Zacarías 6:13 - Biblia Dc en Mixe de Quetzaltepec

¹³ Y'akojëjäämpy ja Wintsën ja Tsyajp tëjk ets nëjkx ja kuma'ayën t'ëxajë jëtu'un tä tu'uk yë yajkutujkpë yajkumayën. Ets nëjkx nyaaxweetsy ma kyutujktaknën, e jam pë'am jam nëjkx nyaaxweetsy ja teety ets oy nëjkx nyeyaj'itëtë ets ka'ap tiitsip tmëët'ata'antë.

Biblia Mixe de Quetzaltepec

¹³ Y'akojëjäämpy ja Wintsën ja Tsyajp tëjk ets nëjkx ja kuma'ayën t'ëxajë jëtu'un tä tu'uk yë yajkutujkpë yajkumayën. Ets nëjkx nyaaxweetsy ma kyutujktaknën, e jam pë'am jam nëjkx nyaaxweetsy ja teety ets oy nëjkx nyeyaj'itëtë ets ka'ap tiitsip tmëët'ata'antë.

Zacarías 6:13 ပူးပေါင်းရင်းမြစ်များ

Génesis 14:18

Näyjyëtu'un yë Melquisedec, mëti'ipë ënety yajkutujkpën jam Salem ets teety ma ja Wintsën Ni'ik Këjxmëpë, tä tyajpëtsëëmy yë tsajpkääky ets uuky,

2 Samuel 7:13

Yë'ë ja ntsajptëjkës kyojëp ets xëmës ja kyutujktakn nyaj'ita'any.

Salmos 110:1

Jëtu'un yë Wintsën t'ënëmaay yë nWintsënës: Yaatsow u'unyë maas yë n'a'oykyë'ëjën, yaa jëtu'un m'u'unyëty koonëm yë mmëtsiptëjk xymyëmëtakta'ajëty.

Salmos 110:4

Yë Wintsën tëë tu'uk yë käjpxytyu'unën tuny ets ka'ap jëtu'unyë tyajninaxa'any: Mijts xëmë mteety'ata'any jëtu'un tä y'ijtyën yë Melquisedec.

Salmos 21:4

Tëë m'amëtoyë juukyajtën, ets yenyjuukyajtën të xymyo'oy, mëti'ipë jäjkpën.

Salmos 21:5

Mëët yë'ë ko të xypyutëkë. Këjää tmëëtëty yë kuttujkën. Tëë xymyo'oy yë mëk'ajtën ets kuttujkën.

Isaías 11:10

Jä'ä xëëw yë Jesé mëti'ipë jëtu'un tä kepyjyi'tskën, ijxpäjtën nëjkx wyi'imy ma wiinkëtypë naax kajpnën; nëjkxëp nyiminyë wiinkëtypë naax kajpn, ja it naaxwiinyëtë ma tääpë kajpn yajpaatyën, mëj'äämpy nëjkx y'ity.

Isaías 22:24

Jam nëjkx ja'ay may oyajtën tpaaty ma yë'ëjën.

Isaías 54:10

Oy ja tun kopk wya'ktëkatsëty, ets jyitëty, yë ntsojkënës nja'awënës ka'ap tyëkatsa'any ets nkäjpxytyu'unënës ka'ap kyëxa'any nyaxa'any. Yë'ë jëtu'un Wintsën ënaanp mëti'ipë mpa'ëyoowëpën.

Isaías 9:5

Ja kë'ëk mëti'ipë të tukye'eytyën ja tsiptuunpëtëjkëty, mëti'ipë të yajja'ay'ooktën, jëënjoty të yajkujëpijpëtya'atë ets jap të nyitoytyë.

Isaías 9:6

Jä'ä ko tëë tyam myiny jyä'ty tu'uk ja mëxu'unk ye'etyëjkpë, tëë tyäky ja Wintsën tu'uk ja u'unk maay mëti'ipë të yajmo'oyën ja mëk'ajtën kuttujkën ets y'ënä'ämëty yajkutukëty, ets jä'ä nëjkx yajtijy: Kajpxwijpë mëti'ipë mëj këjää winë tyuunpy kyäjpxypën, mëk Dios, xëmëpë Tyeety'ätyën, mëti'ipë nyikopk'ajtypyën ja jotkujk'ajtën.

Isaías 9:7

Ets jam nyaaxwäätsa'any ma ja David ja kyutujktaknën; këjääjëjaanp ja y'ënä'ämën kyutujkën, ja jotkujk'ajtën ka'ap nëjkx nijëna'a kyixy nyäxy; ja kyutujkën ta'tspëky nëjkx yajpaaty, nëjkxëp tuny ja oypyë nipaye'eyën ets ja tëypyë jaantypë winë xëëw winë kyëjxm. Mëët ko yë Wintsën tmëët'aty yë tsojkën ja'awën, mëti'ipë maaytyääyëpën winë, paaty nëjkx jëtu'un tyunyë jyätyë.

Jeremias 23:5

Jëtu'un yë Wintsën y'ënä'äny: Ëjts nyajkutukäämpyës ets tu'uk ja'ay jyää'atëty mëti'ipë yë David y'u'unk'ajtyp y'ok'ajtypyën, mëti'ipë ënä'ämëpën yajkutukëpën mëët ja wijyajtën, mëti'ipë mëtëy winë nyipaye'eyëpyën ets tëy tyu'uye'eyëty ma naax kajpnën.

Jeremias 23:6

Ko ënety yë'ë y'ëne'emy, yë Judá ja'ayëty jotkujk nëjkx yajpaatë ets Jerusalén ja'ayëty ka'ap nëjkx tii jotmay tpaatë. Jä'ä nëjkx tijtë ja Wintsën: Yë Wintsën yë'ë xyajmëtakëm.

Jeremias 33:15

Ko ënety tpaaty ja xëëw po'o, ëjts nyajkutukäämpyës ets jam tu'uk ja'ay pyëtsëmëty ma David y'u'unk y'okën mëti'ipë nëjkx mëtëy winë tnipaye'eyën ets nëjkx oy winë tuny ma naax kajpnën.

Miqueas 5:4

Mëkta'akaanp jatëkok yë yajkutujkpë ets tu'uwinwowa'any yë nyaax kyajpn mëët yë mëk'ajtën ets myëj'ajtën yë Wintsën mëti'ipë Tyios'ajtypyën ets yë'ëjëty jotkujk jyuuky'atëty ka'ap tiitsip tpaatëty, jä'ä ko yë Wintsën mëj'äämpy ënety nyäxy oymyaanaax myaakajpnëty.

Zacarías 4:14

Ets xy'ënëmaayës: Yë'ë nyikäjpxyp, ko nimäjtsk mëti'ipë të yajkënu'kxtën ets Wintsën tmëtuntëty naaxwiinyëtë apëtsëmy.

Zacarías 4:9

Yë Zorobabel yë'ë të tyajtso'ontä'äky ya'atë tuunk ma ja tsajptëjk kyojyën ets nän yë'ë nëjkx tyajwintu'upëky. Jëtu'un xynyijawëtëty ko yë Wintsën mëti'ipë maaytyääyëpën winë yë'ëjës të xykyexy.

Zacarías 6:11

Myajkojëp tu'uk yë kujän, yë'ë myajtunëp ja pu'ts pujxn ets ja poop pujxn mëti'ipë ënety të xyajmukyën ets nëjkx xytyukkujeny ja teety Josué, yë Josadac yë myaank.

Romanos 5:1

Paaty ja Dios wa'ats të xyajwë'ëmëmë ko të nmëpëjkëmë, nmëët'ajtëm ja jotkujk'ajtën mëët ja Dios ko ja nWintsën'ajtëm Jesukristë të myiny naaxwiiny.

Colosenses 1:2

tyam ntuknikäxtë ja kajpxpo'kxën miitsëty Dios ja nyaax kyajpn, ja nmëku'uk'ajtëm mëti'ipë të tmëpëktën ja Kristë jampë Colosas yajpaatën. Wä'än ja nTeety'ajtëm Dios mmo'ojëtë ja kënu'kxën ets ja jotkujk'ajtën.

Hebreos 3:1

Paaty mëku'uktëjkëty, ninu'un ja Dios mja'ay'atëtën, tëëpë yajyaxtsowtën, pëjkta'aktë mjootjoty mwinma'anyjyotyëty ja Kristë Jesús, ja ayukkajpxwa'kxpë, ja mëj teety wintsën.

Hebreos 6:20

ma ojts tyëkën tëëyëp ja Jesús ets ja në'ë tu'u tyaj'ëwatsy, jëtu'un nyäjxy xëmëkyëjxm Teety Wintsën, ijxtëm ja teety wintsën Melquisedec y'ijtyën.

1 Pedro 3:22

mëti'ipë ojts pya'tëkën tsajpjotm ets nyaaxwe'tsy ma ja Dios Teety yajkutukyën a'oytsyow, ets yë'ë tyam y'ëne'empy ja anklëstëjk ets mëti'ipë ja mëk'ajtën ets ja kuttujkën myëët'ajtëpën.

Apocalipsis 3:21

Pën mëtakp, yë'ëjës nmo'ojäämpy ja tëyajtën ets xymyëët'u'unyëtyës maas ja nkutujktaknën, ijxtëmës ëjts të nmëtä'äkyën ets të naaxweetyës maajës ja nTeety ja kyutujktaknën.