Zacarías 8:4 - Biblia Dc en Mixe de Quetzaltepec

⁴ Nëjkxëp ja mëjja'aytyëjk ye'etyëjkpë to'oxytyëjkpë jatëkok pyo'kxtë pyëktë jam kajpnjotm ma Jerusalén kajpnën, nitu'ukatsy aaktam ja tyajkëty jä'ä ko tëë myëj ja'ayënëtë.

Biblia Mixe de Quetzaltepec

⁴ Nëjkxëp ja mëjja'aytyëjk ye'etyëjkpë to'oxytyëjkpë jatëkok pyo'kxtë pyëktë jam kajpnjotm ma Jerusalén kajpnën, nitu'ukatsy aaktam ja tyajkëty jä'ä ko tëë myëj ja'ayënëtë.

Zacarías 8:4 ပူးပေါင်းရင်းမြစ်များ

Job 5:26

Oy mëk nëjkx mmëjja'ayë, jëtu'un tä tsajpmok majën.

Éxodo 21:19

mëti'ipë ënety ja myëku'uk të tyajtsëtyutyën, ka'ap nëjkx ënätyë tyimyajtijkojy tuuntëkooypyë pën pëtë'kp ja tsëtyutja'ay jatëkok ets ye'eyëty jyëtitëty jatëkok oy tyajkmëëtëty, je'eyëp ko kopkpëky ko tjuuyëty yë tsyooy ets tmëjuyëty jënu'un ënety ja xyëëw jyëmëjt të tyajtëkoyën.

Jeremias 31:13

Akujk jotkujk nëjkx ja to'oxy'ëna'k y'ätstë, näjyëtu'un ja yä'äy'ëna'këty ets ja mëjja'aytyëjkëty. Ëjts nyajjotkujkëjantëp: xikën ëwë'kën nyaj'awinpita'anyës yë jyi'iyënëty yaxënëty, mëj këjää nëjkx nyajjotkujkta'aktës, këtiinëm ko të y'ëyowtë.

Jeremias 31:24

Yë Judá ja'ayëty ets mëti'ipë ja kajpn jam yajpatëpën, yë naaxtuunpë ja'ayëty ets kupixyny këwent'ajtpëty, jam nëjkx tsyëënëtë ets jam nëjkx yë nyaax kyajpn tyajnaaxkëta'aktë.

Zacarías 2:4

ets të y'ënë'ëmxëty: Nëjkx pëyi'ikyë ënëëmë tääpë ja'ay mëti'ipë jam myënëjkxypyën yë tejpxy mëti'ipë winë yajtukijpxpën: Yë Jerusalén kajpn wintukaanp jatëkok mëët yë mayjyä'äy ets may jëyujk may tsyajpkaa, ka'ap nëjkx tjëkyepy wi'ix yajnapotsëtyën ja kajpn.

Hebreos 12:22

E miitsëty tëë xymyëwinkontë ja Sión kopk, ma ja Jerusalén tsajpjotmëpën, ja Dios Juukpyë myëjkajpn, ma kanaak mil ja tsajpjotmëtë kukäjpxy nyämyukyën jotkujk ets ja Dios tyajmëjnaxtë.

1 Samuel 2:31

Tim miimp jajëmëjt jëna'ajës nyaj'atëkoyä'änyën mijts ja mkutujkën ets ja m'ap m'okëty ja kyutujkënëty, yë m'u'unk mto'oxytyëjk nitu'uk nëjkx kyamëja'ayëtë.

1 Samuel 2:32

Nëjkxëp xyjya'ëxëëk'ixy koos ënety oy nyajjuuky'ajnëtë ja Israel ja'ayëty, mijts yë mjëëky mmëku'uk ka'ap nëjkx nijëna'a jeky jyuuky'atë.