Zacarías 8:17 - Biblia Dc en Mixe de Quetzaltepec

¹⁷ këtii ëxëëk mnäytyun mnäy'ënë'ëmxëtëty nixim niyam ets këtii nëkoo Dios je'eyë ëëwpäjn kajpxpäjn xywya'antëty. Jä'ä ko ëxëëkës yë jëtu'unpë n'ixy. Ëjts Wintsën, ëjts ënaanp.

Biblia Mixe de Quetzaltepec

¹⁷ këtii ëxëëk mnäytyun mnäy'ënë'ëmxëtëty nixim niyam ets këtii nëkoo Tios je'eyë ëëwpäjn kajpxpäjn xywya'antëty. Jä'ä ko ëxëëkës yë jëtu'unpë n'ixy. Ëjts Wintsën, ëjts ënaanp.

Zacarías 8:17 ပူးပေါင်းရင်းမြစ်များ

Malaquías 3:5

Yë Wintsën mëti'ipë maaytyääyëpën winë jëtu'un y'ënä'äny: Minaanpës ets miitsëty nipaye'eya'antë. Näyjyëtu'un kë'ëm n'ixa'any nmëtowa'anyës wi'ix ënety yajtuntën ja mëti'ipë najtsja'awëtëpën, mëti'ipë ka'ap twintsë'ëkën ja nyiye'etyëjk ëkë ja tyo'oxytyëjk; mëti'ipë nanëkoo ëëwpäjn kajpxpäjn wyäämpyën yë Dios yë xyëëw; mëti'ipë ka'ap tsow tmëjuyën yë tyuunpë, je'eyë mëk tyajtuny; mëti'ipë o'ktëy tyuunpyën ja ku'ookytyo'oxy ets ja ku'ooky u'unk; mëti'ipë yaj'ëyoopyën ja jaaypyaat jaaypyo'kxy ets mëti'ipë ka'ap wyinkutsë'ëkën.

Habacuc 1:13

Mijts wa'ats ni'ik myajpaaty ka'ap tjëkyepy xy'oyjyawëty yë ëxëëkpë ets ka'ap tjëkyepy xy'oy ixëty yë ma'atpë; ¿wi'ix ko amonyë m'ity ko yë ja'ay yajja'ay'ooktë ets ka'ap tii ayuk xykyäjpxy ko ëxëëkja'aytyëjk tyajtëkoy ja mëti'ipë jëtu'un katim ja'ay'ajtpën tä yë'ëjën?

Jeremias 44:4

Kanaak ok njakejxyës yë nkäjpxynyajxpës ma miitsëtyën ets jeexyë m'ënë'ëmxëtë ko këtii xytyuntëty mëti'ipës n'ëxëëk'ijxypyën.

Jeremias 4:14

Miitsëty Jerusalén ja'ayëty, yaj'oyëtë mjot mwinma'anyëty ets mnäyajtso'okëtëty. ¿Tii jekyëtën yi'iyë xymyëmaya'an xymyëtaja'antë ëxëëkpë jot winma'any?

Proverbios 3:29

Këtii ëxëëkjaty yë mjëëky mmëku'uk xynyimay xynyitajëty mëti'ipë m'oyjya'aw mtsujja'awëyëpën.

Salmos 10:3

Yë ëxëëk ja'ay oy tnimëtyä'äky kë'ëm mëti'ipë tsyojkpyën; ja'ay mëti'ipë atsojkpën pyojkpy ets y'ixtijpy yë Dios.

Mateo 15:19

Jä'ä ko jootjoty tsyoony ja ëxëëk winma'any, ënät ja ja'ay yaja'ay ooktë, tyajma'atë ja pëjkën ukën, nyämyëëttsëënëtë nixim niyam, myäätstë, y'anta'aktë ets nixim niyam nyäwyinkajpx nyäjyëjpkajpxëtë.

Mateo 12:35

Ja oyjyä'äy, oy ja kyäjpxy myëtyä'äky, jä'äkyëjxm ko oy ja jyot wyinma'any; e ja ëxëëk ja'ay, ëxëëk ja kyäjpxy myëtyä'äky, jä'äkyëjxm ko ëxëëk ja jyot wyinma'any.

Mateo 5:28

E ëjts jëtu'un miits nëëmëtë, pën ja to'oxytyëjk y'ixk'ajtyp, tëë ënety tyajtëkoy ja wintsë'kën ma ja pëjkën ukën jyootjoty wyinma'anyjoty.

Zacarías 7:10

Këtii o'ktëy xytyunëty yë ku'ookytyo'oxy, yë ku'ooky u'unk, yë jaaypyaat jaaypyo'kxy ets ëyoopëja'ay. Këtii yë'ë xymyëmay xymyëtajtëty wi'ix o'ktëy mnätyunëtëty nixim niyam.

Jeremias 4:2

jäänëm tëy, jyëkyäpëp xykyajpxpaatëty yë nxëëwës ko ënety tii xynyikäjpxy mëët yë tëyajtën, mëët ja oypyë ja paye'eyën ets oypyë tu'unën kajpxën. Nëjkxëp ja ja'ay tukxoonta'aktë ja nxëëwës ma ja naax kajpnën.

Proverbios 8:13

Ko Dios yë'ë yajmëjpëjktä'äky, yë ëxëëkpë yaj'ëxëëk'ijxp. Ëjts ëxëëkës n'ixy yë nämyëjjawë näjyääntyjyawë, ets ëxëëkës n'ixy näjyëtu'un yë ëxëëk në'ë ëxëëk tu'u ets ja win'ë'ënën antakën.

Proverbios 6:14

Ja jyot wyinma'any ëxëëk yajpaaty, aakjä'ä myääpy tyäjpy wi'ix winë ëxëëk tunëtyën ets wi'ix pën tyajjoot'anpëkëtyën.

Zacarías 8:18

Ënet ja Wintsën mëti'ipë maaytyääyëpën winë ojts xymyëkäjpxyës, etsës xy'ënëmaay:

Salmos 101:3

Nijëna'ajës yë ëxëëkpë tëkatsypë nkatuk'ijxpäta'any maas winë ntuna'anyën. N'ëxëëk'ijxypyës yë ja'ay mëti'ipë ka'ap yë Dios oy tmëtunyën; Ka'apës nkupëka'any etsës xymyëwinkontëty.