Zacarías 9:16 - Biblia Dc en Mixe de Quetzaltepec

¹⁶ Jä'ä xëëw jëtu'un nëjkx yë Wintsën tyajtso'oky yë nyaax kyajpn tä yë ja'ay tyajtso'okyën yë kyupixyny mëti'ipë kupixyny këwent'ajtpën ets nëjkx jëtu'un tä tsaajën oypyë y'atë'kx y'ajajtë ma kyë'ëm naax kyë'ëmkajpnëtyën.

Biblia Mixe de Quetzaltepec

¹⁶ Jä'ä xëëw jëtu'un nëjkx yë Wintsën tyajtso'oky yë nyaax kyajpn tä yë ja'ay tyajtso'okyën yë kyupixyny mëti'ipë kupixyny këwent'ajtpën ets nëjkx jëtu'un tä tsaajën oypyë y'atë'kx y'ajajtë ma kyë'ëm naax kyë'ëmkajpnëtyën.

Zacarías 9:16 ပူးပေါင်းရင်းမြစ်များ

Isaías 62:3

Mijts mëj'äämpy m'ita'any ma Dios kyë'ëjën, jëtu'un tä tu'uk kujänën mëti'ipë yajkutujkpë yajtuumpyën,

Lucas 12:32

Këtii mtsë'ëkëtë, oy miits mja'itë ijxtëm niwäänëpë ja kupixynyën, ja Dios mëët ja y'oyjyot y'oywyinma'any tëë tuknipëjktaakë ko mo'oja'anëtë ja kyutujktakn.

Hageo 2:23

Jä'ä xëëw, mijts Zorobabel, mëti'ipës ntuunpë'ajtypyën nëjkx nkuwa'any ets jëtu'un nëjkx ntimy myëët'aty tääjës nmëët'atyën yë nkë'ëjiitsës mëti'ipës winë noky ntuktsääpyën, jä'ä koos mijts kë'ëm të nwin'ixy. Ëjts Wintsën, mëti'ipë maaytyääyëpën winë, ëjts ënaanp.

Juan 10:27

Yë nkupixynyës xyo'kmëtoowtëpës yë'ëjëty, etsës xypaye'eytyë.

Ezequiel 34:31

Miits nkupixyny'ajtëp, mëti'ipë jam tënaaytyëpën maas yë nmëëykyamën. Ëjts xyTyios'ajtëp. Ëjts Wintsën, ëjts ënaanp.

Jeremias 31:11

Yë Wintsën tëë tyajtso'oky yë Jacob yë nyaax kyajpn, tëë tyajpëtsëmy jam ma ja mëkpë ja naax kajpnën.

Isaías 60:14

Ja ja'ay ja y'u'unk y'ëna'këty mëti'ipë ëxëëk të mtunyën, nëjkxëp mniminyë ets mwintsë'ëkëja'anyë; tëkokyë mëti'ipë ka'ap të mëj ixyën nëjkxëp mniminyë ets mwinkoxtänëja'anyë, ets nëjkx mtijyë ja Wintsën ja kyajpn, ja Sión mëti'ipë ja Wintsën jyä'ä'ajtypyën, ja wa'ats Dios mëti'ipë jam yajpatpën ma Israel ja'ayëtyën.

Isaías 60:3

Nëjkxëp ja wiinkëtypë ja naax kajpn tnimintë ja mtë'kxën mjajën, ja yajkutujkpëtëjk nyiminantëp ja mxëënyajtën.

Salmos 100:3

Ja'amyätstë ko Wintsën yë'ë Tios'ajtp; yë'ë të xyajkojëm, e paaty yë'ë xyjyä'äniwa'anëmë. Yë'ë xykyajpn'ajtëm ets yë'ë xy'ijx'ijt xykyëwent'ajtëm tä ja'ay kyupixyny tkëwent'atyën.

Zacarías 8:23

Jä'ä xëëw, majk nëjkx yë jaaypyo'kxyjyä'äy tmatsy wyitkëjxy yë jutië ja'ay ets t'ënëëmëja'antë: Jamës nëjkxa'antë ma miitsëtyën, jä'ä ko tëëjës nnijawëtë ko tam yë Dios yajpaaty ma miitsëtyën.

Isaías 40:10

Mëët yë mëk'ajtën ja Wintsën myiny, yë'ë winë të tmëmëtakta'ay mëët ja myëk'ajtën ets mëët ja kyë'ë. Ja nyaax kyajpn jä'ä yajmiimpy mëti'ipë të tyaj'ëwaatsëpëtsëmyën, mëti'ipë jeky të y'ityën wojpë'ëky käjpë'ëky.

Sofonías 3:20

Jä'ä xëëw miitsëty nyajmiina'antë ets nyajmuka'antë; ëjts nëjkx nyaj'oyës yë mjuukyajtënëty ets mëj'äämpy nyajnaxa'antë; nëjkxëp myaj'oyjyawëtë oymyaakajpnëty naaxwiinyëtë apëtsëmy.

Miqueas 7:14

Wintsën, këwent'at ja mnaax mkajpn, ja mkupixyny mëti'ipë mjä'ä'ajtypyën, ma aakyë'ë yajpaatën yuukjotm; jë'kxynyaaxjotm jam Basán ets Galaad. Jëtu'un yajnëjkx jam jë'kxyotm tä ijty tëëyëpën.

Jeremias 23:3

Ëjts kë'ëm jatëkok nyajminäämpy yë n'u'unk n'ëna'kës mëti'ipës jëtu'un nmëët'ajtypyën tä kupixynyën ets jatëkok nyajmujkta'aja'anyës ma ja naax kajpnën ma ojts tsyoontën, jam nëjkx kyäytyë y'uuktë akujk jotkujk ets ja y'u'unk y'ëna'k tyajyääk tyajpatëty.

Miqueas 5:4

Mëkta'akaanp jatëkok yë yajkutujkpë ets tu'uwinwowa'any yë nyaax kyajpn mëët yë mëk'ajtën ets myëj'ajtën yë Wintsën mëti'ipë Tyios'ajtypyën ets yë'ëjëty jotkujk jyuuky'atëty ka'ap tiitsip tpaatëty, jä'ä ko yë Wintsën mëj'äämpy ënety nyäxy oymyaanaax myaakajpnëty.

Jeremias 31:10

Naax kajpnëty, mëtoow'itë yë Wintsën yë y'aaw y'ayuk ets näjyëtu'un xynyikajpx xynyimëtya'aktëty ma wiinkëtypë kajpnën mëti'ipë jëkäm yajpatëpën: Yë Wintsën yë'ë ojts t'awojpwä'kxy yë Israel kajpn, je'eyëp ko nän yë'ë jatëkok yajtu'ukmukäämpy ets tkëwent'ata'any jëtu'un tä tu'uk yë kupixyny këwent'ajtpë tkëwent'atyën yë jyëyujk.

Zacarías 10:6

Jëtu'un yë Wintsën y'ënä'äny: Ëjts nmëjaaw mo'ojäämpy yë Judá ja'ayëty ets nyajtso'oka'antës yë José y'u'unk y'okëty. Nwoownëjkxäämpyës jatëkok ma nyaax kyajpnëtyën, jä'ä ko npa'ëyoowtëpës yë'ëjëty. Jëtu'unës jatëkok nyaj'ita'antë tä jeexyë ka'ap nijëna'a të ntukjoot'anpëktënës, jä'ä ko ëjts Wintsën mëti'ipë Tios'ajtpën, nmëtoow'ijtypyës wi'ixës pën xymyëkäjpxyën.

Éxodo 28:9

Jam xypyëjkta'akëty mäjtsk yë tsaa oypyë, jamts xykyëxjaaytya'ajëty tëkokyë ja xyëëwëty yë Israel ja y'u'unk y'ëna'k.

Éxodo 28:21

Jä'ä ja tsaa xypyëjkta'aktëty majkmäjtsk, jä'ä ko yë Jacob yë y'u'unk y'ëna'k nyimajk mäjtsk'atë. Ma tu'ukjatypë ja tsaajën jam yajkëxtsa'ajëty ja ja'ayxyëëw, jëtu'un tä tii yajkëxtsa'ayën.

Isaías 54:12

ma tsaajën mëti'ipë yajtijpën rubí jamës yë mëjpotsy npojtsë'ëka'any mëti'ipë pya'tänëpën ja mtëjk, ets mtëjk'akaj yë'ëjës ntukpa'tänëjäämpy yë berilë tsaa, ets mnapotsy yë'ëjës ntuk'oytyunäämpy yë oyëtypë tsaa.

Ezequiel 34:11

Ëjts Wintsën, jëtu'unës n'ëna'any: Ëjts yam kë'ëm nkëwent'atäämpy yë nkupixynyës.

Ezequiel 34:12

Jëtu'un tä tu'uk yë kupixyny këwent'ajtpën mëti'ipë myëmääpy myëtäjpyën yë kyupixyny ko tyëkoy'ity; jëtu'unës nmëmayä'äny nmëtaja'any yë nkupixynyës; etsës jam nyajpëtsëma'antë ma ojts nyajtskääkëtën ko kyoots'ajty ets ko jyää'ajty ja ëyo'on jotmay.