1 Corintios 10:4 - Biblia Mixe de Quetzaltepec

⁴ nän yë'ë nëë y'uktë mëti'ipë tsaajoty pëtsëëmën. Ja tsaa yë'ë ja Kristë, mëti'ipë ënäty mëët tyu'uye'eytyën.

Biblia Dc en Mixe de Quetzaltepec

⁴ nän yë'ë nëë y'uktë mëti'ipë tsaajoty pëtsëëmën. Ja tsaa yë'ë ja Kristë, mëti'ipë ënety mëët tyu'uye'eytyën.

1 Corintios 10:4 ပူးပေါင်းရင်းမြစ်များ

Éxodo 17:6

Jam n'ëwxita'any ma Horeb kopkën, ma tu'uk yë tsaatun kupi'tykyën. Ko tääpë tsaa xywyojpyu'kxëty, ënät jap myäypyëtsëma'any yë nëë ets yë'ë ja ja'ay y'uuktëp. Ko jëtu'un ja Moisés tuuny, tam ënäty t'ixtë ja mëjja'aytyëjkëty, mëti'ipë nyimëjja'ay'ajtëpën ja Israel kajpn.

Juan 7:37

Ja tu'kxëëw ënäty kyakëxy ja mëj xëëw tyunyë jyätyën. Ko ja Jesús ojts wya'kukë ets mëk y'ënäny: Pën tëtsëp, wä'änës xynyiminy ets y'uukëty.

Isaías 48:21

Oy ojts jyanaxtë jam të'ëts'itjotm, ka'ap nëëtëëtsë tmëët'ajtë; jä'ä ko Tios ojts yë nëë tyajpëtsëmy tsaajoty, je'eyë ja tsaa tjëkëëy ets jap ja nëë tyajpëtsëëmy.

Juan 4:14

e mëti'ipë y'uktëpën ja nëë mëti'ipës ëjts nyäjkpyën, nijëna'a kyatëëtsëja'antë jatëkok. Jä'ä ko ja nëë mëti'ipës nyakäämpyën, jëtu'un ja myuuta'any ijxtëm ja nëëkopkën mëti'ipë yajjuuky'ajtpën.

Salmos 105:41

Ojts tyajpu'uwä'kxy yë tsaa ets nëë jap tyajpëtsëëmy mëti'ipë tyukye'eyëtyääyën ja të'ëts'itjot tä tu'uk mëjnëëjën.

Salmos 78:20

Tëyajtën ko yë Tios ojts tjantyyajkë'ëtswä'kxy tu'uk yë tsaakopk; ets jap yë nëë tyajpëtsëëmy tä tu'uk yë mëjnëëjën, ets tyajtsa'amëy ja naax; ¿jyëkyejpy jëtää näjyëtu'un tyakëty ka'ayën ukënë? ¿jyëkyejpy jëtää tmo'ojëty yë tsu'utsy yë nyaax kyajpnë?

Salmos 78:15

Jam të'ëts'itjotm mäjtskpëky ojts tyajkë'ëtswä'kxy tu'uk yë mëjtsaa, ets tyajnëë'uky yë mayjyä'äy.

Números 20:11

Ko ja Moisés jëtu'un y'ënäny, ënät ja kyë'ë txajë'ky ets ojts mäjtsk'ok twopy ja tsaa mëët ja tyajk. Tääts ja komnëë pyëtsiimy. Jëtu'un ja nyëë tpatë mëti'ipë y'uktën ja ja'ayëty ets ja jëyujk tsajpkaajëty.

Juan 4:10

Ënät ja Jesús y'ëtsoowë: Ko jeexyë mijts xy'ëknijawë mëti'ipë ja Tios yäjkpyën ets pën m'amëtoowëp yë nëë, mijts jeexyë m'amëtoopy ja nëë ma yë'ëjën ets mooyëp jeexyë ja nëë mëti'ipë yajjuuky'ajtpën.

Isaías 43:20

Nëjkxëpës xymyëjjaw xy'oyjyawëtë yë aayjëyujk ujts jëyujkëty, tä yë waxën ets patutkën, jä'ä ko ja nëë nyajpëtsëmyës të'ëts'itjotm, ets ma ka'ap tii y'ity wyintëyën, ets nyëë'uuk nyëëpëktëty yë nnaax nkajpnës mëti'ipës të nwin'ixyën,

Colosenses 2:17

Ya'atë, ko ijty winë yaj'amaay'äty, jä'ä ko ka'anëm ënäty ja Kristë myinyëm; tyam nmëët'ajtënëp ja tëyajtën ko tëë ja Kristë myiny.

Apocalipsis 22:17

Ja Kënu'kxymyëkajtën ets ja Wintsën ja myëpëjkpëtëjk jëtu'un y'ëna'antë: Mintë. Pënjaty myëtoow'ijtëp, wä'än näjyëtu'un t'ëna'antë: Min. Pën tëtsëp, pën y'uukäämpy ja nëë mëti'ipë yajjuuky'ajtpën, wä'än tminy ets t'uukëty namëyajtën.

Hebreos 10:1

Ja Tios ja y'ënä'ämën mëti'ipë Moisés jyääywyë'ëmën, jëtu'un jä'ä ijxtëm jeexyë nyikojtu'utyën ja oypyë mëti'ipë ënäty minaanpën, ka'ap jyä'äjëty mëti'ipë mëtëyën. Paaty ja ënä'ämën ka'ap tyaj'awinpity oy mëti'ipë ja wintsë'kën winjëmëjt jyayajktëpën Tios wintum.

Deuteronomio 9:21

Ënät ja tsajpkaa jam nkutijnaxyës mëti'ipë ënäty të xyajkojtën ets të myajpokytyunëtën; xit ko'ow ntuuntaayës etsës ojts nëëkuko'owta'ay ma ja nëëwokën mëti'ipë jam kopkëjxm tso'onpën.

Gálatas 4:25

Yë'ë ja Agar kyutënääpy ja Sinaí Kopk jam Arabië, mëti'ipë tyam nyitënääpyën ja Jerusalén, ya'atë kajpn ëne'emy tyam y'ity mëët yë y'u'unk y'ëna'k.

Daniel 2:38

ets mijts m'ënä'ämtääpy tëkokyë yë ja'ay, yë jëyujk yë joon ets wä'än timy tyiijëty, yë Tios yë'ë të mo'oyë mëk'ajtën ets mijts winë xy'ënä'ämta'ajëty, yë'ë jëtu'un të xywyin'ixy tä ja pu'ts pujxn tkëpajk'atyën.

Génesis 41:26

Yë wëxtujkpë tsajpkaa yë oyëtypë, wëxtujk jëmëjt yë'ë; jëtu'un ijxtëm näjyëtu'un yë tsajpmok yë oyëtypë, wëxtujk jëmëjt yë'ë. Tu'knax yë nyiwijy mäjtskpë mkuma'ay.

Génesis 40:12

Tääts yë José y'ënäny: Yë mkuma'ay yë'ë jëtu'un tyijäämpy, ko mijts të xy'ixy tëkëëk yë tsatym kyepyxye'enty, tëkëëk xëëw yë t'antijy,

Daniel 7:17

Yë taxkpë mëj jëyujk të xy'ixyën yë'ë mëti'ipë y'ënä'ämantëpën yë naaxwiinyëtë.