Zacarías 7:11 - Biblia Dc en Mixe de Quetzaltepec

¹¹ E yë naax kajpn kyäjpxyjyä'äykyujkëy, uum nat nyäpyëjktakë ets wiinktsow nyajts'ijxëtyë.

Biblia Mixe de Quetzaltepec

¹¹ E yë naax kajpn kyäjpxyjyä'äykyujkëy, uum nat nyäpyëjktakë ets wiinktsow nyajts'ijxëtyë.

Zacarías 7:11 ပူးပေါင်းရင်းမြစ်များ

Nehemías 9:29

Mjanajts'ë'ëw mjanaskajpxëp ijty ets tpatuntëty ja m'ënä'äm mtëyajtën; e yë'ëjëty ijtëpën ja nyäyajnaxëtë paaty ja ka'ap timmyëmay timyëtajtë mijts ja m'ënä'ämën; këtii ijty mëj timjyawëtë ja m'aaw m'ayuk mëti'ipë juukyajtën yäjkpyën ma ja'ayëty mëti'ipë pyatuumpyën ja m'ënä'ämën; je'eyë xëmë kyäjpxykyumëtoownajxtë ets juun ja jyot wyinma'any tpëjktaktë.

Oseas 4:16

Yë Israel je'eyë kyäjpxykyutëjy tä tu'uk tsajpkaa inën; ¿ets ënät nkëwent'ajtpëtyësë ma jyi'kxyjyotëtyën tä jeexyë kyupixyny'atënë?

Jeremias 8:5

E mijts Israel kajpn ¿tiijës ko të xykyë'ëyäky? ¿Tii ko yë Jerusalén ja'ayëty je'eyë xëmë xytyuktsëtyuntës? ¿Wi'ix ko je'eyë mkäjpxykyumëtoownaxy ets niwi'ixtsow mkawinpita'any?

Hechos 7:57

Ja ja'ayëty ka'ap tmëtowantë, je'eyë ja tyatsk t'amajtstuktë ets mëk yujk'ënantë ets ja Esteban tmatstëty.

Zacarías 1:4

Këtii jëtu'un m'ëtë'ëtstë tä ja m'ap m'okëtyën, mëti'ipë ojts ja nkäjpxynyajxpës jya'ënë'ëmxëtën ets t'ëxmatstëty ja y'ëxëëktu'un y'ëxëëk kajpxënëty ets ja y'ëxëëk winma'anyëty, yë'ëjëty ka'ap kyäjpxymyëtoowtë ets ka'ap kyäjpxyjyä'äykyujkëtyë. Ëjts Wintsën, ëjts ënaanp.

Ezequiel 3:7

E yë Israel kajpn ka'ap ënät mja'akyukëja'anëtëty, jä'ä ko ka'apës ëjts xymyëj'ixtë. Tu'kë'ëyë yë Israel kajpn ka'ap kyäjpxyjyä'äkyukëtë ets kujuun oyëty.

Jeremias 35:15

Kanaak ok të njatuknikäxtë yë nkäjpxynyajxpës ets të mja'ënë'ëmxëtë: Ixmatstë m'ëxëëktu'un m'ëxëëk kajpxënëty. Këtii wiink tios xypyanëjkxtëkëtë ets këtii yë'ë wyintsë'kën xymyo'otë. Jëtu'un jeky mjuuky'atëty ma ja it naaxwiinyëtën mëti'ipës nmooytyën ja m'ap m'okëty. E miitsëty ka'ap të xyjyä'äkyukëtë ja n'aaw n'ayukës ets ka'apës të xymyëmëtowtë.

Hebreos 12:25

Näkyëwent'atëtë, mëmëtowtë ja Dios. Mëti'ipë ja Dios kyamëmëtoowtën ko ojts jyamëkajpxëtë yaa naaxwiiny, kyëpäjtë jä'ä. Näyjyëtu'un nëjkx njajtëm pën npäjxëm mëti'ipë xymyëkajpxëmën tsajpjotm.

Hechos 7:51

Tääts ja Esteban tjaaknëmaay ja ja'ayëty: Miits ka'ap mmëtowtë. Jëtu'un miits ja mtatsk xypyëjkta'aktë ijxtëm mëti'ipë kyamëpëjktëpën ja Dios. Jëtu'un miitsëty ijxtëm ja m'aptëjkëtyën, xëmë ka'ap xykyupëktë ja Kënu'kxymyëkajtën.

Sofonías 3:2

Ka'ap tmëtoy wi'ix ja Wintsën jya'ëna'anyën ets ka'ap të tkupëky ets yaj'awijtsë'ëkëty; ka'ap yë Wintsën të tuk'ijxpety ets ka'ap të t'ëwtaty.

Daniel 9:5

tëëjës njanty pyokytyuntë ets tëëjës ntuuntëkoytyë; ëxëëk winë të ntuntës; koos njuuky'atë ka'ap pën të mja'amyetsyë; tëë nja'atyëkoytyës ja m'ënä'ämën mtëyajtën ets ja m'aaw m'ayuk.

Jeremias 44:16

Ëëtsëty ka'apës nmëjpëjkta'aka'antë tääpë aaw ayuk mëti'ipë Wintsën të mmo'oyën.

Jeremias 36:31

e mijts mëët yë mwintsëntëjk ntukumëtowantëp wi'ix të m'ëtë'ëtstën. Nyajminäämpyës yë ëyo'on jotmay ma miitsëtyën tëkokyë mëti'ipës të nikäjpxyën ma Jerusalén ja'ayëtyën ets ma Judá ja'ayëtyën, mëët ko ka'ap të mkäjpxyjyä'äkyukëtë.

Jeremias 17:23

E yë'ëjëty ka'ap ojts tmëjpëjkta'aktë n'aaw n'ayukës ets ka'apës xymyëmëtoowtë, je'eyë ojts kyujuunta'aktë, ka'ap jëtu'un tunantë ets nän ka'ap tkupëjktë ets yajtuk'ënëëmëtëty ja nyëë pyokyëty.

Jeremias 13:10

Ya'atë naax kajpn mëk nyäpyëjkta'akëtë, ka'ap tmëmëtowtë yë n'ënä'ämënës, jëtu'un ijxtëm yë'ëjëty tuknipëjktaakëtën jëtu'un winë tuntë. Wiink tios të tpanëjkxtëkëtë të tmëtuntë ets të t'ëwtatë. Jëtu'un yë'ëjëty tä tääpë wëënën.

Jeremias 11:10

Näy jä'ä poky të tuntë mëti'ipë ja y'aptëjk tyuuntën, ka'ap ojts xymyëmëtowtës, yi'iyë pyanëjkxtëjkëtyë ja wiink tios ets yë'ë y'ëwtajtë. Yë Israel ja'ayëty ets Judá ja'ayëty tëë tkumëtoownaxtë ja käjpxytyu'unën mëti'ipë mëët ja y'aptëjk ntuunyënës.

Jeremias 7:24

E yë'ëjëty ka'ap xymyëmëtoowtës ets ni xykyamëjpëjktaktës, ni'ikyë ojts winë tuntë tkajpxtë ijxtëm ja jyot wyinma'anyëtyën. Ijxtëm jeexyë ëjts xynyimiintën, ni'ikyës ojts xymyëjëkämkä'äktës.

Isaías 6:10

Jëtu'unyë ja naax kajpn nëjkx xyajwinkumon xyajjotkumonë, wiinkutsum wiinkumotsëpën nëjkx yajpaatë ets ka'ap nëjkx jyä'äkyukë, oy tii tja'ix tjamëtowtëty, ka'ap nëjkx t'ijxkuk tja'akyukëtë.

Nehemías 9:26

Je'eyëp ko yë'ëjëty ojts mkäjpxykyutëjyë ets ni'ikyë ojts je'eyë mkäjpxykyumëtoownajxënë ets ka'ap n'ëktuunëtë këwentë ja m'ënä'ämën mtëyajtën. Ja mtuunpë ets ja mja'ay mëti'ipë ja m'aaw m'ayuk jyanikäjpxypën je'eyë tyaj'o'k tyajtëkooytyë jä'ä ko ënety tyukwinmëtowëtë ja nyëë pyokyëty, tääts jëtu'un'äämpy myajjoot'anpëjkë mëjwiin këjää.

Nehemías 9:17

Ka'ap tpatunantë ja m'ënä'ämën mtëyajtën ets ka'ap tja'amyäjtstë wi'ix ojts mëjwiin këjää tii xyjyatunyën mëët yë'ëjëty. Kumäjpxy yajxon nyäpyëjktakëtë kë'ëm ojts tnikajpxpätë tu'uk ja'ay mëti'ipë jatëkok jap Egiptë yajnëjkxëtëpën ets y'ëyowtëty myëtuntëty. E mijts, mëët ko mTios'aty, ko mpokymye'kxy, Wintsën mëti'ipë ëma'atjot myëët'ajtypyën ets pa'ëyoopën, mä'kxtujkpë ets tsojkpë ja'apë.

2 Crónicas 33:10

Ja Wintsën ojts tjamëkäjpxy ja Manasés ets ja naax kajpn, yë'ë ka'ap jyä'äkyujkëtyë.

Éxodo 10:3

Moisés ets ja Aarón ojts jam nyëjkxtë ma ja yajkutujkpën ets t'ënëmaaytyë: Jëtu'un y'ënä'äny ja Wintsën mëti'ipë yë hebreo ja'ayëty Tyios'ajtëpën ¿jëna'a jëtää miitsëty yu'unk naxym m'ëk näpyëjkta'akëtëty maas ëjtsën? Ëxmajtskës yë nnaax nkajpn wä'änës min xy'ëwtaty.

Mateo 13:15

Jä'ä ko tëë ya'atë ja'ay jyot wyinma'any juun y'awinpitë, ëtuky yë tyatskëty, ets ëtuky yë wyiinëty, këtiipë y'ixtëty ets këtiipë myëtowtëty, këtiipë jyä'äkyukëtëty ets këtiipë xynyiwinpitëtyës, ets jëtu'un ka'ap tjëkyepy nyajtso'oktëtyës.

Isaías 46:12

Mëtoow'itë ya'atë aaw ayuk, miitsëty mëti'ipë ka'ap mëpaat pën wi'ix m'ënë'ëmxëtën, mëti'ipë ënantëpën ko tsip ja nitsokën yajpaaty:

Jeremias 5:3

Wintsën, mijts yë'ë m'ixtääpy ja'ay mëti'ipë oyjyot wyinma'anyën. Ojts xyjyatëytyuny, yë'ëjëty ka'ap ojts tjawëtë; taj xit xyjyatuuny, kä'äpyëm tjajtë. Kujuun je'eyë nyäpyëjktakëtë këtiinëm yë tsaa, ka'ap tniwinpijtë ja oypyë ja në'ë tu'u.

Jeremias 5:21

Kajpn, ja ka'apë jyä'äkyukën ets ka'apë wyinma'anyën, mëti'ipë jyamëët'ajtypyën wyiin ets ka'ap y'ixy, mëti'ipë jyamëët'ajtypyën yë tyatsk ets ka'ap myëtoy.

Jeremias 7:26

E miitsëty ka'apës xymyëmëtowtë ets ka'apës nijënu'un xytyimmëjpëjkta'aktë, ni'ikyë wiinkjaty m'ëtëtsta'aktë këtiinëm ja m'ap m'okëty.

Jeremias 17:27

E pën miitsëty ka'ap mja'akyukëtë ets ka'ap xypyatuntë ja n'ënä'ämënës ets po'kxënxëëw ka'ap xypyo'kxtë. Pën mënajxtëp ja tsëmy kë'ëy, ja juy tooky jam ma ja tëjkëtyaknën, ma ja naax kajpn yajnitëkën, ëjts njëënmo'ojäämpyës tääpë naax kajpn, nyajnitooyäämpyës yë Jerusalén yë tyëjk aaw ets ko ënety jëtu'un ntunyës, ni pën nëjkx kyamayë tyajpi'itsëty ja jëën.

Jeremias 42:21

E yë'ëjës të nnikäjpxy mëti'ipë ja Wintsën të t'ëtsoowinpityën, mëti'ipë miitsëty mTiosajtëpën, e miitsëty ka'ap xymyëmëtowa'antë.

Ezequiel 5:6

E yë'ë je'eyë ja n'ënä'ämënës tkäjpxykyumëtoownajxnë ets o'ktëy ni'ik të y'ëtëtsnë këtiinëm jyëtu'un'atë ja kajpn mëti'ipë mëët nyätyu'kmëtsëpa'an'atëtën, jä'ä ko ka'ap ja n'ënä'ämënës ntëyajtënës tmëmëtowtë ets ka'ap tpatuntë ja n'aaw n'ayukës.

Isaías 28:12

Jä'ä ko ojts tëëyëp yaj'ënëëmëtë: Tyaa ja jotkujk'ajtën, tyaa ja po'kxtakn; wä'än yaa tpo'kxtë mëti'ipë tëë y'ënu'kxëtën, E yë'ëjëty ka'ap ojts jyä'äkyukëtë.

Isaías 65:12

Miitsëty tëkatsy mkumeeny'ata'antë: Kupuxy nyaj'ooka'antë. Jä'ä ko tëë njamëkajpxtë ets ka'ap të m'ëtsowtë; ojts njamëëtmëtya'aktë e miitsëty ka'ap të mja'akyukëtë; jä'ä të xytyuntë mëti'ipës ka'ap nkumayën ets mëti'ipës n'ëxëëk'ijxypyën.

Jeremias 19:15

Yë Wintsën mëti'ipë maaytyääyëpën winë, mëti'ipë yë Israel ja'ayëty Tyios'ajtëpën, jëtu'un y'ënä'äny: Nkäxäämpyës ja tëytyu'unën mëti'ipës të nnikäjpxyën ma ya'atë naax kajpnën ets ma tëkokyë yë wiinkëtypë naax kajpnën mëti'ipë mëët nyämyëwinkon'atyën ya'atë kajpn, jä'ä ko tëë kyujuun'ooktë ets ka'apës të xymyëmëtowtë.

Ezequiel 14:5

Ëjts ntuktëkëjäämpy yë jyot wyinma'any yë Israel ja'ayëty mëti'ipës të xy'ëxmatstën ko të tpanëjkxtëkëtë ka'apë tyiosëtyën.