Zacarías 9:13 - Biblia Dc en Mixe de Quetzaltepec

¹³ Tëës yë nti'pxn nwo'onë'ëky, yë'ëjës yë Judá kajpn ntijpy, ets tëëjës ntuknikäpy yë nyiku'umën, yë'ëjës yë Efraín ntijpy. E mijts Sión, jëtu'un mpëjkta'aka'any tä tu'uk yë tëypyujxnën ets ntuknipëka'anyës yë m'u'unk ëna'k ets tnipëtë'ëktëty yë Grecië ja'ayëty.

Biblia Mixe de Quetzaltepec

¹³ Tëës yë nti'pxn nwo'onë'ëky, yë'ëjës yë Judá kajpn ntijpy, ets tëëjës ntuknikäpy yë nyiku'umën, yë'ëjës yë Efraín ntijpy. E mijts Sión, jëtu'un mpëjkta'aka'any tä tu'uk yë tëypyujxnën ets ntuknipëka'anyës yë m'u'unk ëna'k ets tnipëtë'ëktëty yë Grecië ja'ayëty.

Zacarías 9:13 ပူးပေါင်းရင်းမြစ်များ

Apocalipsis 17:14

Tääts mëët tsyiptuna'antë mëti'ipë yajtijpën Kupixyny U'unk; nëjkxëp myëmëta'akëtë ja mëti'ipë yajtijpën Kupixyn U'unk, jä'ä ko wintsëntëjk Wintsën ja y'ity, ets yajkutujkpëtëjk Yajkutujkpë; mëët nëjkx y'ity mëti'ipë ja Dios të wyinwitsëtën ets mëti'ipë wintëy wiinkujk mëët ja Dios y'itën.

Isaías 49:2

Ets tyaj'awinpijty yë nyä'änës tä tëypyujxnën jëjpëpë, ojts xyu'utyës jap kyë'ëjootjoty, ojts xyaj'awinpityës tä ti'pxnën ets jap xyëkät pa'tkë'p xypyëjktäkyës.

Zacarías 1:21

Etsës nyajtëëy ja tsajpjotmëtë kukäjpxy: Tyaapë ja'ayëty mëti'ipë pujxn atsaaymyujktëpën ¿tii të tnimintë? Etsës xy'ëtsooy: yë'ë të tmëmintë ets tpëjkëja'antë yë kyutujkën yë naax kajpn, mëti'ipë ëxëëk yë Judá ja'ayëty të tuntën, jëtu'un tä yë pujxn atsaaymyujkpë tjë'tuktën yë tsajpkaawaj.

Salmos 45:3

Nätyukwëënët yë mtëypyujxn mijts jotmëkja'ay, jä'ä ko yë'ë mëët oy mkëxë'ëky.

Apocalipsis 19:21

Ja wiinkpë, ojts y'o'kta'atë mëët ja tëypyujxn mëti'ipë jap y'aawjoty pëtsëëmpën mëti'ipë tyuk'u'unyääpyën ja poop kwaay ets ni'ëmukë tsyu'tstaayëtë ku'uxyë ja jëyujk mëti'ipë kääkëtijtëpën.

Apocalipsis 19:15

Y'aawjoty jëtu'un jap pyëtsimy të tu'uk ja tëypyujxn mëti'ipë jëjpën, ets yë'ë mëët tyajtsëtyuta'any ja naaxwiinyëtë ja'ay. Ënet ja Dios jää y'ënä'äma'any mëët ja kuttujkën. Ets yë'ë kë'ëm wyintäänäämpy ja tsatsymtsya'am ets tsatym nyëë tyajpëtsëma'any ma ja Dios mëti'ipë maaytyääyëpën winë ja tsyip y'äkë.

Apocalipsis 2:12

Nnijayë ja tsajpjotmëtë kukäjpxy jampë yajpaatyën Pérgamo: Jëtu'un y'ënä'äny mëti'ipë myëët'ajtypyën ja jëjpxu'unypë tëypyujxn mäjtsk atu'umpë mye'eyëtyën:

Apocalipsis 1:16

Wëxtujk ja matsa'a tmajts'ity ma y'a'oykyë'ëjën. Y'aawjoty jap yaj'ixy pyëtsimy ijxtëm tu'uk ja tëypyujxnën mëti'ipë mäjtsk atu'um mye'eyëtyën ets ja wyiin jyëjp jëtu'un yaj'ixy ijxtëm ja xëëw mëk y'änyën.

Hebreos 4:12

Ja Dios ja y'aaw y'ayuk myëët'ajtyp ja juukyajtën ets ja mëk'ajtën. Ni'ik jyëjpëty këtiinëm ja tëypyujxn tëëpë mäjtskpa'a yajme'eyën; tyukku'umëtyääpy ja jot winma'any këkpaat; ets tpaye'eytyä'äy pën tii pën myëmääpy myëtäjpy.

2 Timoteo 4:7

Tëës nmëmëtä'äky ja tsip, tëëjës nja'ty maajës ënety nja'ta'anyën, ka'apës të n'ëxmatsy ja mëpëjkën.

Efesios 6:17

Jëtu'un miits mëët'atë ja nitsokën ijxtëm ja tsiptuunpë tmëëtëtyën ja pyujxnkujup; ets ja Dios ja y'aaw y'ayuk ijxtëm ja tsiptuunpë tyajtunyën ja tyiypyujxn, mëti'ipë ja Kënu'kxymyëkajtën mmooyëtëpën.

Abdías 1:21

Ko ënety të myëta'aktë tääts nëjkx jam pyätë ma Sión kopkën ets jam tni'ënä'ämëtëty mëti'ipë tsënaaytyëpën ma Esaú y'itjotmën, kopkjotypë ets Wintsën yë'ë nëjkx yajkutuky.

Amós 2:11

E ka'ap tjëkyepy pën y'ëna'anëty ko ka'ap tyiyëty ko ojts jam njuutyës ma miitsëtyën yë ja'ay mëti'ipë ojts mpëjktä'äkyënës käjpxynyajxpë ets nazareo ja'ay. Yë Wintsën jëtu'un ënaanp.

Lamentaciones 4:2

Yë Sión ja'ayëty, mëti'ipë ijty yajtsojktëpën, mëti'ipë ijty tsoopatëpën këtiinëm yë pu'ts pujxn, tyam jëtu'un yajjawëtë naaxtu'tsën.

Jeremias 51:20

Jëtu'un tä kuwojpënën, jëtu'un tä pujxn mëti'ipë yajmëtsiptuunpën, jëtu'un mijts Babilonyë nwa'any. Mëët mijtskyëjxm të nyajkutëkoyës yë naax kajpn ets të nyaj'atëkoyës yë ënä'ämtakn kutujktakn.

Salmos 149:6

Mmëjpëjkta'aktë yë Dios mëët ja aaw ayuk, kajpë'ëktë yë mtëypyujxnëty mëti'ipë jëjpën mäjtskpa'a

Salmos 144:1

Mëjjaw kënu'kxyjyawë yë Dios yë xyëëw y'ity mëti'ipës xykyuwaanpën. Yë'ëjës xytyukjajtp wi'ixës ntsiptunëtyën.