Zacarías 8:16 - Biblia Dc en Mixe de Quetzaltepec

¹⁶ Ya'atë mëpaat xëmë xytyuntë: Mëtëy winë xynyikajpx xynyimëtya'aktëty ma miitsëtyën nixim niyam, mëtëy tii xynyipaye'eytyëty ets yë'ë xëmë mmaytyëp mtajtëp yë oyajtën jotkujk'ajtën miitsëty yajkutujkpëtëjkëty;

Biblia Mixe de Quetzaltepec

¹⁶ Ya'atë mëpaat xëmë xytyuntë: Mëtëy winë xynyikajpx xynyimëtya'aktëty ma miitsëtyën nixim niyam, mëtëy tii xynyipaye'eytyëty ets yë'ë xëmë mmaytyëp mtajtëp yë oyajtën jotkujk'ajtën miitsëty yajkutujkpëtëjkëty;

Zacarías 8:16 ပူးပေါင်းရင်းမြစ်များ

Efesios 4:25

Paaty tyam, këtii m'ëk'antaknëtëty, ko mmëku'uk xymyëmëtya'aktëty mëtëy tii xytyuk'ëwaanëtëty, jä'ä ko tu'ukyë n'ijtëm ijxtëm tu'ukpë ja ni'kx kopkën.

Zacarías 7:9

Ya'atës yam ni'ënä'ämëp: Ko miitsëty mëtëy winë xynyipaye'eytyëty ets oy mja'ay'atëty, mëët'atëp yë pa'ëyo'owën najts'ëyo'owën nixim niyam.

Salmos 15:2

Yë'ë mëti'ipë oy yajxon juukyajtpën, mëti'ipë ka'ap pyokymyëëtëtyën; mëti'ipë aakjä'ä tyuunpyën oypyë, ets mëti'ipë tëyajtën winë nyimëtyäkpyën;

Zacarías 8:19

Ko ja ayuu'ajtën y'itëty ma ja mëmajktaxk po'opën, mëmëkoxk po'opën, mëwëxtujk po'opën ets ja mëmajkpo'opë, jä'ä nëjkx y'awinpity tu'uk xoontakën, tu'uk yë xëëw ma y'itëtyën ja jotkujk'ajtën ets xyi'iktëty y'ëwë'ëktëty ja Judá ja'ayëty. Miitsëty yë'ë mtsoktëp mjawëtëp yë mëtëypyë ets jotkujk'ajtën.

Isaías 9:7

Ets jam nyaaxwäätsa'any ma ja David ja kyutujktaknën; këjääjëjaanp ja y'ënä'ämën kyutujkën, ja jotkujk'ajtën ka'ap nëjkx nijëna'a kyixy nyäxy; ja kyutujkën ta'tspëky nëjkx yajpaaty, nëjkxëp tuny ja oypyë nipaye'eyën ets ja tëypyë jaantypë winë xëëw winë kyëjxm. Mëët ko yë Wintsën tmëët'aty yë tsojkën ja'awën, mëti'ipë maaytyääyëpën winë, paaty nëjkx jëtu'un tyunyë jyätyë.

Proverbios 12:19

Pën mëtyakpën tëyajtën xëmë y'ita'any; e mëti'ipë je'eyë antakpën, wäänë jyuuky'ata'any.

Proverbios 12:17

Ja'ay mëti'ipë tii mëtëy të t'ixyën, mëtëy tii tnimëtyä'äky, e mëti'ipë ka'ap tii të t'ixyën je'eyë nëkoo y'antä'äky.

Apocalipsis 21:8

E mëti'ipë ja mëpëjkën y'ëxmajtsypyën, mëti'ipë ka'ap kyäjpxyjä'äykyukën, ja ka'oyjyä'äyëty, yaja'ay'o'kpëtëjkëty, ka'apë nyiye'etyëjk nyito'oxytyëjk twinkutsë'ëkën, xëëwmääpyëtëjkëty, mëti'ipë awinax y'ëwtajtëpën, ets tëkokyë win'ë'ëmpëtëjkëty, jap nëjkx nyëjkxtë ma ja mejy tyoyën mëët ja azufre, ja mëmäjtskpë ja o'kën.

1 Tesalonicenses 4:6

Ka'ap pën ja myëku'uk ja tyo'oxytyëjk twin'ë'ënëty, jä'ä ko Dios tu'kë'ëyë tukumëtoowta'aja'any mëk'äämpy mëti'ipë jëtu'un ëtëtstëpën; ijxtëm të ntuk'ëwaanëtën janaam jatsojk.

Efesios 4:17

Ya'atës nnikäjpxyp ets yë'ë yam ntukkë'ëtëjkëtyëp ma ja Wintsën Jesukristë ja xyëëwën: Ko ka'ap jëtu'un m'ëkjuuky'ajnëtëty ijxtëm ja ja'ayëtyën mëti'ipë ka'ap ja Dios tnijawëtën, mëti'ipë jëtu'un juuky'ajtëpën ijxtëm ja kyë'ëm jot kyë'ëm winma'anyëtyën,

Mateo 5:9

Jotkujk yë ja'ay yajpaatë mëti'ipë tsyojktëp ets jyää'atëty ja jotkujk'ajtën, jä'ä ko yë'ë Dios u'unkniwa'ananëtëp.

Miqueas 6:12

Yë kumeenyjyä'äyëty mëti'ipë yajpatëpën ma ya'atë kajpnën aak tsyuu'ijxtëp yë myëku'uk ets je'eyë tyajmëtuntë ja'ay ka'ap tmëjuytyë; aak antaktëp ets aak win'ë'ëntëp ja'ayëty mëti'ipë yajpatëpën ma naax kajpnën.

Miqueas 6:8

Tëë yë Wintsën m'ënë'ëmxëty mijts naaxwiinyëtë ja'ay, mëti'ipë oyën ets tii y'ëwxijtypyën jeexyë xytyuny: oy winë xypyaye'eyëty, mëtëy mja'ay'atëty ets mwinkutsë'ëkëp, yu'unk naxym ja Dios xymyëtunëty.

Amós 5:24

Yë'ëjës ntsojkpy ets winë mëtëy yajnipaye'eyëty tä nëë pyëyi'ikyën tu'uwitsy ets ja oypyë ja tu'unën kajpxën xëmë y'itëty tä nëë myuutyën.

Amós 5:15

M'ëxëëk ixtëp yë nëë poky, mtsoktëp yë oypyë. Yajxon xytyim ix xytyimtuntëty ets jyää'atëty ja mëtëypyë ja nipaye'eyën; wä'änxyëp yë Wintsën, Dios mëti'ipë maaytyääyëpën winë tpa'ëyowëty mëti'ipë juuky të jyaakwë'ëmtën ma Israel kajpnën.

Jeremias 22:3

Tuntë ja tëyajtën ets ja nipaye'eyën tëypyë jaantypë ma ya'atë it naaxwiinyëtën, yaj'ëwaatsëpëtsëmtë ja'ay ma wyintsënën mëti'ipë je'eyë mëk mëtuunpën ets ka'ap tsow yajmëjuy, këtii xytyiytyuntëty yë jaaypyaat jaaypyo'kxy ets ku'ooky u'unk, ku'ookytyo'oxy. Këtii xyaj'ooktëty ma ya'atë it naaxwiinyëtën yë ja'ay mëti'ipë ka'ap tii poky tmëëtëtyën.

Ezequiel 18:8

Ko yë meeny pën tuk'ënu'kxy ka'ap yë'ëkyëjxmëty ko tyaj'u'unk'ata'any; ka'ap pën t'ëxëëktuny; mëtëy tnipaye'ey ja nëë poky ko pën nimäjtsk tsyippaaty;

Ezequiel 45:9

Ëjts Wintsën, jëtu'unës n'ëna'any: Miitsëty yajkutujkpëtëjk, jëtu'un myaj'ënëëmëtë ko Wä'än najääyë tkexy tnaxy yë tsip käjpxy. Këtii nëkoo o'ktëy xytyimtuntë ëyoopëja'aytyëjk. Tuntë ja mëti'ipë mëtëyën ets nipaye'eytyë winë tëy tëtä'äky. Këtii yë nyaax kyam xy'ëkpëjkënëtë yë nnaax nkajpnës. Ëjts Wintsën, ëjts jëtu'un ni'ënä'ämëp.

Sofonías 3:13

Ja Israel ja'ayëty mëti'ipë ënety juuky të wyë'ëmtën ka'ap nëjkx ja tëyajtën t'ëkninajxnëtë, ka'ap nëjkx y'ëkwin'ë'ënëtë ets ka'ap nëjkx y'ëk'ëxëëk kajpxnëtë. Jotkujk kyäya'an y'uuka'antë ets pyo'kxa'an pyëka'antë, ka'ap nitii tsë'ëkëja'antë.

Zacarías 8:3

Wimpitaanpës jam Jerusalén, etsës jam ntsëënëja'any. Ënet nëjkx yë Jerusalén kajpn yajtijy kajpn mëti'ipë wyintsë'këpën ja Dios, e ja kopk mëti'ipë jyä'ä'ajtypyën ja Wintsën mëti'ipë maaytyääyëpën winë, jä'ä nëjkx txëëwaty wa'ats kopk.

Salmos 34:15

Yë Wintsën Kyëwent'ajtyp yë ja'ay mëti'ipë oyjya'awëyëpën ets y'amëtoow'ijtyp ko mëktä'äky myëkäjpxyë