1 Corintios 4:9 - Biblia Mixe de Quetzaltepec

⁹ E ëëtsëty, Jesukristë y'ayuk kajpxwa'kxpë, jëtu'unës nja'akyukëtë koos yowë Tios ix'ok të xyajwë'ëmtë ijxtëm jeexyë ëëts ja n'o'kën të kyutujknëtën ets yajja'ayxyikpë ëëts xywyanëtë ja naaxwiinyëtë ja'ay ets ja tsajpjotmëtë kukäjpxy.

Biblia Dc en Mixe de Quetzaltepec

⁹ E ëëtsëty, Jesukristë y'ayuk kajpxwa'kxpë, jëtu'unës nja'akyukëtë koos yowë Dios ix'ok të xyajwë'ëmtë ijxtëm jeexyë ëëts ja n'o'kën të kyutujknëtën ets yajja'ayxyikpë ëëts xywyanëtë ja naaxwiinyëtë ja'ay ets ja tsajpjotmëtë kukäjpxy.

1 Corintios 4:9 ပူးပေါင်းရင်းမြစ်များ

Hebreos 10:33

Tam miits jënaakën myajwinkajpx myajjëjpkajpxtë ets ëxëëk myajtuntë jam mayjyä'äyjotm. Näy tam miits wiinkëtypë ja mmëku'uk mëj'ëyoowpätëtë mëti'ipë jëtu'un jajtëp këpäjtëpën.

Romanos 8:36

Jëtu'un ijxtëm ja Tios ja y'aaw y'ayuk y'ënä'änyën: Jä'äkyëjxm ko mijts myajmëpëky, xëmë ëëts ja ja'ay xyaj'ooka'antë, jëtu'un ëëtsëty naxtë ijxtëm ja kupixyny yajmënejkxyën ma ja y'o'ktaknën.

Hebreos 1:14

Jä'ä ko ja tsajpjotmëtë kukäjpxy aak poj yë'ëjëty mëti'ipë Tios myëtuuntëpën ets yë'ë yajkäjxtëp ets nëjkx tputëkëtë mëti'ipë ja nitsokën të yajtukumaytyën.

Hebreos 11:36

Ojts wiinkpë yajnëxi'ik yajtukxi'iktë ets yajwojp yajka'tstë, wiinkëtypë pujxntejpxy yajtuktsuumtë ets pujxn tëkoty yajpëjktaktë.

1 Tesalonicenses 3:3

këtiipë pën myäyëty tyajëty ma ya'atë tsyiptä'äkyën. Wa'ats xynyijawëtë ko tëë nyajtuknipëjktakëmë ets n'ëye'eymyëty.

2 Corintios 6:9

Jëtu'unës ja ja'ay xyjyawëtë ijxtëmës jeexyë ka'ap xy'ixy'atën, oyës xyjya'ixy'ätë. Mëpaatëp n'o'knëtës, je'eyëp ko jaakjuuky'ajtëpës; xytyiytyuuntëpës, je'eyëp ko ka'apës xytyimyaj'ooktë.

Hechos 19:31

Ma ja kutuunktëjkëtyën jampë Asia yajpaatën, tam ënäty jënaakën ja ja'ayëty mëti'ipë ja Pablo mëët oy nyäjyawëtyën, mëti'ipë tyuknikäjxtën ja aaw ayuk ja Pablo këtiipë nëkoo tyëkëty mayjyä'äyjoty.

Hechos 19:29

Ënät ja mayjyä'äy jyoot'anpëjktë ets tmajtstë ja Gayo ets ja Aristarco, nimäjtsk Macedonia ja'ayëty mëti'ipë ënäty mëët ja Pablo jyëtitën ets tpawijts tpapo'të, jëtu'un tyajja'ajtë jam ma tsajptëjkën.

Salmos 44:22

E mëët mijtskyëjxm o'këntumës xëmë nyajpaatë; jëtu'unës nyajpëjktaknëtë tä tu'uk yë kupixynyën mëti'ipë yajmënëjkxnëpën o'këntum.

Salmos 71:7

Janty mëj'ixyës yë ja'ay muum xyjyawë, e jam ma mijtsën Wintsën jamës yë tsoktakn npaaty.

Jeremias 20:18

¿Tiijës ko ojts n'ëkmëxu'unk'ajtpë ets n'ixëtyës je'eyë ja ëyo'on jotmay ets njuuky'atëtyës je'eyë tsëtyu'unmëët?

1 Corintios 15:19

Pën ja nmëpëjkën'ajtëmë yääyë naaxwiiny kyixy nyäxy ko ja Kristë nmëpëjkëmë, ëëtsajtëm nikë wäänë o'ktëy nyajpatëmë këtiinëm ja wiink ja'ayëty.

2 Corintios 11:23

¿Kristë myutuuntëpë? Wäänë ni'ikës ëjts, oy jëtu'un yajmëtoy kupojës yowë koos jëtu'un n'ëna'any. Wäänë ni'ikës winë të ntuny këtiinëm yë'ëjëty, kanaak okës të nyajtsumy këtiinëm yë'ëjëty. Ni'ikës të nyajwopy të nyajka'atsy këtiinëm yë'ëjëty, kanaak okës o'kënjëjp'am të nyajpaaty.