Zacarías 9:12 - Biblia Dc en Mixe de Quetzaltepec

¹² Miitsëty jënu'un tsumy matsy myajpaatën, mëti'ipë ka'ap të xyjyä'äytyëkoytyën ja jotkujk'ajtën, winpitë jatëkok jam ma ja kajpnën mëti'ipë ta'tspëky ets këwent'atyën yajpatpën. Jëtu'un miits n'ënëëmëtë ko mäjtsk'oknipety nmo'oja'antë yë kënu'kxën ko të m'ëyowtë.

Biblia Mixe de Quetzaltepec

¹² Miitsëty jënu'un tsumy matsy myajpaatën, mëti'ipë ka'ap të xyjyä'äytyëkoytyën ja jotkujk'ajtën, winpitë jatëkok jam ma ja kajpnën mëti'ipë ta'tspëky ets këwent'atyën yajpatpën. Jëtu'un miits n'ënëëmëtë ko mäjtsk'oknipety nmo'oja'antë yë kënu'kxën ko të m'ëyowtë.

Zacarías 9:12 ပူးပေါင်းရင်းမြစ်များ

Job 42:10

Ko ja Job tkënu'kxtaay ja myëku'uktëjk mëti'ipë mëët oy nyämyäyën, ojts ja Dios myooywyimpijta'ayë ja jyotkujk'ajtën, ni'ik ojts myo'oyë, tëkëëkjëtu'un tä ja mëti'ipë ënety të nmëët'atyën ko pya'tkë'p'ajty.

Isaías 61:7

E mëët ko miitsëty ni'ik të m'ëyowtë, näjyëtu'un nëjkx ni'ik myajmo'otë ja näypyutëkë ets näpya'ëyowë, jëtu'unts akujk jotkujk xëmëkyëjxm mjuuky'ata'antë.

Hebreos 6:18

Ya'atë mäjtskpëkpyë mëti'ipë ka'ap tyëkatsyën ets ka'ap tjëkyepyën yë Dios wyin'ëënëty, paaty të n'ëxajëm ja jotkujk'ajtën, ko të n'ixta'ayëm ja Dios myajts'ijtën ets të ntukjotkujk'ajtëm ja ëwxijt mä'kxtujkën mëti'ipë të xymyo'oyëmën.

Jeremias 51:10

Tëë ja Wintsën xynyipaye'eyëmë. Mintë, tsojk nikajpx nimëtyakëmë yaa Sión mëti'ipë yë Wintsën, tëyajtën të tunyën.

Jeremias 31:17

Miimp ja xëëw jëmëjt ma jatëkok mjotkujkta'akëtyën: yë m'u'unk m'ëna'k winpitantëp jatëkok ma nyaax kyajpnëtyën. Ëjts Wintsën, ëjts ënaanp.

Nahúm 1:7

Yë Wintsën oy yë jot winma'any tmëëtëty; mpatmëp yë tsoktakn ma yë'ëjën ko mon tuk nyajpatmëty: Nyikëëpy nyixäjpy mëti'ipë tuk'ijxpäjtëpën.

Oseas 2:15

Etsës jatëkok nmo'oja'any yë tsatsym kam, etsës yë Acor yë nyitëjkëtyakn nyaj'awinpitanë akujk'ajt jotkujk'ajtën. Jamës xy'ëtsowa'any tääjës xy'ëtsooyën ko y'ëna'k'ajty, tääjës xy'ëtsooyën ko jap pyëtsiimy Egiptë.

Isaías 40:2

Mëët ja yu'unk aaw yu'unkjot ënëëmëtë ko tëë kyixy nyäxy ma mëtuunpë ëyoopë të y'itën, ko tëë tkumëtoowta'ay ja nyëë pyoky, ko tëë tmënaxy tyajnaxy ja ëyo'on jotmay mëti'ipë ja Wintsën mmooyëtën.

Joel 3:16

Amuupëm jam yë Wintsën yajmëtowa'any Sión ets nojkpëm jam Jerusalén yajmëtowa'any, yu'kxaanp yë naaxwiinyëtë. E yë Wintsën yë'ë kyuwa'anäämpy yë nyaax kyajpn, jëtu'un yajpaata'any tä tu'uk yë tsaapotsyën mëti'ipë kajpn kyuwäänpyën ma Israel ja'ayëtyën.

Ezequiel 37:11

Ënet ja Wintsën xy'ënëmaayës: Yë Israel ja'ayëty jëtu'un tä ya'atë maypyajkën. Jëtu'un y'ëna'antë: Yë npajk'ajtëm tëë tyëtstaaynyë; ëëtsajtëm ka'ap nitii n'ëk jëjp'ijxënë, tëë ntëko'oyënë.

Miqueas 4:8

E mijts Jerusalén, mëjpotsy ets mëti'ipë ta'tspëky yajpatpën jam Sión, mijts nëjkx jatëkok m'awinpity kajpn kopk ma ja kuttujkën y'ityën, jëtu'un tä tu'uk yë taakën nëjkx jatëkok m'ity tä ijty tëëyëpën.

Isaías 52:2

Jerusalén kajpn, pëtë'ëk, näwyinxitët ets mnaaxwäätsëty ma ja kutujktaknën. Sión kajpn, ma mijts myajpaatyën tä tu'uk to'oxy ëna'kën tsumpyë matsypë, näyo'käjtu'utët, ëxmajtsnë yë mkepy mëti'ipë mtëytyuunëpën.

Jeremias 31:6

Jä'ä ko pyatäämpy ja xëëw jëmëjt jëna'a ja këwent'ajtpë y'ëna'ana'antën jam ma Efraín yë it naaxwiinyëtë tnitänën: Mintë ets jam nja'amëty Sión, ja'am n'ëwtajtëm ja Wintsën mëti'ipë Tios'ajtpën.

Isaías 38:18

Mëti'ipë jap yajpatëpën jutjoty, ka'ap t'ëkjëkyäjpnëtë wi'ix mwin'ëw mwinya'axëtëty, mëti'ipë të y'ooktën, ka'ap t'ëkjëkyäjpnëtë mëjjaw mkënu'kxy jawëtëty; mëti'ipë jap jutjoty tëë kyënajxnëtën, ka'ap niwi'ixtsow t'ëkjëkyäjpnëtë wi'ix oy mmëtunëtëty.

Isaías 49:9

ets yaj'ënëëmëty ja tsumjyä'äytyëjk: Pëtsëmtë jap pujxn tëkoty ets mëti'ipë akootstuuy yajpatëpën: Wä'än jëntyuuy tyajpaatë. Ets jam të'ëts'itjotm yajpaataanp ja aay ujts oy tyimmaajëty mëti'ipë ja jëyujk tsajpkaa jyë'kxtëpën.

Jeremias 50:28

Ja'ay mëti'ipë jam Babilonyë të kyä'äktën tëë yaa myintë Sión ets të tnimëtya'aktë wi'ix yë Wintsën Tëyajtën ëxëëk të tunyën yë Babilonyë kajpn, mëët ko ëxëëk tuuny yë tsajptëjk yaapë yajpaatyën.

Hebreos 6:19

Ya'atë ëwxijt mä'kxtujkën yë'ë mëk yaj'ijtyp ja njoot'ajt nwinma'any'ajtëm, jëtu'un ijxtëm ja pujxnën nëëjotypë two'on'ityën ja kepy nëëwinye'epyë. Yë'ë ja ëwxijt mä'kxtujkën mëti'ipë të tuknaxyën ja wit'atëëytyuk japë tsajptëkoty yajpaatyën mëti'ipë tsajpjotm ijtpën,

Isaías 24:22

wa'ats tpëjkmujkta'aja'any ets jutjoty t'apëkëja'any. Jap tsum matsy tyaj'ita'any, ok tmo'oja'any tëytyu'unën.

Jeremias 14:8

Mëti'ipë ja Israel ja'ayëty tyuk'ijxpäjtëpën, mëti'ipë ëëtsëty xyajnitsoktëpën ko jyää'aty ja ëyo'on jotmay, ¿wi'ix ko jaaypyaat jaaypyo'kxyën mnäypyëjktä'äkyë naaxjoty kajpnjoty, jëtu'un tä tu'uk yë ja'ayën mëti'ipë tu'u'am'ajtpën, tu'ktsuuyëpë muum myä'äyën?

Jeremias 16:19

Wintsën mëti'ipës nmëk'ajtyp nmëjaaw'ajtypyën ets mëti'ipës xykyuwaanp xynyixajpën, maas tsoktakn npaatyën koos ëtsë'ëkëtuuy ntänë; mijts nëjkx mniminyë ja naax kajpn mëti'ipë yajpatëpën mapaat yë naaxwiinyëtë jyëjpkëxyën, jëtu'un myaj'ënëëmëja'any: Yi'iyë ëëts të xytyukkumaytyë ja n'ap n'okëty ja tios ka'apë myëtëyëtyën, mëti'ipë ka'ap tyunyën ets mëti'ipë ka'ap tmëët'atyën ja mëk'ajtën.

Jeremias 17:13

Wintsën, mijts yë Israel ja'ayëty m'a'ijx mjëjp'ijxëp. Mëti'ipë m'ëxmajtsëpën, tsëtyu'unmëët wyë'ëma'any. Mëti'ipë mmëjëkämkäkëpën, jëtu'un nëjkx jyäty tä ja'ayxyëëw naaxwayjoty yajkëxja'ayën, poj'am pyojtëkoy, mëët ko ënety mijts të myaj'ëxmatsy ma jëtu'un m'ityën tä nëëkopkën.