1 Corintios 3:1 - Biblia Mixe de Quetzaltepec

¹ Mëku'uktëjkëty, ko ojts miits nyaj'ijxpëktë, ka'ap ojts jëtu'un nmëmëtya'aktë ijxtëm ja ja'ayën mëti'ipë ja Kënu'kxymyëkajtën tu'unwinwoowëpën, jëtu'un miits nyaj'ijxpëjktë ijxtëm ja ja'ayën mëti'ipë yajtuumpyën ja naaxwiinyëtë winma'any ëkë ijxtëm tu'uk ja mëxu'unkën ka'apë tii tja'akyukën ma ja Kristë.

Biblia Dc en Mixe de Quetzaltepec

¹ Mëku'uktëjkëty, ko ojts miits nyaj'ijxpëktë, ka'ap ojts jëtu'un nmëmëtya'aktë ijxtëm ja ja'ayën mëti'ipë ja Kënu'kxymyëkajtën tu'unwinwoowëpën, jëtu'un miits nyaj'ijxpëjktë ijxtëm ja ja'ayën mëti'ipë yajtuumpyën ja naaxwiinyëtë winma'any ëkë ijxtëm tu'uk ja mëxu'unkën ka'apë tii tja'akyukën ma ja Kristë.

1 Corintios 3:1 ပူးပေါင်းရင်းမြစ်များ

Hebreos 5:13

Pën yajpatëp ijxtëm ja pi'k ëna'kën mëti'ipë tsi'tstëpnëm, ka'ap tnijawëtë mëti'ipë oy ëkë mëti'ipë ëxëëkën.

1 Corintios 2:6

E ma ja mëti'ipë tëë ënäty myëpëjknëtën yajxon, nyajtuuntës ja aaw ayuk tsipëtypë. Je'eyëp ko ka'ap yë'ëjëty wijyajtën kejyajtën mëti'ipë ja naaxwiinyëtë ja'ay ets yajkutujkpëtëjk yajtuuntëpën, mëti'ipë ka'ap tii mëk'ajtën tmëët'atyën.

1 Corintios 14:20

Mëku'uktëjkëty, këtii mmaytyëty mtajtëty ijxtëm ja pi'k ëna'kën. Jëtu'un tä pi'k ëna'kën mnäyajnaxëtëty ma ja ëxëëkpën, je'eyëp ko mëmay mëtajtë winë yajxon ets xyaj'ixëtëty ko mëj ja'ay'ajnëtë.

Romanos 7:14

Nnija'awëm ëëtsajtëm ko yë ënä'ämën ka'ap yaj'ixy, e ëjts jä'äs ko npokyjyä'äyëty, paatyës jëtu'un nyajpaaty pokyjotm ijxtëm tu'uk ja ja'ayën mëti'ipë juy tookyën.

1 Juan 2:12

U'unk maayëty, tyam miits nnijäyëtë, jä'ä ko Tios të mpokymyä'kxëtë ko ja Jesukristë të xymyëpëktë.

Gálatas 6:1

Miits mëku'uktëjkëty, ko pën xy'ixtëty tëë pokyjotm kyä'äy, miitsëty mëti'ipë näyaj'ijtëtëp mëët ja Kënu'kxymyëkajtën putëkëtë ets kajpxwijtë mëët ja nätsyokë näjyawë ets näkyëwent'atëtë këtiipë mka'atëty näjyëtu'un pokyjotm.

Mateo 16:23

Tääts ja Jesús wya'akwinpijty ets t'ënëmaay ja Pedro: Winwa'ktutkës mijts. Jëtu'un mkäjpxy ijxtëm yë mëjku'u tsokyën. Je'eyës mijts xy'atsipy. Ka'ap mwinma'any jyëtu'unëty ijxtëm yë Tiosën; jëtu'un mijts mwinma'any ijxtëm yë ja'ayën.

1 Corintios 14:37

Pën jam pën nitu'uk nyäjyawëty ko Tios käjpxynyajxpë ëkë ko Kënu'kxymyëkajtën winma'anymyooyëp, nyijawëp ko mëti'ipë yam ntuknija'ayëtëpën Tios jëtu'un të tni'ënä'ämë.