1 Corintios 14:3 - Biblia Mixe de Quetzaltepec

³ Pën kyajpxtëp ja aaw ayuk mëti'ipë Tios yäjkpyën, yë'ë tyuuntëp ets ja wiinkëtypë jyotmëkta'aktëty ets wyimpätëty ma ja myëpëjkënëtyën.

Biblia Dc en Mixe de Quetzaltepec

³ Pën kyajpxtëp ja aaw ayuk mëti'ipë Dios yäjkpyën, yë'ë tyuuntëp ets ja wiinkëtypë jyotmëkta'aktëty ets wyimpätëty ma ja myëpëjkënëtyën.

1 Corintios 14:3 ပူးပေါင်းရင်းမြစ်များ

1 Corintios 14:12

Paaty, ko miitsëty yë'ë mtsojkën'ajtëp ja tuunk mëti'ipë ja Kënu'kxymyëkajtën yäjkpyën, yë'ë mëmay mëët'ajtëp mëti'ipë mtukputëkëtëpën ja mëpëjkpëtëjkëty ets ja myëpëjkën wyimpätëty.

1 Timoteo 4:13

Naamka'anëmës jam nnëjkxy, tukwinkajpxë ja'ay ja Tios ja y'aaw y'ayuk. Yajjotkujkta'ak ja jëëky mëku'uk ets Yaj'ijxpëk.

Judas 1:20

E miits, mëku'uktëjkëty, yaj'itë tu'ukyë ja mmëpëjkënëty. Jëëytya'ak nu'kxta'aktë, jëtu'un ijxtëm ja Kënu'kxymyëkajtën mtu'uwinwowëtën.

Tito 1:9

Yë'ë mëti'ipë tyuk'o'kpejtypyën ja ijxpëjkën mëti'ipë të yajtukni''ixën ets näjyëtu'un ja ja'ay wiinkëtypë tjotmëkwinkajpxëty mëët ja ijxpëjkën oypyë ets tukja'akyujkëty mëti'ipë tëkatsy nyimëtyaktëpën ja Tios ja y'aaw y'ayuk.

Efesios 6:22

Paaty miits ntuknikäxtë ets yë'ë mtuk'ëwaanëtëty wi'ixës yam nyajpaatyën ets mjotmëkmo'ojëtëty.

2 Timoteo 4:2

ets xykyajpxpwa'kxëty ja Tios ja y'aaw y'ayuk ets xytyuk'ëwaanëty ja ja'ay oyjyëna'ajëty. Tukja'akyukë, tukwinkukajpxë, jotmëkwinkajpxë, Yaj'ijxpëk mëët tu'kë'ëyë ja mä'kxtujkën.

Tito 2:6

Jotmëk wiinkajpxë näjyëtu'un ja ëna'ktëjkëty ets wijy kejy jyä'äy'atëty,

1 Corintios 14:31

Jëtu'unts nätyu'ukjaty mkajpxtëty ets yajnijawëty tii ja Tios nyikajpxäämpy ets ni'ëmukë yajjatëty ets xim yam jotkujk wyë'ëmtëty.

1 Corintios 14:26

Mëku'uktëjkëty. Ko miits mye'eymyuktëty, jyëkyejpy jam pënëty y'ëwtëty, yaj'ijxpëktëty, nimëtya'aktëty ja Tios ja y'aaw y'ayuk, tkajpxtëty ja wiink ayuk ets wiinkpë tyajniwijtëty. Je'eyëp ko yë'ë mëti'ipë ni'ëmukë yajtuk'oy'atëpën.

Romanos 14:19

Wä'än yë'ë n'ixta'ayëmë wi'ix npatmëtyën ja jotkujk'ajtën ets nnäpyutëjkëmëty nixim niyam wi'ix nwinpäjtmëtyën ma ja mëpëjkën.

Hechos 13:15

Ko tkajpxtaaytyë ja Moisés ets ja käjpxnyajxpëtë ja y'ënä'ämën, ënät ja tsajptëkotyëtë wintsënëty t'ënëmaaytyë ja Pablo ets ja Bernabé: Mëku'uktëjkëty, pën jam tii xynyikajpxa'antë, oy tyam yë ja'ay xytyuk'ëwaanëtëty.

Tito 2:9

Kajpxwij ja tuunpëtëjk nitookpyë ets tmëmëtowtëty ja wyintsënëty, yë'ë tyuntëp mëti'ipë tukjotkëtaknën, ka'ap je'eyë wyin'ëtsow jyëjp'ëtsowtëty.

1 Tesalonicenses 2:3

Jä'ä ko ka'ap ja kyajpxtëko'oyënëty mëti'ipës nkajpxwa'kxtëpën, ni kya'ëxëëk winma'anyëty ets ka'apës pën nwin'ëëntë.

1 Corintios 10:23

Jëtu'un ja ayuk y'ënä'äny: Najtspëkë ja ja'ay y'ity oy tii tuna'anëty. Tëy jëtu'un, je'eyëp ko ka'ap tjëkyepy oytyiijëty tunëty. Najtspëkë ja ja'ay y'ity ets tuny mëti'ipë tyunäämpyën, je'eyëp ko ka'ap aak'oy wyimpëtsëmy ets yajwinpätëtëty ma myëpëkyën.

1 Pedro 5:12

Ja nmëku'uk'ajtëm Silvano, mëti'ipë oy tsuj ja Tios myëtuumpyën, yë'ëjës yam yë noky xytyukputëjkëpës ma miits yam nkajpxwijtën ets ntuknijawëtë ko ja kënu'kxën mëti'ipë të xy'ëxajëtën yë'ë yajnikëxë'kpy ja mëtëypyë ja Tios ets ja tsyojkën jya'awën. Yë'ë jëtu'unpë tsojkën ja'awën xëmë mmëët'atë.

Hebreos 13:22

Mëku'uktëjkëty, n'amëtoow mpëjktsoowtëp miits yë mëyajtën, kupëktë ya'atë kajpxwijën mëët ja mä'kxtujkën. Mëti'ipë miits ntuknija'ayëtëpën yë'ë mëti'ipë mëj këjää mputëkëjanëtëp.

Hebreos 10:25

Ka'ap nye'eytyujkmëty ma nye'eymyujkëmën, ijxtëm jënaakën y'ëtë'ëtstën, näjyotmëkwinkajpxëmë nixim niyam; tyam wäänëni'ik tsyokyë ko ja xëëw wyinkoonën ma ja Jesukristë myina'anyën.

Tito 2:15

Ya'atë ja mëpëjkpëtëjk mtuk'ijxpëkëp, jotmëkwinkajpxë ets amëk jotmëk tkajpxëty mëtya'akëty mëët tu'kë'ëyë ja mkutujkën këtiipë pën mpäxëtëty.

1 Timoteo 6:2

Pën jää pën twintsën'aty ja mëpëjkpë, ni'ikyë mëpaat twintsë'ëkëtë ko myëpëky. Ni'ikyë mëpaat oy tmëtuntë, jä'ä ko ja mëti'ipë myëtuuntëpën mëpëjkpë jä'ä ets jëëky mëku'uk ja nyäxy. Tuk'ijxpëk ets kajpxwa'kx ya'atë.

1 Timoteo 1:4

ets ka'ap tmëtoow'ittëty ja apmëtyä'äky tëëyëpë tyunyë jyätyën. Jëtu'unpë mëtyä'äky je'eyë nëkoo yajtsiptuny ets ka'ap pyutëkë ma ja Tios yajjot'atyën ko yajmëpëky.

2 Tesalonicenses 3:12

Jëtu'unpë ja'ayëty jëtu'unës yam n'ënä'ämtë ets ntuknipëktës ma Wintsën Jesukristë xyëëwën wä'än tuntë amëk jotmëk ets tpaatëty kyä'äyën y'ukënëty.

1 Tesalonicenses 4:18

Näjyotmëkmo'ojëtë nixim niyam mëët ya'atë aaw ayuk.

1 Tesalonicenses 4:1

Mëku'uktëjkëty, yë'ë miits ntuk'ënëmaaytyëp wi'ix mjuuky'attëty ijxtëm ja Tios tukjotkëtä'äkyën, ets tam jëtu'un xytyuntë. Tyam miits njaaktuknipëktë ets nmënu'kxta'aktë ma Wintsën Jesús yë xyëëwën ets jëtu'un mjuuky'atëty.

1 Tesalonicenses 3:2

ets nkäjxtës ja nmëku'uk'ajtëm Timoteo, mëti'ipë Tios myëtuumpyën ets mëti'ipës mëët nkajpxwä'kxtën ja aaw ayuk oypyë ma Kristë yajnimëtyä'äkyën. Paatyës nkäjxtë ets nëjkx mku'ixëtë, mjotmëkwinkajpxëtë wi'ix tu'ukyë ja mëpëjkën xymyëët'attëty,

1 Tesalonicenses 2:11

Näy mnija'awëtëp wi'ix të njotmëkmo'otën ets të nyajjotkujkta'aktën nitu'ukjaty ijxtëm ja u'unkteety y'ixy myëyätyën.

Colosenses 4:8

Paaty ntuknikäxtë ets mtuk'ëwa'anxëtëty wi'ixës yamën ets myajjotkujk'atëtëty.

Efesios 4:29

Ka'ap y'ëk'ëxëëk kajpxnëty, yë'ë kyajpxëp myëtya'akëp ja oypyë ja aaw ayuk mëti'ipë tyukmëjnaxëpën ja naax kajpn ets tuk'oy'atëty ja ja'ay ko tmëtowtëty.

2 Corintios 2:7

Mëti'ipë tëy tyam mtuntëp, nimä'kxtë ets putëkëtë, ko nëjkx ja ma'ayën tajën tkamëmëtä'äky.

2 Corintios 1:4

Yë'ë xyjyotmëkmo'oyëm ko nyajpatmëty ëyo'onjoty ets jëtu'un nyajjotkujk'ajtmëty näjyëtu'un mëti'ipë ëyoowtëpën ijxtëm ja Tios Teety të xyajjotkujk'ajtëmën.

1 Corintios 14:17

Wä'än jëtää oy ja Tios xyjyakukajpxëty, je'eyëp ko ka'ap nëjkx ni pën tja'akyukë.

1 Corintios 8:1

Tyamës nnikajpxa'any wi'ix yajtunëtyën ja kääky uuky mëti'ipë ënäty të yajtukwintsë'ëkën ja awinax. Tëy ja ayuk y'ënä'äny: Ko ëëtsajtëm aak nnija'awëm winë. Je'eyëp ko tii yajjaty yajnijawë, amëj akëjxm ja ja'ay tyaj'awinpity; e ja tsojkën ja'awën yajmëjnajxyp ja naax kajpn.

Romanos 15:2

Ni'ëmukë ëëts xypyaat'ajtëmë ntukjotkëtakmëty ja nmëku'uk'ajtëmë ets tuk'oy'atëty wi'ix wäänë oy tmëpëktëty ja Kristë.

Romanos 12:8

mëti'ipë jotmëkwinkajpxëpën, wä'än tjotmëkwinkajpxë; mëti'ipë tii yäjkypyën, wä'än tyäky; mëti'ipë nyikopk'ajtypyën ja mëpëjkpëtëjk, wä'än tuny yajxon ets mëti'ipë oyjyä'äy'ajtpën, wä'än t'oyjyä'äy'äty.

Hechos 15:32

Tios kyäjpxynyajxpëtëjk ja Judas ets ja Silas, jä'ä ojts tjotmëkwinkajpxëtë ets tyajjotmëkpëjktë ja mëpëjkpëtëjkëty.

Hechos 14:22

Ko ja Pablo ets Bernabé jyajtë ma tu'uktu'uk ja kajpnën, ojts tyajjotmëkpëktë mëti'ipë ënäty ja Jesús të tmëpëktën ets tjotmëkwinkajpxëtë ets tu'ukyë myëpëktëty. Jëtu'un t'ënëmaaytyë: Ko nnëjkxa'anmëty ma ja Tios ja kyutujkënën, kopkpëky ko nku'ëyo'owëmëty.

Hechos 9:31

Jotkujk ja mëpëjkpëtëjk yajpaatë mëti'ipë tsënaaytyëpën jam Judea y'itjotm, Galilea ets Samaria. Wimpäjt'ëtëtstëp ja myëpëjkën, xëmë ja Wintsën twintsë'ëkëtë ets nyimayë'ëtë'ëtstë, näjyëtu'un ja Kënu'kxymyëkajtën ojts yajjotkujk'ätëtë.

Lucas 3:18

Jëtu'un ja Juan ja ja'ay tjakajpxwijy ets tkajpxwä'kxy ja oy aaw oy ayuk.

Hebreos 3:13

Näjyjyotmëkmo'ojëtë nixim niyam winjëpom naam jaakjäänëm ja xëëw, mëti'ipë nyikäjpxypën ja Tios ja y'aaw y'ayuk, këtiipë pën yajwin'ëënëty ets juun ja y'aaw jyot tpëjkta'akëty.

Hechos 4:36

Jam ijty tu'uk ja Israel ja'ay mëti'ipë ja Leví y'u'unk'ajtyp y'ok'ajtypyën; Josee'ajtp, Chipre kyukajpnëty, mëti'ipë ojts ja ijxpëjkpëtëjk yajxëëwpetyën Bernabé jä'ä nyiwijy Yajotkujk'ajtpë.