë'ë ojts ntukniwë'ëmë ets m'itëty käjpxynyajxpë ma naax kajpnën.

Juan 10:14

Ëjts jëtu'un oypyë kupixyny këwent'ajtpë. Jëtu'un ijxtëm xy'ixy'ätyës ja nTeetyës nän jëtu'unës n'ixy'äty ja nTeetyës; jëtu'un n'ixy'ätyës ja nkupixynyës ets yë'ëjëty nän jëtu'unës xy'ixy'atë. Ëjts nyäjkpyës ja njuukyajtën maas ja nkupixynyën.

Mateo 7:23

Ënätës n'ëtsowa'any: Nijëna'a miits të nka'ixy'atë. Winwa'ktutëkës miits pokyjä'äytyëjkëty.

Salmos 1:6

Yë Tios Kyëwent'ajtyp yë wa'ats ja'aytyëjk yë nyë'ë tyu'u; e ja ëxëëkja'aytyëjk ja nyë'ë tyu'ujëty jam ja nitëyë nyijkxy ëyo'onjotm.

1 Juan 4:19

Paaty ja Tios ntsojkëm, jä'äkyëjxm ko yë'ë jëwyiin të xytsyojkëm.

Apocalipsis 2:9

Nija'apës wi'ix ëxëëk mjaty mkëpetyën ets wi'ix m'ëyoyën ko tii winë xyajmëyäty oy jam winë xyjyamëëtëty. Ets nija'apës wi'ix ëxëëkjaty ja'ay mnimëtyä'äkyën je'eyëp ko tääpë ja'ayëty paaty jëtu'un y'ëtë'ëtstë jä'ä ko ku'oypyë yajmëjnajxtëp.

1 Pedro 1:8

Mtsojktëp miits ja Jesukristë oy të xykya'ixtë; e tyam mëët ko xymyëpëktë oy të xykya'ixtë, ni'ikyë mxoonta'aktë mëj këjää mëët ja mëj'ajt oyajtën mëti'ipë ka'ap yajmë'ayukpaatyën wi'ix yajnikajpxëty.

Éxodo 33:12

Ënät yë Moisés t'ënëmaay yë Tios: Ëk'ix Tios, mijts jëtu'un të m'ëna'any koos ya'atë naax kajpn ntu'uwinye'eyëty, je'eyëp ko mijts ka'apës xytyuk'ëwaanë pën mëët ntu'uwinye'eyëtyës ets näjyëtu'un m'ëna'any ko xytyukjotkujk'ajtpës ets xy'oyjya'apës.

Salmos 17:3

Mijts mnija'ap wi'ixës nmay ntajyën; oy kyootsëty wa'atsës xy'ixy, jëtu'unës mijts xyajtooywyä'ätsy tä ja'ay pu'ts pujxn tyajtooywyä'ätsyën ets ka'ap tii ëxëëkpë të xypyääty ma ëjtsën. Ka'apës nijëna'a tii të nikäjpxy mëti'ipë ka'ap nyimëtyaknëtyën.

Apocalipsis 2:13

Nija'apës ko jam mtsëënë ma ja mëjku'u kyutujktaknën; je'eyëp ko wa'ats jam mnäyaj'ityë koos ëjts xymyëpëky. Ka'ap ja mmëpëjkën të xyajjëwä'äky ma ëjtsën, ni jää ma ja Antipas y'o'kyën, mëti'ipës oy xymyëtuunën, ma tääpë kajpnën ma mëjku'u tsyëënën.

Juan 21:17

E mëtëkëëk ok yajtëëwkojënëpë: Simón, Juan yë myaank, ¿xytsyojkpësë? Ets ja Pedro jyotmaytyëjkëy ko mëtëkëëk ok yajtëyë pën tsyojkpy ets t'ëtsooy: Wintsën, mnija'ap mijts tu'kë'ëyë winë, mnija'ap mijts ko ntsoky. Ets ja Jesús y'ënëmaayë: Këwent'ajtëkës yë nkupixyny.

Santiago 2:5

Mëku'uktëjkëty, mëtowtë ets ja'akyukëtë ya'atë: Tios tëë twinwitsy ja ja'ay mëti'ipë ëyoowtëpën yaa naaxwiiny ets ni'ik ja mëpëjkën tmëët'atëty ets t'ëxajëtëty ja kuma'ayën mëti'ipë Tios të tukwinwanën ja ja'ay mëti'ipë tsojkëpën;

Romanos 11:2

Tëëyëp ja Tios tkajpniwa'any ja Israel ja'ay, e tyampaat je'eyëm tkajpniwa'any ¿tii ko t'ëk'ëxwaanpëty? ¿Këtii xynyijawëtë wi'ix ja Tios ja y'aaw y'ayuk y'ënä'änyën ma ja Tios ja kyäjpxynyajxpë Elías yajnimëtyä'äkyën, ko ja Tios ojts tja'amyetsy ets ojts tuk'ëwaanë ja Tios wi'ix ja jutiis ja'ay y'ëtë'ëtstënë? ets y'ënäny:

1 Reyes 3:3

Salomón tsyojkpy jya'ap ënäty ja Wintsën ets tyuunpy tä ja David të ënäty të tyuk'ëne'emyën, oy jam ja wyintsë'kën xëmë tyäky ma ja tun kopkën,

Amós 3:2

Mijtsyë tu'uk të nwin'ixy ma ja naax kajpn may yajpaatën naaxwiiny naaxkëjxy. Paatykyëjxmës mpaye'eyä'äny ja nëë poky ma miitsëtyën mëti'ipë të xytyuuntëkoytyën.

1 Corintios 13:12

Näyjyëtu'un tyam ja Tios ja jyä'ä ka'ap wa'ats nnija'awëmë, jëtu'un n'ijxëmë ijxtëm ijxnjoty tii yajku'ixën ka'ap wa'ats yaj'ixy, jäänëm nëjkx n'ijxëm nnija'awëm ni'ëmukë ko ënäty ja tiempo tpaaty. Ka'ap tyam ja n'ijxpeky'ajtënës kyä'pxyëty, je'eyëp ko nnija'awëtya'ajäämpyës winë ok, jëtu'un ijxtëm ja Tios të nijawën koos njääjëty.

1 Juan 4:7

Mëku'uktëjkëty, nätsyojkëmë nixim niyam, jä'ä ko ja tsojkën ja'awën jam ja tsyoony ma Tiosën. Pën ja myëku'uktëjk tsyojkpyën, yë'ë ja Tios u'unk'ajtëp ets nyija'ap ja Tios.