Zacarías 9:3 - Biblia Dc en Mixe de Quetzaltepec

³ Tirë tëë tkojy yë naax kajpn ta'tspëkpyë ets mëti'ipë këwent'aty ijtpën, tëë tnipëjkpety yë pu'ts pujxn ets poop pujxn tä ja'ay mo'onts tnijä'ppetyën.

Biblia Mixe de Quetzaltepec

³ Tirë tëë tkojy yë naax kajpn ta'tspëkpyë ets mëti'ipë këwent'aty ijtpën, tëë tnipëjkpety yë pu'ts pujxn ets poop pujxn tä ja'ay mo'onts tnijä'ppetyën.

Zacarías 9:3 ပူးပေါင်းရင်းမြစ်များ

2 Samuel 24:7

Ko jam t'aye'eytyääytyë tääts ojts nyëjkxtë ma ja Tirë kajpnën ets tukjëtijtëtyääytyë ja Heve ja'ayëty ets ja Canaán ja'ayëty ja nyaax kyajpnjotmëty, tyimpëtsëëmtë jam ëpa'tkë'ëmtsow ma ja Judá nyaax kyajpnën ets jyajtë Beerseba.

1 Reyes 10:21

Tëkokyë ja a'ukën mëti'ipë ja yajkutujkpë yajtuumpyën aak pu'ts pujxn ënety mëët y'oytyunyëty ets aakjëtu'un ja y'apëjk y'atu'unën mëti'ipë jamën ma ja akujktëjkën mëti'ipë yajtijpën Líbano Yukjot. Ka'ap ijty ja'ay nëkooyë tyajtuntë yë poop pujxn, jä'ä ko ka'ap ënety nëkooyë tsyowëty ko ja Salomón jyuuky'äjty.

1 Reyes 10:27

Ja yajkutujkpë yajxon may'äämpy tjanty yajnipejty yë poop pujxn tä tsaajën jam Jerusalén ets ja ajë kepy jyam'atëty may'äämpy, jëtu'un mëti'ipë tyijtëpën higos nyikepy jampë joyjyotmën.

Job 22:24

ets pën jëtu'un xy'ixy yë pu'ts pujxn oyëtypë tä naaxwayën, ëkë tä tsaajën mëti'ipë wokjoty ka'tsnääpyën,

Job 27:16

Oy yë ëxëëkja'aytyëjk tjanipëjkpätëty may yë wit meeny tä naaxwayën ets may'äämpy yë wyit tyujkxy tmëët'atëty,

Job 3:15

ëkë mëët yë ënä'ämpëtëjk mëti'ipë yaj'ujtstën yë kyëmoontëjk mëët yë pu'ts pujxn ets poop pujxn.

Isaías 23:11

Yë Wintsën tëë yë myëk'ajtën tyaj'ixyë ma mejyjyotën. Tëë ja mëj naax mëj kajpn t'atsë'ëk t'ajawë, ja naax kajpn mëti'ipë ënety ta'tspëky yajpatëpën jam Canaán, wa'ats të tyajkutëkooytyä'äy.

Isaías 23:8

¿Pën ya'atë jëtu'unpë ënä'ämën të tpëjktä'äky ets ja Tirë kajpn o'ktëy jyatëty, ma ja yajkutujkpë y'ityën mëti'ipë ja jyä'äy ajuupy ato'ktëpën, mëti'ipë ja jyä'äy kumeenyëtyën ets mëj'äämpy y'itën?

Ezequiel 26:12

Meenytyuk nyajwë'ëma'any, yajmä'tsta'ajaanp yë mjuy mtooky, yajijtë'kaanp yë mpotsy ets nyaaxmëjijtëtya'aja'any yë mkutujkëntëjk oypyë kyojyëtyën; nyëëkuko'owta'ajantëp ja tsaa ets ja kepy yë'ëpaat yë naaxmaj ets tsaapu'u.

Ezequiel 27:27

Yë mwit mmeeny, yë mjuy mtooky ets mëti'ipëjaty myaj'ijtyp myajwintëëpyën, yë mja'ay mëti'ipë yajye'eytyëpën ja kepy nëëwinye'epyë ets mëti'ipë kya'ptëpën, mëti'ipë jëëntuuntëpën, m'ajuuy m'ato'kpëty, mtsiptuunpëtëjkëty ets tëkokyë ja mja'ay mëti'ipë jap mkepy nëëwinye'epyëjoty myajëtijtypyën, mëët nëjkx mkiinta'ay ko ënety tpaaty ja xëëw po'o.

Ezequiel 27:33

Ko ijty jyä'ty ja mjuy mtooky mëti'ipë tso'onpën ma mejyën, kanaak ja naax kajpn xyaj'akëtä'äky xyajjotkëtä'äky. Mëët ko winë may'äämpy xymyëëtëty may ja yajkutujkpëtëjk xyajkumeenytyä'äky yaa naaxwiiny.

Ezequiel 27:34

Tyam o'ktëy të mjajnë jap nëëjoty, tëë mkiinë jap nëëkomjoty. Ja m'ajuy m'atooky ets ja ja'ay mëti'ipë mëët myajpaatyën tëë kyiinta'atë mëët mijts jap këknëëjoty.

Ezequiel 28:1

Ënet ja Wintsën ojts xymyëkäjpxyës ets xy'ënëmaayës:

Amós 1:9

Jëtu'un yë Wintsën y'ënä'äny: Yë Tirë ja'ayëty mëj këjää yë nëë poky të tuuntëkoytyë ets ka'apës jëtu'unyë nyajninaxa'any; jä'ä ko yë'ëjëty ojts tkë'ëyaktë yë naax kajpn mëti'ipë ënety mëët ja käjpxytyu'unën të tuntën, jëtu'un tä tu'uk ja'ay tu'kmëkä'äx tii tkäjpxytyunyën ets tkë'ëyajktë jam ma Edom ja'ayëtyën.

Josue 19:29

Jam tsyoony ja tsëpa'an Sidón ets nyajxë'ëky jam Ramá, jyä'ty ma ja Tirë kajpnën napotsypë, ets nyijkxy ma txëëwatyën Hosá, jyä'ty jam ma ja Mejyën Naax'akujkpyë, mëët ja Mahaleb, Aczib,