Zacarías 9:17 - Biblia Dc en Mixe de Quetzaltepec

¹⁷ Janty oy janty tsuj nëjkx yaj'ixy yë naax kajpn. Tam'ataanp may yë tsajpmok ets tsatym nyëë; yë n'u'unk'ajt n'ëna'k'ajtëm ye'etyëjkpë to'oxytyëjkpë, oy tsuj nëjkx yääktë pyätë.

Biblia Mixe de Quetzaltepec

¹⁷ Janty oy janty tsuj nëjkx yaj'ixy yë naax kajpn. Tam'ataanp may yë tsajpmok ets tsatym nyëë; yë n'u'unk'ajt n'ëna'k'ajtëm ye'etyëjkpë to'oxytyëjkpë, oy tsuj nëjkx yääktë pyätë.

Zacarías 9:17 ပူးပေါင်းရင်းမြစ်များ

Salmos 144:12

Yë nmaank'ajtëmë janty'oy yääktë pyätë jëtu'un tä aay ujtsën jam pëjykyamjotm, yë nnëëx'ajtëmë jëtu'un nyaxtë tä tu'uk yë xenyën ma tsajptëjk kyëxmëtä'äkyën.

Salmos 145:7

Yajnimëtya'akaanp yë m'oyjot m'oywyinma'any, yajtukyaaxëjaanp yajtukjokëjaanp ko mijts aak'oy ets aak tëyajtën winë të xytyuny.

Salmos 27:4

Tu'uk je'eyë mëti'ipës n'amëtoopyën yë Wintsën, tu'uk je'eyë mëti'ipës ntsojkën'ajtypyën. Yë'ë koos xëmë n'itëty ma Wintsën yë tsyajptëjkën mapaatës njuuky'ätyën, ets n'ëwtata'any etsës n'ixa'any yë y'oyajtën.

Salmos 31:19

Janty mëj yë m'oyjot m'oywyinma'any xyajnikëxë'ëky ma ja'ayëtyën mëti'ipë mtukxoontakëtëpën. Jëtu'un xypyëjkë'ëky tä yë wit meenyën, ets wa'ats xytyuk'ixy xytyuknijawë ko xyajwä'kxy yë m'oyajtën ma ja'ayëtyën mëti'ipë ëmuumtu'ukjot mtuk'ijxpäjtëpën.

Salmos 36:7

Oytyukxootaknë yë mtsojkën mja'awën, Wintsën. Yë naaxwiinyëtë ja'ay jëtu'un jam myintë ma mijtsën tä këtsey u'unkën ma tyaak kyäknpa'tkën.

Salmos 45:2

Tu'uk mijts mye'etyëjk'aty janty'oy janty tsujpë ma ja nimaypyë ja ye'etyëjktëjkëtyën. Ko myajtukxoontä'äky ets ko myajtsoky myajjawë, jam yajmëtoy ma m'aaw m'ayukën. Paaty yë Dios kyënu'kxën të mmo'oyë xëmëkyëjxm.

Salmos 50:2

Dios yë'ë jam të'kxp jajp ma Sión kajpnën, ma ja kajpnën janty'oy janty tsujpë.

Salmos 86:15

E mijts Wintsën, jä'ä mTios'aty yujy tëtä'äky, ets pa'ëyoop, mä'kxtujkp mëët yë tsojkën ja'awën ets tëyajtën.

Salmos 86:5

Jä'ä ko mijts Wintsën, oy mTios'aty ets mpokymyä'kxp; janty'oy ja mjot mwinma'any xyajnikëxë'ëky ma ja'ayëtyën mëti'ipë mëkajpxëpën.

Salmos 90:17

Wä'än yë y'oyjyot y'oywyinma'any yë nWintsën'ajtëm Dios tyajpaaty ma ëëtsajtëmën. Wintsën, mijtsës xymyo'otëp yë ntuunkëtyës mëti'ipës ntuunk'atëpën. Mijts yaj'it xëmë ja tuunk mëti'ipës ntukjuuky'atëpën.

Éxodo 15:11

Wintsën; nimëti'ipë tios mijts mkamëpaatëtëty. Nimëti'ipë tios winë tëyajtën tkatuny, tä mijts winë tëyajtën xytyunyën. Mijts mëj këjää winë xytyuny ets atsë'ëk ajawë. Mijts mpatëp myajmëjjaw myajjaantyjyawëty.

Cantares 5:10

Yë ye'etyëjk, mëti'ipës ntsojkpyën umy yë'ë, tä yë tsajpmoktë'ëtsën, pojën yaj'ixkäpy ma yë myëtsajpmokën.

Cantares 7:9

ets mpa'kxwiin, jëtu'un jyawëty tä yë uukyën, tä yë tsatym nyëëjën tëëpë nyimaanaxyën mëti'ipë tyuktëjkëtya'ajëpën yë aaw tëts.

Isaías 33:17

Nëjkxëp jatëkok ja yajkutujkpë ja myëj'ajtën xy'ijxë; ja naax tsëpa'an jëkämpaat nëjkx nyäxy.

Isaías 63:15

Ix Wintsën, ma myajpaatyën jam tsajpjotm, jam ma kënu'kxy mëjjawë m'ityën. ¿Maa ënät tyam ja mtsojkën mja'awën ets ja mjot mmëjaaw? ¿Maa ënät tyam ja mjot mja'awën? ¿Ëkë wä'än të kyixyë ja mpa'ëyo'ow mnajts'ëyo'owënë?

Isaías 63:7

Ëjts yë'ëjës nimëtya'akäämpy yë nätsyok näjyawë mëti'ipë yë Wintsën jyä'ä'ajtypyën, yë'ëjës nkuuy'ëwäämpy nkuuyya'axäämpy ko oy winë tuny ma ëëtsajtëmën, ko jyot wyinma'any oy tyaj'ixyë ma Israel ja'ayëtyën, ko winë oy të tnajtstun të tnajtskajpxë mëët yë tsyojkën jya'awën mëjwiinpë këjääpë.

Jeremias 31:12

Minantëp yaa ma Sión kajpnën ets y'ëwa'antë akujk jotkujk, yë'ë tyukxoonta'akantëp ko ënety ja Wintsën të myo'ojëtë ja tsajpmok, ja tsatym nyëë tëëpë nyimaanaxyën, ja olivë on, ja kupixyny ets tsajpkaa. Jëtu'un nyaxa'antë tä tu'uk kam tu'ujën mëti'ipë xëmë yajnëëkuwoopën, këtiipë myëjaawkëxtëty.

Jeremias 31:14

Ëjts nyajkutukäämpy ets ja teetytyëjkëty jotkujk kyäytyëty y'uuktëty ets ja nnaax nkajpnës tukxoonta'aktëty mëti'ipës nmooytyëpën. Ëjts Wintsën, ëjts ënaanp.

Joel 2:26

Nëjkxëp jatëkok mkaytyë m'uuktë ku'uxyë ets nëjkx xymyëjjaw xykyënu'kxyjyawëtë yë Wintsën, miits yë mTiosëty. Nijëna'a yë nnaax nkajpnës nëjkx kya'ëktsëtyuunë,

Joel 3:18

Jä'ä xëëw yë tsatsymnyëë ets tsi'tsknëë pyëyë'ëka'antë tä mëjnëëjën jam tunkëjxm kopkëjxm ets ma Judá y'itjotmën; komnëë jam pëyë'ëkaanp wokjotm. Jam maas yë ntsajptëjkën jam yë nëë myuuta'any mëti'ipë Sitim itjot yajxookäämpyën.

Juan 1:14

Mëti'ipë yajtijpën Aaw Ayuk, yë'ë awinpijt naaxwiinyëtë ja'ay ets ojts jyuuky'äty ma ëëtsajtëmën. Tëë n'ijxëm ja myëj'ajt y'oyajtën ets ja myëj'ajt jyääntyajtën mëti'ipë ja Dios Teety tu'kpajk Y'u'unk'ajtypyën, mëët mëj'äämpy ja tsojkën ja'awën ets ja tëyajtën.

Juan 3:16

Yë'ë ko Dios ni'ik ja naaxwiinyëtë ja'ay tsoky, paaty tkejxy ja y'U'unk tu'kpajkpë. Pën myëpëjkpy ka'ap y'ookëty, yë'ë myëët'atëp ja juukyajtën xëmëkyëjxmëpë.

Romanos 5:20

Ko ja ënä'ämën ojts kyëjääjë ënät ojts ja poky näjyëtu'un kyëjääjë; je'eyëp ko ja poky ojts kyëjääjë, wäänëni'ik ja Dios ojts ja y'oyjyot y'oywyinma'any kyëjääjë.

Romanos 5:8

E yë Dios yajnikëxë'kpy ko tsoky tjawë ja ja'ay. Ma ënety ëëtsajtëm pokyjyä'äy nyajpatëmën, Kristë të xykyu'o'këmë.