1 Corintios 1:2 - Biblia Mixe de Quetzaltepec

² Tyamës ja mëpëjkpëtëjk ntuknikäxtë ja noky mëti'ipë ye'eymyujktëpën jam Corinto ets tu'ukyë y'itë mëët ja Kristë Jesús, mëti'ipë ja Tios të yaxtsowëtën ets jyuuky'atëty wa'ats, miits ets ni'ëmukë mëti'ipë ja Jesukristë xyëëw kyajpxpatëpën, ëëts nWintsën'ajtëmë ets näjyëtu'un yë'ëjëty.

Biblia Dc en Mixe de Quetzaltepec

² Tyamës ja mëpëjkpëtëjk ntuknikäxtë ja noky mëti'ipë ye'eymyujktëpën jam Corinto ets tu'ukyë y'itë mëët ja Kristë Jesús, mëti'ipë ja Dios të yaxtsowëtën ets jyuuky'atëty wa'ats, miits ets ni'ëmukë mëti'ipë ja Jesukristë xyëëw kyajpxpatëpën, ëëts nWintsën'ajtëmë ets näjyëtu'un yë'ëjëty.

1 Corintios 1:2 ပူးပေါင်းရင်းမြစ်များ

1 Corintios 1:30

Tios miits kë'ëm të mpëjkta'akëtë tu'ukyë mëët ja Kristë Jesús. Kristë Jesús mëët ëëtsajtëm nwijëm nkäjëm ets nän yë'ëkyëjxm ja Tios mëët oy nwë'ëmëm, jëtu'unts ja Tios xyjyä'äy'ajtmëty ets najtspëkë n'ijtmëty.

Hechos 26:18

Mijts yam nkejxyp ets xyaj'ijxwa'kxëty ets pyëtsëmtëty ma akoots itën ets ye'eytyëty xëënytyuuy, këtiipë yajpaatëty ma ja mëjku'u yajkutukyën, yë'ë Tios pyanëjkxtëp. Jëtu'unts ja pyoky yajnimä'kxtëty ets yajmo'otëty ja kuma'ayën mëti'ipë ijtëpën ma ja Tios ja kyajpnën jä'äkyëjxm koos xymyëpëktë.

Hebreos 13:12

Näyjyëtu'un ja Jesús të y'ooky jam kajpnpë'am ets ja naaxwiinyëtë ja'ay wa'ats wyë'ëmtëty mëët ja jyot nye'pny.

1 Tesalonicenses 4:7

Ka'ap ja Tios yë'ëjëty të xytyuknipëjktakëmë ets ëxëëk njuuky'ajtmëty, yë'ë të xytyuknipëjktakëmë ets oy wa'ats nyajpatmëty.

Hebreos 10:10

E tëë ja Tios xykyënu'kxëmë jä'ä ko ja Jesukristë të tuny mëti'ipë ja Tios tsyojkpyën, tëë tkë'ëyäky ja nyi'kx kyopk ets të wyintsë'kën'aty je'eyë tu'ktëkokyë.

2 Corintios 4:5

Ka'apës kë'ëm nänyimëtya'akëtë, ja Kristë mëti'ipë Wintsënën ëëts nikajpx nimëtyaktëp; ëëtsëty tuunpës je'eyë näyajnaxëtë koos ja Jesús xytsyoktë.

Hechos 9:14

Ets të tmëja'ty ja noky kutujkënmëëtpë mëti'ipë ja teety wintsënëty të mye'eyën ets tmajtsta'ajëty mëti'ipë mxëëw y'ëwtajtëpën.

Apocalipsis 19:16

Ma kyë'ëjën ets ma kyë'ëpoontyën jam tmëët'aty këxja'ay: Yajkutujkpë kopk ma ja yajkutujkpëtyën ets Wintsënkopk ma ja wintsënëtyën.

Judas 1:1

Judas, Jesukristë myëtuunpë, Santiagë myëkä'äx. Tyam mkajpxpo'kxëtë jënu'un ja Tios Teety të mëkajpxëtën, mëti'ipë ja Jesukristë ijx'ijtëtëp këwent'ajtëtëp.

Hebreos 2:11

Ja mëti'ipë yajkënu'kxtën ets mëti'ipë kënu'kxpën, tu'ukyë ja Tyeetyëty, ja Tios Teety. Paaty ja Tios U'unk ka'ap tuktsëtyuny ets xytyijmëty mëkä'äx.

2 Timoteo 1:9

Tios të xyajtsokëm ets të xywoowtso'owëm tääts npatmëty ja juukyajtën wa'atspë, ka'ap yë'ëkyëjxmëty ko tii oy ntu'unëm, yë'ë ko jëtu'un tëëyëp tuknipëjktaakë mëët ja Kristë Jesús.

1 Timoteo 3:15

ets pën poxpës, mnijawëp wi'ix mëpaat ja ja'ay jyä'äy'äty mëti'ipë yajpatpën ma ja Tios ja jyëën tyëjkën, ma nyiye'eypyätën ja mëpëjkpëtëjkëty mëti'ipë ja juuky Tios y'ëwtajtëpën, mëti'ipë myëët'ajtypyën ets kyuwäänpyën ja tëyajtën.

2 Tesalonicenses 1:1

Yë Pablo, Silvano ets ja Timoteo, tkajpxpo'kxtë ja mëpëjkpëtëjkëty mëti'ipë jam Tesalónica yajpatëpën, ko tu'ukyë y'itë mëët ja Tios ets Wintsën Jesukristë.

1 Tesalonicenses 1:1

Ëjts Pablo, mëët ja Silvano ets Timoteo, tyam yë noky ntuknikäxtës ja mëpëjkpëtëjkëty mëti'ipë ye'eymyujktëpën jam Tesalónica, mëti'ipë ijtëpën tu'ukyë mëët ja Tios ets Wintsën Jesukristë. Wä'än ja Tios mmo'ojëtë ja kënu'kxën ets jotkujk'ajtën.

Efesios 5:26

Paaty jëtu'un tuuny ets ja mëpëjkpëtëjk y'itëty oy ets wa'ats mëët ja aaw ayuk,

2 Corintios 1:1

Ëjts Pablo, Jesukristë y'ayuk kajpxwa'kxpë. Ëjts, mëët ja Timoteo ntuknikäxtës ya'atë noky ja mëpëjkpëtëjkëty mëti'ipë jam ye'eymyujktëpën Corinto ets ja Tios ja jyä'äyëty mëti'ipë yajpatëpën ma Acaya itjotmën.

1 Corintios 8:6

Mëët ëëts'ajtëmë, tu'ukyë je'eyë ja Tios, ja Tios Teety yë'ë winë të tyajtso'ontakta'ay ets yë'ë ëëts nnijuuky'ajtëmë. Näy tu'ukyë ja Wintsën Jesukristë, paaty tu'kë'ëyë winë jää yajpata'ay näjyëtu'un ëëts'ajtëmë.

Romanos 10:12

Jesús ni'ëmukë ja'ay tnitënaaytyä'äy, wä'än tjutiis tkajutiisëty, ets tmooytyä'äy ja kënu'kxën mëti'ipë mëkajpxëpën.

Romanos 3:22

mëët ja mëpëjkën jam ma ja Jesukristë, Tios wa'ats tyajnaxy ni'ëmukë ja ja'ay mëti'ipë të myëpëktën. Ka'ap wyin'ixy wyinkexyëty;

Hechos 22:16

E tyam, ka'ap jeky m'ëwxitëty. Pëtë'ëk ets mnëëpätëty, ja'amyäts ja Wintsën ets myajpokywya'atsëtëty. Jëtu'unës xynyëmaay.

Hechos 18:1

Ënät ja Pablo jam tsyo'ony Atenas ets ojts nyijkxy Corinto.

Hechos 15:9

Tios y'aak oyjya'ap yë ja'ay, wä'än tpënëty, jä'äkyëjxm ko tëë ja pyoky yajknimä'kxtë ko të myëpëktë.

Hechos 10:36

Tios ojts tmëkäjpxy ja Israel ja'ay ja y'u'unk y'okëty, tuk'ëwaanë ja jotkujk'ajtën mëët ja Jesukristë, ko yë'ë nyiwintsën'ajtääpy winë.

Hechos 9:21

Ets ja ja'ayëty mëjmëtoy ojts tjawëtë mëti'ipë jam myëtoow'ijtëpën ets xim yam nyäy'ënanëtë: ¿Këtii yë'ëjëty ya'atë ja'ay mëti'ipë ijty y'ëxëëk'ijxypyën ja Jesús ja myëpëjkpëtëjk jampë Jerusalén kyukajpnëtyënë? ¿Këtii yë'ëjëty yaa të tniminy ets tmajtsmujkta'aja'any mëti'ipë ja Jesús ja xyëëw yajmëjnajxëtëpën ets tkë'ëtsuma'any tekytsyuma'any tääts tkë'ëyaka'any ma ja teety wintsëntëjkëtyënë?

Salmos 45:11

jä'ä ko yë yajkutujkpë y'oy'ijxyp ko mijts m'oyëty mtsujëty; yë'ë mwintsën'ajtyp ets yë'ë patëp xymyëmëtowëty.

Génesis 12:8

Ënät ojts yë Abram nyijkxy ma ja it naaxwiinyëtën kopkjotmëpë, mëti'ipë wë'ëmpën a'oytsyow ma Betel kajpnën, jam tpëjktäky yë tsyënaaytyakn. Yë Betel anajnytsyow ënäty wyi'imy ma ja tsyënaaytyaknën, e ja kajpn mëti'ipë xyëëwajtypyën Aí a'oytsyow wyi'imy. Ma tääpë ja it naaxwiinyëtën ojts yë Abram tyajkojy jam yë wintsë'këntyakn ets ojts tpa'tmëkäjpxy ja Tios ja xyëëw.

Génesis 4:26

Yë Set ojts näjyëtu'un tu'uk yë y'u'unk myääyëty tpaatë t'ixtë, mëti'ipë xyëëwmooytyën Enós. Ko yë Enós myëxu'unk'ajty, ënät ojts ëka'any yë ja'ayëty t'ëwtajtsoontë yë Tios.

2 Timoteo 2:22

Kukä'äk mëti'ipë ja ëna'ktëjk nätyukyajtëkooyëpën, yë'ë ixta'a ja oypyë ja nipaye'eyën, ja mëpëjkën, nätsyok näjyawë ets ja jotkujk'ajtën, mëët ja mëti'ipë wa'ats wiin wa'ats jot y'ëwtajtëpën ja Wintsën.

Gálatas 1:2

Ëjts mëët ni'ëmukë ja nmëku'uktëjkës mëti'ipës yam mëëtën, tyam ya'atë noky ntuknikäxtës ja mëpëjkpëtëjkëty jampë yajpaatën Galacia y'itjotm.

Hechos 9:13

Ko ja Ananías jëtu'un tmëtooy, tää y'ënäny: Wintsën, may yë ja'ay të xytyuk'ëwaanës ko tääpë ja'ay ëxëëk të y'ëti'itsy ets ëxëëk të tuny ja mnaax mkajn jam Jerusalén.

Romanos 8:28

Nnija'awëm ëëtsajtëm ko ja Tios yë'ë të tpëjktä'äky winë ets tuk'oy'atëty ja ja'ay mëti'ipë tsojkëpën, mëti'ipë të twoowtsoyën ijxtëm të tuknipëjktaakën.

1 Corintios 10:32

Ka'ap pën xymyo'otëty ja ijxpäjtën ëxëëk, ni yë'ë mëti'ipë jutiis kajutiis, ni yë'ë mëti'ipë yajpatëpën ma ja Tios ja nyaax kyajpnën.

1 Corintios 12:27

Jëtu'un miits ja Kristë mëët mwë'ëmtë ijxtëm ja ni'kx kopk tu'ukpën ets jëtu'un miits nitu'ukjaty ijxtëm tu'kpëky ja ni'kx kopkën.

1 Timoteo 2:8

Ntsojkpyës ets ja ja'ay tja'amyätstëty ja Tios oymyaatsowëty, ets ja kyë'ë tyujkxajtëty ma ja Tiosën mëët ja oyjyot oywyinma'any ets ka'ap myëëtëty ja tsip äkë.

2 Timoteo 2:19

E Tios tëë tu'uk ja potsy ëjx tpëjktä'äky ta'tspëkpyë, ma kyëxja'ayëtyën: Wa'ats ja Tios t'ixy'äty mëti'ipë jyä'ä'ajtypyën, ets Ni'ëmukë mëti'ipë kyajpxpatëpën ja Wintsën ja xyëëw, näjyëpëkëtëp ma ja ëxëëkpën.