Zacarías 7:7 - Biblia Dc en Mixe de Quetzaltepec

⁷ ¿Këtii näjyëtu'un yë Dios ojts yë y'aaw y'ayuk t'ëk kajpxpë mëët yë kyäjpxynyajxpëtëjkëty tëëyëpë jyuuky'atën, ma ënety ja Jerusalén kajpn jotkujk yajpaatyën ets ma ënety ja wiinkëtypë ja naax kajpn jotkujk yajpaatën ets Négueb y'itjot ets tu'kë'ëyë tampë joyjotmën?

Biblia Mixe de Quetzaltepec

⁷ ¿Këtii näjyëtu'un yë Tios ojts yë y'aaw y'ayuk t'ëk kajpxpë mëët yë kyäjpxynyajxpëtëjkëty tëëyëpë jyuuky'atën, ma ënäty ja Jerusalén kajpn jotkujk yajpaatyën ets ma ënäty ja wiinkëtypë ja naax kajpn jotkujk yajpaatën ets Négueb y'itjot ets tu'kë'ëyë tampë joyjotmën?

Zacarías 7:7 ပူးပေါင်းရင်းမြစ်များ

Isaías 55:3

Nimiintëkës ets ja'akyukëtë n'aaw n'ayukës, mëtoow'ijtëkës ets mjuuky'atëty. Ëjts ntunäämpyës tu'uk käjpxytyu'unën xëmëkyëjxmëpë y'itëtyën, ets nyaj'atëwa'anyës ja waantakën mëti'ipës ja David ojts ntukwinwanën.

Jeremias 13:19

Yë Négueb kajpn tëë ja myëtsip yajnatujkta'ayë; ka'ap ni pën jam nyäxy. Yë Judá ja'ayëty wa'ats të yajmënëjkxta'atë tsumy matsy wiink kë'ëy wiink kajpn, ni'ëmukë të yajmënëjkxta'atë.

Jeremias 17:26

Minantëp yë ja'ayëty mëti'ipë tso'ontëpën ma Judá y'itjotmën, ma Jerusalén kajpnën, mëti'ipë yajpatëpën ma Benjamín y'itjotmën ets ma ja kopkjotmën mëti'ipë Négueb nyitënääpyën; myëminantëp yë tsyajppaxëty kyupixynyëty ma tsajptëjkën ets tukwintsë'ëkëja'antë ja Wintsën nino'oky nixämy, myëminantëp yë pyoomëty ets y'ääypyajk y'ujts pajkëty ets Wintsën tukmëyoxa'antë ma tyajnaxtën ja kukajpxën.

Jeremias 22:21

Ojts mijts njamëkäjpxy ma ënety akujk jotkujk myajpaatyën, ka'ap ojts xykyupëky ja n'aaw n'ayukës. Jëtu'unyëm mja'ay'äty ko m'ëna'k'aty: Ka'apës xykyäjpxymyëtoy.

Jeremias 32:44

Nëjkxëp yajjuy yajkëpety yë naax kam ets nëjkx yajxon yë nyinoky yaj'oytyuny tsa'ay pëky mëët ja mëti'ipë ijxp nija'apën. Ya'atë jam jëtu'un tyuna'any jyata'anyë ma Benjamín y'itjotmën, ma Jerusalén pya'a nyuxën ets Judá nyaax kyajpnën, jëtu'un mëti'ipë tunjoty kopkjotyën ets jëtu'un mëti'ipë joyjyotyën; näjyëtu'un mëti'ipë jam Négueb yajpatpën, jä'ä ko ëjts nyajkutukäämpyës ets nëjkx tëkatsy jyuuky'ajnëtë. Ëjts Wintsën, ëjts ënaanp.

Jeremias 33:13

Ma ja kajpnëtyën mëti'ipë ets joyjyotm yajpatëpën, ma Négueb ets Benjamín y'itjotmën, jampaat ma Jerusalén ets Judá nyaaxjotmën, yonaanp jam jatëkok yë mëëy ets aay ujts mëti'ipë jyë'kxtëpën yë kupixyny, nëjkxëp jatëkok yë ja'ayëty jam tmëtyowtë yë kyupixynyëty mëti'ipë kyëwent'ajtëpën. Ëjts Wintsën, ëjts ënaanp.

Jeremias 44:4

Kanaak ok njakejxyës yë nkäjpxynyajxpës ma miitsëtyën ets jeexyë m'ënë'ëmxëtë ko këtii xytyuntëty mëti'ipës n'ëxëëk'ijxypyën.

Jeremias 7:23

Mëti'ipës tëy ojts ntuk'ënä'ämtën, yë'ë etsës xymyëmëtowtëty; jëtu'unës ëjts nTyios'atëty ma yë'ëjëtyën ets yë'ë kyajpn'atëty maas ëjtsën. Ets n'ënëmaaytyës oy winë tuntëty tkajpxtëty jëtu'un tääjës të ntuk'ënä'ämtën, tääts oy winë wyimpëtsë'ëm jyëjpëtsë'ëmxëtëty.

Jeremias 7:5

Pën miitsëty myaj'o'oyëtëp yë mjuukyajtënëty ets mjot mwinma'anyëty ets mëtëy winë xytyuntë xykyajpxtë ma mjëëky mmëku'ukëtyën,

Zacarías 7:12

Juun ja y'aaw jyot tpëjktaktë tä juuntsaajën ets ka'ap tmëtoowkujkëtyë wi'ix ja ijxpëjkën jya'ëna'anyën ets wi'ix ja tyiyajtën jyaminyën, mëti'ipë ojts tjakajpxnaxtën ja käjpxynyajxpëtëjkëty mëët ja myëjaaw myëk'ajtën ja Wintsën mëti'ipë maaytyääyëpën winë. Paatykyëjxm ja Wintsën mëk jyoot'anpëjky,

Zacarías 7:6

miitsëty yë'ëkyëjxm jëtu'unpë xytyuntë jä'ä ko mku'uxëtë mjotkëta'akëtë.

Zacarías 7:8

Ënet ja Wintsën ojts ja Zacarías käjpxynyajxpë tmëkäjpxy ets t'ënëmaay:

Deuteronomio 34:3

nyajxë'ëky jam ma ja Négueb y'itjotën ets ma ja Jordán mëj joyjyotën, mëti'ipë ja Jericó nyitënääpyën, mëti'ipë ijty yajtijpën Tëëxykyepy kyajpn ets jyä'ty jam Zoar.