1 Corintios 1:9 - Biblia Mixe de Quetzaltepec

⁹ Tios, mëti'ipë y'ayuk pyatuumpyën, yë'ë të xywyin'ijxëmë ets tu'ukyë mëët njuuky'ajtmëty ja y'u'unk Jesukristë, ëëts yë nWintsën'ajtëmë.

Biblia Dc en Mixe de Quetzaltepec

⁹ Dios, mëti'ipë y'ayuk pyatuumpyën, yë'ë të xywyin'ijxëmë ets tu'ukyë mëët njuuky'ajtmëty ja y'u'unk Jesukristë, ëëts yë nWintsën'ajtëmë.

1 Corintios 1:9 ပူးပေါင်းရင်းမြစ်များ

2 Tesalonicenses 3:3

E yë Wintsën kyuuytyuunpy ja y'ayuk, yë'ë yajkëjääjëjäämpy ja mmëpëjkënëty ets m'akëëytyuk m'axajtukëtëty këtiipë mka'atëty ëxëëktum.

Hebreos 10:23

Tsojk njëjp'ijxëm ëmuumtu'ukjot mëti'ipë ja'ay ntukmëmëtyakëmën, jä'ä ko Tios, kyuuytyuunpy mëti'ipë wyaantäkpyën.

Deuteronomio 7:9

E paaty ja'amyätstë, këtii xyjyä'äytyëkoytyëty ko yë Wintsën mëti'ipë mTiosajtëpën, yë'ë tëy jaanty, mëti'ipë kyuuytyuunpyën ja y'aaw y'ayuk oy kanaak yë xëëw jëmëjt tyimnaxëty, ma ja mëti'ipë tsojkëyëpën ja'awëyëpën ja y'ënä'ämën tyiyajtën.

1 Juan 1:3

Yë'ë yam ntuk'ëwa'anëtyëp mëti'ipë të n'ijxtë nmëto'owëmën ets jëtu'un tu'kmukyë n'ijtmëty, ijxtëm mëët n'ijtëmën ja Tios Teety ets ja y'u'unk Jesukristë.

1 Corintios 10:13

Ka'anëm miits xypyaatë ja ëyo'on jotmay mëti'ipë ka'ap yajmëmëta'akëtyën. Jyëkyejpy miits ëmuumtu'uk ja Tios xymyëpëktëty ko ka'ap mtukpaata'anëtë ja ëyo'on wäänë mëkpë mëti'ipë ka'ap myëmëtaknëtyën ets pën jää ënäty ja ëyo'on jotmay xypyaatë, Tios nëjkx mputëkëtë ets xymyënax xyajnaxtëty.

Isaías 49:7

Yë Wintsën, mëti'ipë yaj'ëwaatsëpëtsëëmpën, ja Wa'atspë yajpaatyën ma Israel kajpnën, jëtu'un t'ënëëmë ja naax kajpn mëti'ipë ëxëëk të yaj'ixyën, mëti'ipë je'eyë të myëtunyën ma ënä'ämpë yajkutujkpën wiinktsowpë tsyoontën: Ko ënäty ja yajkutujkpëtëjk ets wintsëntëjk m'ixëtë, ënät nëjkx mniwä'ätsë'ëkyë ets mkajpxpo'kxëtëty mëët tu'uk ja näywyinkutsë'kën, jä'ä ko ëjts Wintsën, ja Wa'atspë ma Israel kajpnën, ëjts mijts të nwin'ixy ets npatuumpyës ja n'aaw n'ayuk ijxtëmës të nikäjpxyën.

Romanos 8:28

Nnija'awëm ëëtsajtëm ko ja Tios yë'ë të tpëjktä'äky winë ets tuk'oy'atëty ja ja'ay mëti'ipë tsojkëpën, mëti'ipë të twoowtsoyën ijxtëm të tuknipëjktaakën.

Deuteronomio 32:4

Yë Wintsën yë'ë xykyuwa'an xykyënu'kxëm, yë'ë aak'oy winë tuny, ko tii tuny aakyë'ë mëti'ipë mëtëyën. Yë'ë Tios'ajtp ets yë'ë tëy'ajtën'ajtp, yë'ë nijëna'a winë tëkatsy tkatuny, yë'ë tyuunpy mëti'ipë oyën ets mëtëyën.

Apocalipsis 19:11

Tääts n'ijxyës ko ja tsajp y'ëwatsy. Jamts kyëxë'ëky tu'uk ja poop kwaay ets mëti'ipë tuk'u'unyääyëpën jä'ä xyëëwajtyp, Mëtëypyë ets ja Oypyë winë tunyën, jä'ä ko tëytyuunp, paye'epy ets tsiptuump jä'ä ijxtëm pyaat'atyën.

1 Juan 1:7

E ko njuuky'ajtmëty ma jyäjy tyi'kxyën, ënät nixim niyam ja winma'any tu'knax nmëët'ajtmëty ets ja Jesukristë ja jyot nye'pyny xyajwatsmëty.

Salmos 100:5

Jä'ä ko yë Wintsën oy Tyios'aty; yë tsyojkën jya'awën ijtëëp xëmëkyëjxm, ets wya'atsajtën nijëna'a kyajëjpkëxy.

Números 23:19

Yë Tios kajëna'a yë kya'ooky kyatëkoy, yë'ë ka'ap wyin'ëëny ets ka'ap yë y'aaw y'ayuk tukxi'iky. Ko tii tnikäjpxy pyatuumpy, ets ko tii twinwanë yäjkpy.

2 Corintios 1:18

Wa'ats ja Tios nijawë ko mëtëy winë të ntukmëmëtya'aktë.

1 Pedro 5:10

E ko ënäty të m'ëk'ëyowtë, ko wäänë ja tiempo nyaxëty, ënät ja Tios mpokymyä'kxa'anëtë ets jotmëk m'itëty ets mëtëy winë xytyuntëty. Yë'ë ja Tios mëti'ipë të xyaxtso'owëmën ets xëmëkyëjxm nyajpatmëty mëët ja Kristë.

1 Juan 4:13

Jä'ä ko Tios tëë xymyo'oyëm ja Kënu'kxymyëkajtën, jëtu'un nnija'awëmëty ko Tios y'ity ma ëëtsajtëmën ets ëëtsajtëm n'ijtëm ma yë'ëjën.

Hebreos 11:11

Abraham myëpëjk ja Tios. Paaty ja Sara ja u'unk maay tyajmiiny naaxwiiny, oy ënäty të jyamëjja'ayënëtë nimäjtsk. Abraham ojts myëjaawpëky ets teety nyaxëty, jä'ä ko tmëpëjky ëmuumtu'ukjot ko Tios kyuuytyuunpy mëti'ipë të twinwanën.

Romanos 9:24

Jëtu'un, ëëtsajtëm Tios të xywoowtso'owëmë, tam mëti'ipë jutiis ja'ayën ets tam ka'apë jyutiisëty.

Romanos 8:30

Mëti'ipë ja Tios tëëyëp wyin'ijxën tëë ja tmëkäjpxy; mëti'ipë ojts tmëkäjpxyën ojts wa'ats tyajnaxy ets mëti'ipë wa'ats yajnajxën ojts mëj'äämpy tpëjktä'äky.

Isaías 25:1

Wintsën, mijts nTios'ajtyp; mijts nyajmëjnajxyp ets nmëjja'aw nkënu'kxyjya'apës yë mxëëw, jä'ä ko tëë xytyuny mëjwiin këjää winë ijxtëm ojts xynyikäjpxyën, jëtu'un tyimtso'ontäky tëëyëp.

Gálatas 2:20

ka'ap y'ëjtsëty n'ëkjuuky'ajnë, Kristë juuky'ajnëp maas ja njot nwinma'anyën. Ja juukyajtën mëti'ipës ja nnini'kx tyuk'oy'äjtypyën, paaty jyuuky'äty jä'äs ko nmëpëky ja Tios ja y'U'unk, mëti'ipës të xytsyokyën etsës të xykyu'oo'kë.

Hebreos 3:14

Tëë mëët ja Kristë npatëm ja oyajtën, mëët yi'iyë ko ntukjotkujk'ajtmëty mapaat njuuky'ajtëmën ijxtëm të nyajtso'ontakëmën.

2 Tesalonicenses 2:14

Paaty ja Tios të mwootsowëtë ko të xymyëpëktë ja oy aaw oy ayuk mëti'ipës të nkajpxwa'kxtën, jëtu'un jam myajpaatëty ma ja Wintsën Jesukristë myëj'ajtën y'oyajtënënën.

Juan 17:21

N'amëtoy npëjktsoy ets tu'ukyë y'itëty; ijxtëmës tu'ukyë n'ityën mëët mijts ets mijts tu'ukyë mëët ëjts. Näjyëtu'unës n'amëtoy ets tu'ukyë y'itëty mëët ëëtsëty ets tmëpëktëty ja naaxwiinyëtë ja'ayëty ko mijtsës të xykyexy.

Isaías 11:5

Tääpë ja'ay yë'ë xëmë kyajpxäämpy myëtya'akäämpy ja oypyë nipaye'eyën ets ja mëtëypyë.

Tito 1:2

mëti'ipë ijtpën ko yajjëjp'ixy ja juukyajtën xëmëkyëjxmëpë. Tios ka'apë y'antä'äkyën, mëti'ipë ya'atë juukyajtën ojts twinwanën ka'anëm ënäty yë naaxwiinyëtë tsyo'ontä'äky,

Efesios 3:6

Ya'atë ijty kayajnija'ap: mëët ja oy aaw oy ayuk Tios tmëkajpxta'ay ja naax kajpn ets yajpaatëty mëët ja Kristë Jesús ets t'ëxajëtëty mëti'ipë ja Tios të twaantä'äkyën.

Hebreos 6:18

Ya'atë mäjtskpëkpyë mëti'ipë ka'ap tyëkatsyën ets ka'ap tjëkyepyën yë Tios wyin'ëënëty, paaty të n'ëxajëm ja jotkujk'ajtën, ko të n'ixta'ayëm ja Tios myajts'ijtën ets të ntukjotkujk'ajtëm ja ëwxijt mä'kxtujkën mëti'ipë të xymyo'oyëmën.

Hebreos 3:1

Paaty mëku'uktëjkëty, ninu'un ja Tios mja'ay'atëtën, tëëpë yajyaxtsowtën, pëjkta'aktë mjootjoty mwinma'anyjyotyëty ja Kristë Jesús, ja ayukkajpxwa'kxpë, ja mëj teety wintsën.

Hebreos 2:17

Paatykyëjxm näjyëtu'un kopkpëky yajpëjktäky ijxtëm ja myëku'uktëjkën ets jam Tios wyintuuy y'itëty teety wintsën oypyë ets pa'ëyoopë ets ja Tios ja ja'ay tpokmyä'kxëty mëët ja wintsë'kën.

2 Timoteo 1:9

Tios të xyajtsokëm ets të xywoowtso'owëm tääts npatmëty ja juukyajtën wa'atspë, ka'ap yë'ëkyëjxmëty ko tii oy ntu'unëm, yë'ë ko jëtu'un tëëyëp tuknipëjktaakë mëët ja Kristë Jesús.

Mateo 24:35

Këxaanp naxaanp yë tsajp ets naaxwiinyëtë, e yë n'aaw n'ayukës nijëna'a kyakëxa'any kyanaxa'any.

Gálatas 1:15

E tëëtëm ënäty ja Tios xywyin'ixyës naamka'anëm nmëxu'unk'atynyëmës ets tëëtëm ënäty myëyajtën mëët xyaxtsoyës,

1 Corintios 10:16

Ko ojts n'ukëm ja kënu'kxynyëë a'ukënjoty ets ojts nyajmëjnajxëmë ja Tios, tu'ukyë ënäty tpaaty n'ijtëmë mëët ja Kristë ja nye'pyny, ko ojts nka'ayëm ja tsajpkääky mëti'ipë ojts ntujkwa'kxëmën, tsojk ni'ëmukë ntukjotkujk'ajtëmë ja Kristë ja jyot nyini'kx.

1 Corintios 1:30

Tios miits kë'ëm të mpëjkta'akëtë tu'ukyë mëët ja Kristë Jesús. Kristë Jesús mëët ëëtsajtëm nwijëm nkäjëm ets nän yë'ëkyëjxm ja Tios mëët oy nwë'ëmëm, jëtu'unts ja Tios xyjyä'äy'ajtmëty ets najtspëkë n'ijtmëty.

Romanos 11:17

Jëtu'un ja jutiis ja'ayëty ijxtëm ja olivë kepyxye'entyën mëti'ipë të yajkatspuxyën; ets mijts mëti'ipë ka'ap jyutiis ja'ayëty, jëtu'un ijxtëm ja pa'olivos xe'entyën ets të myatukpu'ootsë ja olivë kepy mëti'ipë mëtëyën. Ets të m'awinpity ijxtëm jeexyë mijts mjanty olivë'atën.

1 Tesalonicenses 2:12

Tëë njotmëkwinkajpxëtë, tëë nyajjotkujk'atë ets tëë ntukmënu'kxta'aktë wi'ix mja'ay'atëty ijxtëm pyaat'atyën mëti'ipë jä'ä''ajtëtëpën ja Tios, mëti'ipë të myaxtsowëtë ma yajkutukyën ets ma ja myëj'ajt y'oyajtënën.

Colosenses 1:24

Jotkujkës näjyawëty ko miits nku'ëyowëtë, jëtu'unës nyajkä'pxy ja ëyo'on maas ja njot nini'kxën, mëti'ipë ja Kristë kyayajka'pxën ma tku'ëyo'owëyën ja mëpëjkpëtëjkëty, mëti'ipë yë'ë nyi'kx'ajtyp kyopk'ajtypyën.

2 Timoteo 2:13

Pën ka'ap ëëts npatu'unëm ja y'aaw y'ayuk, yë'ë pyatunäämpy ja y'aaw y'ayuk, jä'ä ko ka'ap tjëkyepy kë'ëm nyätyuxi'ikëtëty.