Zacarías 9:8 - Biblia Dc en Mixe de Quetzaltepec

⁸ E ëjts a'ijxp jëjp'ijxp nyajpaata'anyës ets nkuwa'ana'anyës mëti'ipës njä'ä'ajtypyën, ka'apës yaa pën nyajnaxa'any. Yë ja'ay mëti'ipë tëytyunaanpën ka'ap nëjkx y'ëktëytyuunë, jä'ä ko ëjts nkëwent'atanëpës yë nja'aynyë.

Biblia Mixe de Quetzaltepec

⁸ E ëjts a'ijxp jëjp'ijxp nyajpaata'anyës ets nkuwa'ana'anyës mëti'ipës njä'ä'ajtypyën, ka'apës yaa pën nyajnaxa'any. Yë ja'ay mëti'ipë tëytyunaanpën ka'ap nëjkx y'ëktëytyuunë, jä'ä ko ëjts nkëwent'atanëpës yë nja'aynyë.

Zacarías 9:8 ပူးပေါင်းရင်းမြစ်များ

Isaías 54:14

Ja mëtëypyë ja nipaye'eyën yë'ë nëjkx myajjotmëktä'äkyë, ka'ap nëjkx ëxëëk mjaty mkëpety ets ka'ap nëjkx mtsë'ëkë mjawë, ja tsë'ëkë ets ja amay jotmay nëjkxëp mkukäkta'ayë.

Isaías 60:18

Ma mnaax mkajpnën ka'ap nëjkx nijëna'a y'ëkyajmëtoownë jëën tsip, ka'ap nëjkx naax kajpn y'ëkkutëkooynyë ets xit ko'ow y'ëkjajnë; jä'ä nëjkx ja mpotsy yajtijy yajnitsokpë ets ja mtëjk'aaw mëjpëjktakën.

Isaías 52:1

Ëkma'aywyij, ëkma'aywyij, mijts Sión Kajpn, jotmëk näpyëjkta'akët. Jerusalén kajpn, ja wa'ats kajpn, näxyoxët mëët ja oywyit; jä'ä ko ja ëxëëk ja'ayëty ka'ap jam jatëkok tyëkëja'antë ma mijtsën.

Jeremias 31:12

Minantëp yaa ma Sión kajpnën ets y'ëwa'antë akujk jotkujk, yë'ë tyukxoonta'akantëp ko ënety ja Wintsën të myo'ojëtë ja tsajpmok, ja tsatym nyëë tëëpë nyimaanaxyën, ja olivë on, ja kupixyny ets tsajpkaa. Jëtu'un nyaxa'antë tä tu'uk kam tu'ujën mëti'ipë xëmë yajnëëkuwoopën, këtiipë myëjaawkëxtëty.

Amós 9:15

Jä'ä ko jam nëjkx nyajtsëënëja'antë kyë'ëm naaxjotmëty ets ka'ap nëjkx nijëna'a jam pën y'ëkyajtso'onënëtë ma ja naaxwiinyëtën mëti'ipës ënety të nmo'otën. Dios, mëti'ipë Wintsën'ajtpën yë'ë jëtu'un ënaanp.

Ezequiel 39:29

Ka'apës nëjkx njëxk n'ëkja'atyëkooyëtë, jä'ä ko tëëjës yë nmëjajtën nyajnaaxkëtä'äky ma Israel kajpnën. Ëjts Wintsën, ëjts ënaanp.

Isaías 52:12

Je'eyëp ko këtii janty jëtu'un mtimy'ëtë'ëts mtimy'ëna'antëty jëtu'un tä ja'ay kye'ekyën, jä'ä ko yë Wintsën yë'ë mmajts'itanëtëp oy muum mnëjkxtëty.

Isaías 31:5

Jëtu'un tä tu'uk yë joontaak tnike'eky tkuke'ekyën yë y'u'unk ko tii jëyujk myatsa'anyë, jëtu'un ja Wintsën mëti'ipë maaytyääyëpën winë tkuwa'ana'any yë Jerusalén kajpn, kyuwa'anäämpy, yajtso'okäämpy, nyiwaantu'utäämpy, ets ëwaatsëtuuy tpëjkta'aka'any.

Salmos 72:4

Nyipaye'eyëp ja ëyoopëja'aytyëjk, ets tmo'ojëty ja jotkujk'ajtën ja y'u'unk y'ëna'k ets tukumëtowëty ja ja'ay ja nyëë pyoky mëti'ipë ja myëku'uk tyiytyuunpyën ets wyojpy kyä'tsypyën.

Salmos 34:7

Yë Wintsën kyukäjpxy kyuwäämpy ets yajtsokpy mëti'ipë oyjya'awëyëpën.

2 Samuel 16:12

Pën xypya'ëyoopës jëna'a Wintsën ets pën jam tkëwentëtuny maas yam ëxëëk njaty nkëpetyën, wä'änxyëp ja ni'ikyë nëjkx xy'ëkënu'kxnës ets nëjkx jëëmpit winë y'ëktuun y'ëkjajtënë oyës ënety të njayajpoky jëtu'un tääjës tyam nmëtoyën.

Éxodo 3:9

Ëk'ix tëëjës nmëtoy wi'ix yë Israel ja'ayëty y'ëjtën tyu'uktën ets tëës näjyëtu'un n'ixy ko ëxëëk tyunëtë yë Egiptë ja'ayëty.

Apocalipsis 20:9

Ënet t'aye'eytyääytyë mapaat ja naaxwiinyëtë y'ëwëtityën ets tyajnatujktaaytyë maajaty yajpaatën mëti'ipë ja Dios kajpn'ajtëtëpën, ja kajpn mëti'ipë Dios tsyojkpyën. E Dios yajkëtak ja jëën tsajpjotmëpë mëti'ipë yaj'o'ktaayëtën.

Hechos 7:34

Tëës n'ixy ja nkajpnës ko yajtëytyun yajtsaatsytyuntë jam Egiptë; tëëjës nmëtoy ko jyë'ëtë ya'axtë, ko ëxëëk jyatë kyëpätë. Paatyës nkëtä'äky ets nyaj'ëwa'atspëtsëma'antës. Tsojk min, mijts nkäxäämpy ets mnëjkxëty jatëkok jam Egiptë.

Zacarías 14:11

Jëtu'un, tsëënëjantëp yë ja'ay jam ma Jerusalén kajpnën ets ka'ap nëjkx nijëna'a y'ëkkutëkooynyë. Jotkujk ja ja'ay nëjkx jam jyuuky'ajnëtë.

Zacarías 12:8

Ëjts Wintsën, nkuwa'anäämpyës yë Jerusalén ja'ayëty. Mëti'ipë ëmaay paki'ix yajpatëpën mëk nëjkx y'itë tä Davidjën ets David yë y'u'unk y'ok jëtu'un nëjkx yajpaatë Tiosën, jëtu'un tä yë Wintsën yë tsyajpjotmëtë kukäjpxyën mëti'ipë tu'uwinye'eyëtëpën.

Jeremias 46:13

Ënet ja Wintsën ojts tmëkäjpxy ja Jeremías käjpxynyajxpë ma ënety ja Nabucodonosor, Babilonyë yajkutujkpë tninëjkxyën ja Egiptë kajpn ets tnitëkëja'any:

Jeremias 46:2

Jëtu'un ojts yë Egiptë kajpn yajnikäjpxy ets yajkutujkpë Necao mëët yë tsyiptuunpëtëjk, ma ënety mëmajktaxk jëmëjt ëka'any yajkutukyën yë Joaquim, yë Josías yë myaank mëti'ipë jam Judá ënä'ämpën; ojts tsyiptuny jam Carquemis mëët yë Nabucodonosor, yë Babilonyë yajkutujkpë, jam winkon ma ja Éufrates mëjnëëjën. Yë Carquemis ka'ap ojts myëtä'äky.

Isaías 26:1

Jä'ä xëëw nëjkxëp yaj'ëy yajyä'äxy ya'atë ëy jam Judá: Ëëtsajtëmë ta'tspëky yë nnaax'ajt nkajpn'ajtëmë, tëë yë Wintsën tkojy mëj yë potsy ets tëë ja naax kajpn tyaj'oyë mëti'ipë ta'tspëkyën.

Isaías 4:5

Ma ja Sión kopkën, ets ma ja ja'ay tu'ukmukyë yajpaatën, nëjkxëp ja Wintsën jam ja kyënu'kxën tyajkëtä'äky tä tu'uk yë yoots nëma'ajën, jëënën nëjkx tyajkëtä'äky ko kyoots'atëty. Jam anëkëjxmtsow yë Wintsën yë myëj'ajt y'oyajtën nëjkx yajpaaty,

2 Reyes 24:1

Ma ënety ja Joaquim yajkutukyën, yë Nabucodonosor jampë yajkutukyën Babilonyë, ojts tnitëkë yë naax kajpn jam Judá; yë Joaquim tëkëëk jëmëjt kyëpejty ma Nabucodonosor yajkutukyën. Ok ja wyinma'any tyajtëkajtsy ets tnipëtë'ky ja Nabucodonosor.

2 Reyes 23:29

Jää jëmëjt ma ënety yë'ë jyaak tunyën, jää ojts nyipëtë'ëkyë yë yajkutujkpë japë y'ëne'emyën Egiptë; jä'ä xyëëwajtyp Necao ets jam myiiny Éufrates ma tputëkëja'anyën ja Asiria yajkutujkpë. E ja Josías ojts tnitsoony ja myëtsip ets tjëjpkuwa'akëja'any; ko ja Necao y'ijxpatë jam Meguido, ënätyë tyimnäyaj'o'kë.

Éxodo 3:7

e ja Dios ojts jyaak mëtyä'äky ets y'ënäny: Ëjts wa'atsës të n'ixy të ntuny wi'ixës yë nnaax nkajpn jap y'ëyoyën Egiptë. Tëës nmëtoow'ity yë y'ëjën tyu'kënëty, mëët ko mëk y'ënä'ämëtë myëkajpxëtë mëti'ipë nyiwintsën'ajtëpën ja tuunk ëyo'on ets tëëjës wa'ats nijawë wi'ix jap jyatën kyëpätën.

Zacarías 9:7

Ntuk'awo'ontu'utäämpyës ja tsu'utsy ne'pnymyëëtpë ets tyëtsjoty nëjkx nwo'onpëtsëëmës ja jë'kxy mëti'ipë mëpaat ka'ap yajjë'kxyën. Je'eyëp ko nëjkxëp jam yë ja'ay yajpaatë mëti'ipës oy xymyëtuntëpën ets nëjkx jyuuky'atë mëët yë Judá ja'ayëty; yë Ecrón ja'ayëty jëtu'un nëjkx jyuuky'atë tä Jebús ja'ayëtyën.

2 Reyes 19:34

Ëjts nkuwa'anäämpyës ya'atë naax kajpn, etsës nyajtso'oka'any, mëët koos n'oyjyawë ja ntuunpës David ets mëët ko ja nxëëwës mëj'äämpy nyaj'ita'any.

Proverbios 3:25

Ka'ap mtsë'ëkëja'any oy atsë'ëk ajawë myin wyinkonëty, ets ni jää mkatsë'ëkëja'any ko ënety ëxëëk jyatë kyëpätë ja ëxëëkja'aytyëjkëty,

Zacarías 12:4

je'eyëp koos nëjkx n'ëtsë'këtyä'äyës ja kwaay ets tsuu poj nyajjajta'aja'anyës ja ja'ayëty mëti'ipë ënety ja kwaay tyuk'u'unyääytyëpën. Nkëwent'atäämpyës yë Judá y'u'unk y'ok ets nyajwiintsëtya'ajäämpyës yë kwaay ma ja naax kajpnëtyën.