1 Corintios 3:5 - Biblia Mixe de Quetzaltepec

⁵ ¿Pën xyëëwajtyp Apolo ets pën Pablo? Tios ëëts yi'iyë nmëtuuntëp mëti'ipë miits të xymyëpëktën. Këëkjä'ä ëëts ja ntuunk ntuntë mëti'ipës ja Wintsën të xytyuknipëktën ets ntuntëtyës.

Biblia Dc en Mixe de Quetzaltepec

⁵ ¿Pën xyëëwajtyp Apolo ets pën Pablo? Dios ëëts yi'iyë nmëtuuntëp mëti'ipë miits të xymyëpëktën. Këëkjä'ä ëëts ja ntuunk ntuntë mëti'ipës ja Wintsën të xytyuknipëktën ets ntuntëtyës.

1 Corintios 3:5 ပူးပေါင်းရင်းမြစ်များ

2 Corintios 6:4

Ni'ikyënëm nyajnikëxë'ëktës koos ja Tios nmëtuntë, nmënax nyajnaxtës ja ëyo'on jotmay mëët ja mä'kxtujkën, oyës n'ëyowtë, oyës tii nyajmëyatë ets oy tsip ja xëëw juukyajtën nyajnaxtës,

2 Corintios 6:1

Jëtu'un, ijxtëm ëëtsajtëm nmëtu'unëmën ja Tios, tyam nmënu'kxta'aktë ets xytyukjuuky'atëty ja oyajtën mëti'ipë ja Tios të mtuk'ixëtën,

1 Pedro 4:10

Këëkjä'ä miits xytyuntëty ja mtuunk ijxtëm ja Tios të mmo'ojëtën. Näpyutëkëtë nixim niyam wi'ixëty ja Tios ja kënu'kxën mtukpaatëtën.

2 Corintios 3:6

Yë'ë të xyajwij të xyajkäjëm ets ja käjpxytyu'unën nkuuytyu'unmëty; ka'ap yë'ëjëty mëti'ipë Moisés yajmooyën, yë'ë mëti'ipë ja Kënu'kxymyëkajtën tyuunpyën. Yë ënä'ämën tëyajtën je'eyë nyi'ënä'ämë ets n'o'kmëty, e yë Kënu'kxymyëkajtën yäjkpy yë juukyajtën.

2 Corintios 11:23

¿Kristë myutuuntëpë? Wäänë ni'ikës ëjts, oy jëtu'un yajmëtoy kupojës yowë koos jëtu'un n'ëna'any. Wäänë ni'ikës winë të ntuny këtiinëm yë'ëjëty, kanaak okës të nyajtsumy këtiinëm yë'ëjëty. Ni'ikës të nyajwopy të nyajka'atsy këtiinëm yë'ëjëty, kanaak okës o'kënjëjp'am të nyajpaaty.

2 Corintios 4:7

Ijxtëm ja ja'ay ja myeeny tpëjkë'ëkyën naax tu'tsjoty, jëtu'un ya'atë oyajtën nmëët'ajtëmë ma ja ni'kx'ajt nkopk'ajtëmën ets nyikëxë'ëkëty ko jam tsyoony ma Tiosën.

2 Corintios 4:5

Ka'apës kë'ëm nänyimëtya'akëtë, ja Kristë mëti'ipë Wintsënën ëëts nikajpx nimëtyaktëp; ëëtsëty tuunpës je'eyë näyajnaxëtë koos ja Jesús xytsyoktë.

2 Corintios 3:3

Wa'ats yaj'ixy ko jëtu'un miitsëty ijxtëm ja noky tsyä'äyën mëti'ipë ja Kristë kë'ëm të tja'ayën ets ëëts të nyaktë, ka'ap oy nyatiijëty të yajtukja'ay, yë'ë të yajtukja'ay yë Juukpyë Tios yë Jya'awën; ja noky mëti'ipë ka'ap tsaakëjxy kyëxpajyëtyën, mëti'ipë të yajja'ayën ma naaxwiinyëtë ja'ay ja jyot wyinma'anyëtyën.

1 Corintios 3:10

Ëjts jëtu'unës të ntuny ijxtëm tu'uk yë pojtspën, maas ja Tios të xypyëjktä'äkyën ets ja potsy ëjx nyajtso'onta'akëtyës ets ja wiinkpë të myintë mëti'ipë të tjëjpëtën. Je'eyëp ko nitu'ukjaty mëk ja tyuunk tkëwent'atë.

1 Corintios 12:28

Tios të tuknipëjktakëtyä'äy nitu'ukjaty tiijaty tyuntëpën: tam mëti'ipë Jesús y'ijxpëjkpë'ajtypyën, käjpxynyajxpën, yaj'ijxpëjkpën; nän tää mëti'ipë ja mëj'ajtën tyuuntëpën, mëti'ipë ja pa'amja'ay yajtsoktëpën, mëti'ipë ja ja'ay pyutëjkëtëpën, mëti'ipë ënä'ämtëpën, mëti'ipë ja tuunk yajmooytyëpën ets ja wiink ayuk tkajpxtëty.

1 Corintios 9:17

Pën kë'ëmtsojkën ya'atë ntunyës, njëjp'ixëpës ja nkuma'ayën; ets pën ka'ap, oy jyajëtu'unëty, kopkpëky koos ya'atë tuunk ntuny jä'ä ko Tiosës të xytyuknipëky.

1 Corintios 3:7

Mëti'ipë niptëpën ets mëti'ipë yaj'ujtsxo'ktëpën, ka'ap yë'ëty nätyu'uk myëta'aktë; Tios tu'uk tyuuntääpy winë, yë'ë yajyoomp ja aay ujts.

Juan 3:27

Ets ja Juan y'ënëmaayëtë: Ka'ap pën tii tmëëtëty pën ka'ap ja Tios të myo'oyë.

Lucas 1:2

jëtu'un ijxtëm ojts xytyuk'ëwa'anëmën ja mëti'ipë y'ijxtën nyija'awëtyën wi'ix tsyo'onë'ky tsyo'ontäkyën mëti'ipë tuunën jajtën, mëti'ipë ojts yajtuknipëktën tkajpxwa'kxtëty ja Tios ja y'aaw y'ayuk.

Mateo 25:15

Tu'uk tmooy mëkoxk mil ja meeny mëti'ipë ni'ik tsoowpatpën, tu'uk tmooy mäjtsk mil ets tu'uk tmooy tu'uk mil. Jëtu'un tmooy wi'ixëty ja tuunpë kyuwijy'atën. Ënät ojts nyijkxy jëkäm.

Colosenses 1:25

Tëë ja Tios xypyëjktä'äkyës ets nputëkëtyës mëti'ipë mëpëjktëpën, yë'ëjës të xytyuknipëky ets miitsëty xytyuk'oy'attëty, ko ja y'aaw y'ayuk të yajkajpxwä'kxy oymyaajëty,

Efesios 3:7

Tios të tuny ja mëyajtën ma ëjtsën mëët ja y'oy jot y'oy winma'any ets pya'ëyo'ow nyajts'ëyo'owën, tëëjës xytyuk'ixy ja myëk'ajtën.

Hechos 18:24

Näy jää tiempo tu'uk jyä'äjty ja jutiis ja'ay jam Éfeso, mëti'ipë xyëëwajtypyën Apolo, Alejandría kyukajpnëty. Oy ijty kyäjpxy myëtyä'äky ets nyija'ap ja Tios ja y'aaw y'ayuk.

Hechos 19:1

Naamtamnëm ënäty ja Apolo y'itynyëm Corinto ko ja Pablo tuknajxy ja tunjot kopkjot ets jyä'äjty Éfeso ma tpatyën ja mëpëjkpëtëjk.

Romanos 15:16

etsës nmëtunëty ja Jesukristë ets ja ja'ay tuk'oy'atëty mëti'ipë ka'ap jyutiis'atën. Yë'ës ntukmëtuumpy ja Jesukristë etsës nkajpxwa'kxëty ja oy aaw oy ayuk mëti'ipë tso'onën ma ja Tiosën. Jëtu'untsës ntuny ets y'itëty mëti'ipë ka'ap jyutiisëty ijxtëm ja wintsë'kën mëti'ipë Tios y'oyjya'apën, mëti'ipë Kënu'kxymyëkajtën të tyajwa'atsyën.

1 Corintios 3:22

yë Pablo, yë Apolo, yë Cefas, yë o'kën, yë xëëw po'o, yë miinpë wiinkoonpë, aak miits yë mjä'äjëty,

1 Corintios 16:12

Tëës ja Apolo nmënu'kxtä'äky ets nëjkx mni''ixëtë mëët ja nmëku'uk'ajtëmë, je'eyëp ko tyam ka'ap nyanëjkxa'any, jäänëm nyëjkxëty ko ënäty ja tiempo tmëëtëty.

2 Corintios 4:1

Paatyës ka'ap n'ëxëëkjawëtë, jä'ä ko Tiosës të xytyuknipëktë ya'atë tuunk mëët yë pya'ëyo'ow nyajts'ëyo'owën.

2 Corintios 5:18

Tu'kë'ëyë ya'atë, aak Tios jëtu'un të tuknipëjktakëtyä'äy, mëti'ipë mëët ja Kristë të xyajnämyë'oypyëjkëmën ets të xymyo'oyëm ja tuunk ets ja ja'ay ntuk'ëwa'anëmëty wi'ix yë tsyip y'äkë tyaj'oyëtëtyën.

Colosenses 1:23

Je'eyëp ko mëk mëpaat myajpaatë ma mëpëktën, këtii xymyajtstu'utëty mëti'ipë të xymyëpëktën ets mëti'ipë të xymyëtowtën. Yë'ë jëtu'un ya'atë aaw ayuk mëti'ipë të yajkajpxwä'kxyën oy tyimmaajëty ma ja it naaxwiinyëtën, ëjts Pablo je'eyës të nputëkë ets të yajkäjpxywä'kxy.

1 Timoteo 1:12

Nkukajpxëpës ja nWintsën'ajtëm Jesukristë koos të xymyo'oy mëk'ajtën, yë'ëjës të xyajnaxy wa'ats ja'ay etsës të xywinwitsy etsës nmëtunëty,