1 Corintios 4:6 - Biblia Mixe de Quetzaltepec

⁶ Mëku'uktëjkëty paaty ya'atë ntukmëmëtya'aktë ets miits xytyuk'oy'attëty, ko npëjktä'äkyës yë Apolo ijxtëm tu'uk ja ijxpäjtën ets ëjts näjyëtu'un. Yë'ëkyëjxm ets jëtu'un mja'ay'atëty ijxtëm ëëtsëtyën ets këtiipë nëkoo tii tëkatsy xytyuntëty, këtiipë pën tni'ikëty mëti'ipë jap këxja'ay miinpën, këtiipë tu'uk xypyukajpxëtëty ets tu'uk xy'ixtijtëty.

Biblia Dc en Mixe de Quetzaltepec

⁶ Mëku'uktëjkëty paaty ya'atë ntukmëmëtya'aktë ets miits xytyuk'oy'attëty, ko npëjktä'äkyës yë Apolo ijxtëm tu'uk ja ijxpäjtën ets ëjts näjyëtu'un. Yë'ëkyëjxm ets jëtu'un mja'ay'atëty ijxtëm ëëtsëtyën ets këtiipë nëkoo tii tëkatsy xytyuntëty, këtiipë pën tni'ikëty mëti'ipë jap këxja'ay miinpën, këtiipë tu'uk xypyukajpxëtëty ets tu'uk xy'ixtijtëty.

1 Corintios 4:6 ပူးပေါင်းရင်းမြစ်များ

2 Corintios 11:4

Mmëtënaaytyëp miits ko pën mnija'tëtë ets mtuk'ëwa'anxëtë wiinkpë ja Jesús, ka'apë të ntuk'ëwaanëtë, ets xykyupëktë jotkujk ja wiinkpë winma'any, ka'apë jyä'äjëtyën mëti'ipë të xykyupëktën ets näjyëtu'un xy'ëxajëtë mëti'ipë tyijtëpën oy aaw oy ayuk, ka'apë jyä'äjëtyën mëti'ipë të xynyijawëtën.

2 Corintios 12:19

¿Wä'än jëtää miits mmaytyë mtajtë? ko mä'kxën yam mpëjktsoowtëpës ma miitsëtyën, je'eyëp ko ka'ap jyëtu'unëty. Tios wyintuuy wyinkujk ëëts nkajpxtë nmëtya'aktë ijxtëm ja Kristë të xymyo'otënës ja aaw ayuk. Mëku'uktëjkëty mëti'ipës ni'ik ntsojktëpën, tu'kë'ëyë mëti'ipës ntuuntëpën, yë'ëkyëjxm ets miits mwinpätëty ma ja mmëpëjkënëtyën.

2 Corintios 12:6

Koos jeexyë n'ëknämyëjawëja'anyë, ka'ap jëtu'un yaj'ixëty tsuunwinma'anyën, jä'ä ko ja mëtëypyës ënäty nimëtyäkpy; je'eyëp ko ka'apës jëtu'un ntuny, këtiipë pën wyinmayëty ko ni'ikës tii nijawë këtiinëm mëti'ipës nnikäjpxypën,

Colosenses 2:18

Ka'ap mëpaat mtuk'ëxmatsëtë Kristë mëti'ipë nätyijëtëp yujy tëtä'äky ets mëti'ipë wyintsë'këtëp ja tsajpjotmëtë kukäjpxy; jä'ä ko yë'ëjëty yë'ë kyajpxtëp mëti'ipë ka'ap nijëna'a t'ixtën, yi'iyë nätyukmëjpëjktakëtëp ja wyinma'anyëty.

1 Tesalonicenses 1:5

paaty ko ojts miits ntuk'ëwaanëtë ja oy aaw oy ayuk, ka'ap ojts je'eyë nwinmëtya'aktë, ja Tios yë myëjaaw myëk'ajtën ets ja Kyënu'kxymyëk'ajtën ojts xyajtuntës ets tsyojkën jya'awën. Wa'ats miits xynyijawëtë wi'ixës ojts winë ntuntën ma miitsëtyën ets xytyuk'oy'attëty.

Romanos 12:3

Jä'äkyëjxm ko ja Tios ja mëyajtën të tuny ma ëjtsën, paaty miits nëëmëtë ko ka'ap je'eyë mnämyëmay mnämyëtajëtëty ets mnämyëjpëjkta'akëtëty. Yë'ë mëmay mëët'ajtëp wi'ix ja Tios të mmo'ojëtën ja wijyajtën kejyajtën mëët ja mëpëjkën.

2 Corintios 10:7

Miits yi'iyë m'ijxtëp mtuntëp wi'ix tii nyikëxë'ëkyën. Pën ënaanp ko ja Kristë jä'ä'ajtëp, wa'ats tnijawëty koos näjyëtu'un ja Kristë xyjyä'ä'atë.

2 Corintios 4:15

Tu'kë'ëyë ya'atë, paaty jëtu'un të tyuny të jyätyë ets miits xytyuk'oy'atëty; nyimayë'ëtë'ëtstëty ja ja'ay mëti'ipë Tios kënu'kxëtëpën, näjyëtu'un nyimay'atëty ja ja'ay mëti'ipë kyukajpxëtëpën ja Tios ets ja Tios yajmëjjaw yajjaantyjyawëty.

1 Corintios 8:1

Tyamës nnikajpxa'any wi'ix yajtunëtyën ja kääky uuky mëti'ipë ënäty të yajtukwintsë'ëkën ja awinax. Tëy ja ayuk y'ënä'äny: Ko ëëtsajtëm aak nnija'awëm winë. Je'eyëp ko tii yajjaty yajnijawë, amëj akëjxm ja ja'ay tyaj'awinpity; e ja tsojkën ja'awën yajmëjnajxyp ja naax kajpn.

1 Corintios 5:6

Paaty miits ka'ap tii mnätyukyajmëjnaxëtëty mëti'ipë jam mtuuntëpën. Tëë xynyijawëtë ko ja ayuk y'ënä'äny: ja poky jëtu'un yë'ë ijxtëm ja tsajpkääky tsyooyën, yajma'tääpy ja jëtsy.

1 Corintios 3:19

Yë naaxwiinyëtë ixpëkyajtën tsuuwinma'any yë Tios tyajnaxy, jëtu'un ja Tios ja y'aaw y'ayuk kyëxja'ayëty: Näy yë'ë kyë'ëm wijyajtën nëjkx ja ixpëkyjyä'äy Tios tyu'u'ëtukëtë ijxtëm tu'uk ja jëyujk yajtu'u'ëtukyën, jä'äkyëjxm ko tkanijawëtë ko ja y'o'kën t'anëjkxëtë.

2 Timoteo 2:10

Paatyës nkupëky akujk jotkujk oymyëti'ipë ëyo'onëty ets tpaatëty ja nitsokën ets ja Jesukristë ja y'oyajtën mëti'ipë ja Tios të wyinwitsëtën.

2 Corintios 10:15

Ka'apës yë'ëjëty ntukxoonta'aktë ja tuunk mëti'ipë wiinkëtypë të tuntën, yë'ëjës njëjp'ijxtëp ets miits mwinpätëty mëpëjkënkyëjxm etsës njaaktuntëty mëët miitsëty ijxtëm ja Tios tsokyën.

2 Corintios 10:12

Ka'apës nnätyuk'a'ixëtë etsës jëtu'un nnäpyëjkta'akëtëty ijxtëm yë ja'ayëtyën mëti'ipë amëj akëjxm näyajnajxëtëpën. Tsuuwinma'any yajtuuntëp ko xim yam kë'ëm nyäy'ijxkijpxëtë.

1 Corintios 13:4

Ko ja tsojkën ja'awën yajmëëtëty yajmëmëtakp winë; yaj'oyjyä'äy'ajtp, ka'ap pën yaj'ëxëëk'ixy, ka'ap nyämyëjpëjktä'äkyë ets ka'ap nyämyëjjaw nyäjyääntyjyawëty.

1 Corintios 9:23

Paatyës ya'atë jëtu'un ntuny koos ja aaw ayuk oypyë nkajpxwä'kxy, etsës ëjts näjyëtu'un npaatyës ja kënu'kxën.

1 Corintios 5:2

Ets miitsëty ni'ikyë mëj këjxm mnäyajnajxëtëpë. Ijxtëm jeexyë mmontën mtuktën. Ja ja'ay mëti'ipë jëtu'un ëtëtspën, ixkäxtë ma miitsëtyën.

1 Corintios 3:21

Paaty ka'ap miits tii mnätyukyajmëjnaxëtëty, jä'ä ko aak miits yë'ë mjä'äjëty;

1 Corintios 1:31

Jëtu'un ijxtëm ja Tios ja y'aaw y'ayuk kyëxja'ayëtyën: Pën jää mëti'ipë nämyëja'awëyëpën, wä'än nämyëjawëty ko ja Wintsën të tmëpëky.

1 Corintios 1:19

Ijxtëm ja Tios ja y'aaw y'ayuk këxja'ay myinyën: Nyajtëkoyäämpyës ja wijyjyä'äy ja wyijy'ajtënëty, ets nyajkutëkoyäämpyës ja kyëpety'ajtënëty ja ijxpëkyjyä'äytyëjkëty.

1 Corintios 1:12

Yë'ës ntijpy ko miits jënaakën m'ëna'antë: Pablo jyä'ä npatuunëtëpës; wiinkpë y'ëna'antë: Apolo jyä'ä npatuunëtëpës; wiinkpë: Pedro jyä'ä npatuunëtëpës; ets wiinkpë: Kristë jyä'ä npatuunëtëpës.

Isaías 2:22

Këtii yë naaxwiinyëtë ja'ay xytyuk'ijxpätëty, nitii tkakëjxmëty, wäänë jyuuky'ajtkojy.

Salmos 146:3

Këtii xytyuk'ijxpätëty yë naaxwiinyëtë ja'ay ko mëj'äämpy yajpaaty ma myënaaxwiinyëtë ja'ayën mëti'ipë ka'ap myäyëtëtyën yajnitso'okëty.

Salmos 8:4

ënätës nmay ntajy: ¿jënu'un yë naaxwiinyëtë ja'ay tyimmëjjëty? ¿tii kyumëj'ajtëp? ¿wi'ix ko xyjyä'äymyetsy ets xymyëmay xymyëtajy?

Hechos 18:24

Näy jää tiempo tu'uk jyä'äjty ja jutiis ja'ay jam Éfeso, mëti'ipë xyëëwajtypyën Apolo, Alejandría kyukajpnëty. Oy ijty kyäjpxy myëtyä'äky ets nyija'ap ja Tios ja y'aaw y'ayuk.

Hechos 19:1

Naamtamnëm ënäty ja Apolo y'itynyëm Corinto ko ja Pablo tuknajxy ja tunjot kopkjot ets jyä'äjty Éfeso ma tpatyën ja mëpëjkpëtëjk.

2 Corintios 12:20

Tsë'këpës ko ënäty nëjkx nku'ixëtë ets nkapaatëty ijxtëmës njatsokyën ets ko miits nëjkx mjamintë nän ka'apës xypyaatëty ijxtëm xyjyatsoktën. Tsë'këpës ko wä'änxyëp ënäty miits jam xymyëët'atë ja tsip äkë, näkya'oy'ixë; ëkë pi'tskäjpxy pi'itsmëtyä'äky, xim yam myajpaatë, mnäy'ëxëëk'ijxëtëp, nixim niyam; mnanyi'oj mnanyiyaaxëtë ets je'eyë tii të xyajma'ta'atë.