Zacarías 9:4 - Biblia Dc en Mixe de Quetzaltepec

⁴ Je'eyëp ko pëjkëjanëyëp yë Wintsën tu'kë'ëyë ets nëjkx nëëkuko'owta'ay ja wyit myeeny ets tno'ktëkoyä'äny ja naax kajpn.

Biblia Mixe de Quetzaltepec

⁴ Je'eyëp ko pëjkëjanëyëp yë Wintsën tu'kë'ëyë ets nëjkx nëëkuko'owta'ay ja wyit myeeny ets tno'ktëkoyä'äny ja naax kajpn.

Zacarías 9:4 ပူးပေါင်းရင်းမြစ်များ

Ezequiel 28:18

May ojts ja nëë poky xytyuuntëkooynyë ets ja mjot mwinma'any mëj xyajtëkooynyë mëët ja mjuy mtooky, yë'ëpaat ojts xyaj'ëxëëktëjkënyë yë mtsajptëjk. Ënet ojts nyajmëjës yë jëën ma mjuuky'ätyën ets myajtooytyëkooyë. Tyam aak m'ijxëp yë ja'ay ko o'ktëy mjajnë mkëpäjnë ets kuyjyaamën të m'awinpijnë.

Ezequiel 26:17

Ënet nëjkx tyaj'ëypëtsëmtë ko ënety jëtu'un mjaty mkëpety: Wi'ix ko të mkutëkoy, wi'ix ko të myaj'ijxtëkoy jap mejy'akujky, ma ënety mëj'äämpy ets akäjpxy m'ityën. Mijts mëët yë mja'ay mëj'äämpy të m'ity ma ja mejyën ets tëë ja naax kajpn mëk mtsë'ëkëty naaxwiinyëtë apëtsëmy.

Amós 1:10

Paatykyëjxmës nyajnitooytya'aja'any yë potsy mëti'ipë nyapots'ajtypyën yë Tirë kajpn ets tääpë jëën yë'ë nyo'ktëkooytya'ajäämpy yë kutujkëntëjk.

Joel 3:8

Ntookäämpyës yam yë m'u'unk m'ëna'këty ma jutië ja'ayëtyën ets yë'ë to'knaxtëty ma sabejë ja'ayëtyën, mëti'ipë wiink naaxwiinyëtë juuky'ajtëpën. Ëjts Wintsën, ëjts ënaanp.

Ezequiel 28:16

Ënet yë nëë poky ojts mpaatyë ko ojts mkumeenytyä'äky ets may ja juy tooky xymyëët'ajnë. Ënet ojts n'ixkexy ets mjëwa'akëty nwintuuyës; ojts jam njëkexy ma ja Dios ja kyopkën, ja tsajpjotmëtë kukäjpxy mëti'ipë ënety mkëwent'ajtëpën yë'ë ojts myajpëtsëëmënë mëtsa'a itkujky.

Ezequiel 28:8

Jap jutjoty myajkëta'aka'anyë, jap nëëpa'tkë'p myajkuka'anaxa'anyë.

Ezequiel 28:2

Mijts ye'etyëjk, ënëëmë yë Tirë yajkutujkpë: Jëtu'un yë Wintsën y'ënä'äny: Tëë mjot mwinma'any y'uty mëët yë amëj'ajt akëjxmajtën, tä tiosën të mnäjyawëty, jam m'u'unyë ma y'u'unyëtën ja tiostëjkëty ets mejy'akujk të myajpaaty. Je'eyëp ko mijts ka'ap mtiosëty, mijts mnaaxwinyëtë ja'ay mëti'ipë jëtu'un määpy tajpën tä tiosën.

Proverbios 11:4

Yë wit meeny nijënu'un kyatuna'any ko ënety ja poky yajnipaye'ey, je'eyëp ko jyää'aty ja nipaye'eyën, mayjyä'äy tpaatë nitsokën.

Proverbios 10:2

Yë wit meeny mëti'ipë yajpatpën mëët yë ëxëëk jot ëxëëk winma'any, ka'ap pën oy tyajtuny; e ko yë wit meeny ja'ay oy tnitun tniye'eyë, yajpëtsëëmp o'këntum.

Isaías 23:11

Yë Wintsën tëë yë myëk'ajtën tyaj'ixyë ma mejyjyotën. Tëë ja mëj naax mëj kajpn t'atsë'ëk t'ajawë, ja naax kajpn mëti'ipë ënety ta'tspëky yajpatëpën jam Canaán, wa'ats të tyajkutëkooytyä'äy.

Zacarías 9:5

Ko ënety ja Ascalón kajpn jëtu'unpë t'ixy, nëjkxëp yë tsë'ëkë tyuktëkëty. Ëxëëk y'ëyowa'any yë Gaza kajpn, mëti'ipë ënety ja Ecrón kajpn jyëjp'ijxypyën jëtu'unyë nëjkx tyëkooytyä'äy. Yë Gaza kajpn tukwa'ats nëjkx wyi'imy ets Ascalón kajpn tukwa'ats nëjkx y'awinpity, ni pën jam kyatsëënëja'any.