1 Corintios 2:9 - Biblia Mixe de Quetzaltepec

⁹ E jëtu'un të jyäty ijxtëm kuja'ay myinyën: Ni pën tka'ixy tkamëtoynyëm ets ni pën tkawinmaynyëm mëti'ipë ja Tios të tuknipëjktaakën.

Biblia Dc en Mixe de Quetzaltepec

⁹ E jëtu'un të jyäty ijxtëm kuja'ay myinyën: Ni pën tka'ixy tkamëtoynyëm ets ni pën tkawinmaynyëm mëti'ipë ja Dios të tuknipëjktaakën.

1 Corintios 2:9 ပူးပေါင်းရင်းမြစ်များ

Isaías 64:4

Ni ma kyayajmëtoy'äty wiinkpë Tios jëtu'unpë tä mijtsën, mëti'ipë jëtu'un winë tyuunpyën tä mijtsën ma ja y'u'unk y'ëna'kën mëti'ipë tukjotkujk'ajtëpën.

Salmos 31:19

Janty mëj yë m'oyjot m'oywyinma'any xyajnikëxë'ëky ma ja'ayëtyën mëti'ipë mtukxoontakëtëpën. Jëtu'un xypyëjkë'ëky tä yë wit meenyën, ets wa'ats xytyuk'ixy xytyuknijawë ko xyajwä'kxy yë m'oyajtën ma ja'ayëtyën mëti'ipë ëmuumtu'ukjot mtuk'ijxpäjtëpën.

Santiago 1:12

Akujk jotkujk ja ja'ay mëti'ipë amëk jotmëk myëtënääpyën ja ëyo'on jotmay; ko tuknaxëty ja ëyo'on yë'ë kyuma'ayën'atäämpy ja juukyajtën mëti'ipë Tios të tukwinwanën ja mëti'ipë tsojkëpën.

Romanos 8:28

Nnija'awëm ëëtsajtëm ko ja Tios yë'ë të tpëjktä'äky winë ets tuk'oy'atëty ja ja'ay mëti'ipë tsojkëpën, mëti'ipë të twoowtsoyën ijxtëm të tuknipëjktaakën.

Santiago 2:5

Mëku'uktëjkëty, mëtowtë ets ja'akyukëtë ya'atë: Tios tëë twinwitsy ja ja'ay mëti'ipë ëyoowtëpën yaa naaxwiiny ets ni'ik ja mëpëjkën tmëët'atëty ets t'ëxajëtëty ja kuma'ayën mëti'ipë Tios të tukwinwanën ja ja'ay mëti'ipë tsojkëpën;

Isaías 65:17

Ëk'ixtë, ëjts nyajkojäämpyës yam jemypyë tsajp ets naaxwiinyëtë. Mëti'ipë të nyäxyën tëë ja kyixy ets ka'ap mëpaat y'ëkyajja'amyäjtsnë, ets ni pën nëjkx jëna'a tka'ëkjot'ajnë.

Hebreos 11:16

E yë'ëty, yë'ë tsyojktë ja it wäänë oypyë, mëti'ipë tsajpjotmën, paaty ja Tios ka'ap tuktsëtyuny ko Tios'atëtë, jëtu'unts tnipëjktaakë tu'uk ja mëj kajpn.

Mateo 25:34

Ets ja yajkutujkpë t'ënëëmëja'any ja mëti'ipë y'a'oytsyowën: Mintë miitsëty, mëti'ipë ja Tios Teety të kyënu'kxëtën. Ëxajëtë ja kutujktakn mëti'ipë miitsëty të myajtuknipëjktaakëtën ko ojts ja Tios tyajkojy ja naaxwiinyëtë.

1 Juan 4:19

Paaty ja Tios ntsojkëm, jä'äkyëjxm ko yë'ë jëwyiin të xytsyojkëm.

Juan 3:16

Yë'ë ko Tios ni'ik ja naaxwiinyëtë ja'ay tsoky, paaty tkejxy ja y'U'unk tu'kpajkpë. Pën myëpëjkpy ka'ap y'ookëty, yë'ë myëët'atëp ja juukyajtën xëmëkyëjxmëpë.

1 Pedro 1:12

Tios tyuk'ijx tyuknija'awëy ja kyäjpxynyajxpëtëjk ko ka'ap yë'ëjëty tuk'oy'ata'antë mëti'ipë kyajpxwa'kxtëpën, miits mtuk'oy'atantëp. Tëë ënät tyam miits xy'ixtë xypyaatë mëti'ipë ojts yë'ë tkajpxwa'kxtën ko ojts yajtuk'ëwaanëtë ja aaw ayuk oypyë Kënu'kxymyëkajtën mëët mëti'ipë tsajpjotm tso'onpën. Kukäjpxy paat ojts jëtu'unpë tjanijawëja'antë.

Mateo 20:23

Tääts ja Jesús y'ëtsoowëtë: Wä'än jëtää xymyëmëta'aktëty ja ëyo'on ijxtëmës n'ëyowa'anyën, je'eyëp ko ja ënyääytyakn mëti'ipë jamën maas yë nkutujktaknën, ka'ap y'ëjtsëty xypyääty miits nmo'otëty. Jä'ä yajmo'otëp mëti'ipë ja nTeetyës të tuknipëjktaakën.