Zacarías 8:20 - Biblia Dc en Mixe de Quetzaltepec

²⁰ Jëtu'un yë Wintsën y'ënä'äny mëti'ipë maaytyääyëpën winë: Jaakminaanp yë ja'ayëty mëti'ipë wiink naax wiink kajpn tsoonantëpën.

Biblia Mixe de Quetzaltepec

²⁰ Jëtu'un yë Wintsën y'ënä'äny mëti'ipë maaytyääyëpën winë: Jaakminaanp yë ja'ayëty mëti'ipë wiink naax wiink kajpn tsoonantëpën.

Zacarías 8:20 ပူးပေါင်းရင်းမြစ်များ

Zacarías 2:11

Ko ënety jëtu'un tyunyë jyätyë, may yë naax kajpn tnimina'any yë Wintsën. Ets Wintsën nëjkx y'ënä'äny: Tyaapë kajpnëty nän ëjts yë nkajpn. Ënätës nëjkx ntsëënë ma miitsëtyën. Jëtu'un nëjkx xywyinjawëtë ko yë Wintsën mëti'ipë maaytyääyëpën winë yë'ëjës të xykyexy.

Jeremias 16:19

Wintsën mëti'ipës nmëk'ajtyp nmëjaaw'ajtypyën ets mëti'ipës xykyuwaanp xynyixajpën, maas tsoktakn npaatyën koos ëtsë'ëkëtuuy ntänë; mijts nëjkx mniminyë ja naax kajpn mëti'ipë yajpatëpën mapaat yë naaxwiinyëtë jyëjpkëxyën, jëtu'un myaj'ënëëmëja'any: Yi'iyë ëëts të xytyukkumaytyë ja n'ap n'okëty ja tios ka'apë myëtëyëtyën, mëti'ipë ka'ap tyunyën ets mëti'ipë ka'ap tmëët'atyën ja mëk'ajtën.

Apocalipsis 11:15

Ko ja mëwëxtujkpë ja tsajpjotmëtë kukäjpxy tukxuxy ja pujxnxuxn, ënät kanaakpëky ja mëto'owën mëk yajmëtooy jam tsajpjotm ets y'ënä'äny: Tëë ja Wintsën ets ja Kristë tyajtso'onta'aktë ja kyutujkën naaxwiiny ets yajkutuka'antë xëmëkyëjxm.

Mateo 8:11

Tyam miits n'ënëëmëtë ko may ja ja'ay nëjkx myintë xëëwpëtsëmy ets xëëwkëtä'äky ets nyaaxwäätstëty kääpyë ukpë mëët ja Abraham, Isaac ets ja Jacob ma ja tsajpjotmëpë kutujktaknën.

Malaquías 1:11

Oymyaanaax myaakajpnëty aakyë'ë oypyë xymyooytyëpës yë wintsë'kën ets aak'oy tyaktë yë pyoomëty mëti'ipës xytyukwintooytyëpën.

Amós 9:12

ets Israel ja'ayëty tjä'ä'atëty jatëkok mëti'ipë jam Edom të jyaakwë'ëmyën ets ma wiinkëtypë naax kajpnën mëti'ipë yë Israel ja'ay ijty nyitënaaytyëpën. Jëtu'un yë Dios të kyäjpxy ets pyatunäämpy ja y'aaw y'ayuk.

Oseas 2:23

Nyajnaaxkëta'akäämpyës yë naax nkajpn ma tu'uk yë naaxjotmën etsës ëjts nkajpn niwa'ana'any; mpa'ëyowäämpyës yë Jo-ruhamá ets n'ënëëmëja'anyës yë Lo-ruhamá: Mijts nkajpn'ajtyp, etsës yë'ë xy'ëtsowa'any: Mijts nTios'ajtyp.

Oseas 1:10

Pyatäämpy ja xëëw po'o ma Israel ja'ay nyimay'ata'antën jinën, ni pën kyamayëtëty tkijpxëty ets tmëtsyowëty. Ets ka'apës nëjkx n'ëk'ënëmaaynyëtë: Miitsëty ka'ap nkajpn'atë, jä'ä nëjkx yë Dios y'ënë'ëmxëtë: Miitsëty yë'ë Dios juukpyë m'u'unk'ajtëtëp.

Isaías 49:6

Jëtu'un yë Wintsën y'ënä'äny: Ëjts ka'apës yi'iyë ntukjotkujk'aty ko xyajtu'ukmukëty yë Jacob yë jyä'äy ets xyajwinpijta'ajëty tëkokyë mëti'ipë të kyäktso'oktën; ëjts yë'ëjës ntsojkpy ets mijts m'itëty ma naax kajpnën tä kutë'kxn kujajnën, ets xymyënëjkxëty ma ja naax kajpnën ja nitsokën ets yaj'ëwaatsëpëtsë'ëmën.

Isaías 11:10

Jä'ä xëëw yë Jesé mëti'ipë jëtu'un tä kepyjyi'tskën, ijxpäjtën nëjkx wyi'imy ma wiinkëtypë naax kajpnën; nëjkxëp nyiminyë wiinkëtypë naax kajpn, ja it naaxwiinyëtë ma tääpë kajpn yajpaatyën, mëj'äämpy nëjkx y'ity.

Salmos 89:9

Mijts pojën yë nëëmejy xyajyu'kxmony ko ëxëëk yë nëë'o'pyky y'ëti'itsy, jëtu'unyë xyajkëëy'awë oy jënu'un jyä'tsmin jyä'tsxëpëty,

Salmos 72:17

Wä'än yë yajkutujkpë yë xyëëw xëmëkyëjxm t'ity; wä'än jëtu'un tjeky yë myëj'ajtën ets xyoontakën tä xëëwën. Wä'än kanaak yë naax kajpn t'itë kënu'kxy mëët yë'ëkyëjxm. Wä'än tëkokyë yë naax kajpn yajnimëtya'aktë akujk jotkujk.

Salmos 22:27

Tu'kë'ëyë ja'ay ets ja naax kajpn, ja'ay wiinktsowpë tsyoontën, naaxwiinyëtë apëtsëmy: ja'amyätstë Wintsën ets nnimintë. Yë'ë wiinkoxtänëtë.

1 Reyes 8:43

Mëtoow'ijtëp ja y'aaw y'ayukëty jam tsajpjotm ma myajpaatyën ets mo'ojëp mëti'ipë ënety m'amëtoow mpëjktsoowëpën. Jëtu'un tu'kë'ëyë ja naax kajpn tnijawëtëty ja mxëëw ko myëkëty ets mwinkutsë'ëkëtëty jëtu'un tä Israel naax kajpn mwinkutsë'ëkëtën ets nëjkx tnijawëtë ko yaa ja mxëëw yajmëjjawë, ma ya'atë tsajptëjkën, mëti'ipë yam të yajkojyën.

1 Reyes 8:41

Nëjkxëp jëna'a xëëw jëmëjt tpaaty ma wiink naax wiinkajpn tnijawëtëtyën ja mxëëw ets wi'ix ja mëj'ajtën xymyëëtëtyën.

Hechos 15:18

Ja Wintsën, mëti'ipë winë të tyaj'ixyën tëëyëp, yë'ë të y'ënä'äny.

Hechos 15:14

Tëë ja Simón nimëtyä'äky wi'ix ja Dios të tyaj'ixyën ja oyajtën ma ja ja'ayëtyën mëti'ipë ka'ap jyutiis'atën, ko näjyëtu'un ja Dios të wyin'ixëtë ko kyajpn'ata'anëtë.

Salmos 102:22

ko ënety tëkokyë ja ja'ayëty naaxwiinyëtë apëtsëmy nyämyujkta'ajëtë ets t'ëwtata'antë yë Dios.

Isaías 45:14

Jëtu'un ja Wintsën t'ënëmaay ja Israel ja'ay: Ja naaxtuunpë ja'ayëty japë Egiptë yajpaatën, ja ajuupyëtëjk ets ato'kpëtëjk mëti'ipë tso'ontëpën Etiopíë, ja yenyjyä'äytyëjk mëti'ipë Sabá itjotm yajpatëpën, jam nëjkx nyäkyuwa'anëtë ma mijtsën ets nëjkxëp jam myëtuntë; tsumy matsy nëjkx xymyënëjkx mëët pujxntejpxy, nëjkxëp mwinkoxtänëty ets nëjkxëp mënu'kxtä'äkyë: Tëyajtën yë'ë ko yë Wintsën tam yajpaaty ma miitsëtyën. Ka'ap maa wiinkpë ijxtëm yë'ëjën ets ka'ap maa wiinkpë tios.

Miqueas 4:3

Yë Wintsën yë'ë pyaye'eyäämpy wi'ix yë naax kajpn yajpaatën ets yë'ë tyaj'oyëja'any ja jëën tsip mëti'ipë naax kajpn myëët'ajtëpën, oy yë'ëjëty mëti'ipë muum jëkäm yajpatëpën. Yë kyu'umënëty jä'ä nëjkx tyaj'awinpitë naaxjä'pn ets tyi'pxnëty jä'ä nëjkx tyaj'awinpitë ujts tsujkn. Nitu'uk yë naax kajpn nëjkx kya'ëktsiptuunë ets nän ka'ap nëjkx pën t'ëk nijajtënë wi'ix tsyiptunëtyën.