Zacarías 6:12 - Biblia Dc en Mixe de Quetzaltepec

¹² Ets xy'ënëëmëty: Jëtu'un yë Wintsën y'ënä'äny mëti'ipë maaytyääyëpën winë: Ko ja ja'ay mëti'ipë txëëwajtpën Kepyji'tsk, jam myuxa'any ma tyiktsën ets tkoja'any ja Wintsën ja Tsyajp tëjk.

Biblia Mixe de Quetzaltepec

¹² Ets xy'ënëëmëty: Jëtu'un yë Wintsën y'ënä'äny mëti'ipë maaytyääyëpën winë: Ko ja ja'ay mëti'ipë txëëwajtpën Kepyji'tsk, jam myuxa'any ma tyiktsën ets tkoja'any ja Wintsën ja Tsyajp tëjk.

Zacarías 6:12 ပူးပေါင်းရင်းမြစ်များ

2 Samuel 7:13

Yë'ë ja ntsajptëjkës kyojëp ets xëmës ja kyutujktakn nyaj'ita'any.

Esdras 3:10

Ko ja tëjk tuunpë tyajtso'ontaktë ja potsy'ëjx ma ja Wintsën ja tsyajptëjk kyoja'anyën, ja teetytyëjkëty ojts wya'akë'kta'atë ets tyëjkëtyë yaxmujk jojkmujkpë mëët ja xyuxnëty. Ja Leví ja'ayëty mëti'ipë ja Asaf y'u'unk'ajty y'ok'ajtypyën jä'ä yaj'ënantëp ja platillos mëti'ipë tyukpa'ënantëpën ma ja Wintsën tkuuy'ëw tkuuya'axtën, mëti'ipë ënety ja David të tyajkutukyën, mëti'ipë ënety yë'ë yë Wintsën të tyuk'ëne'emyën.

Esdras 3:8

Yë Zorobabel, Salatiel yë myaank ets Josué, Josadac yë myaank, mëët ja myëku'uktëjk, teetytyëjkëty ets Leví ja'ayëty ets nitëkokyë ja ja'ayëty mëti'ipë ojts yajmënëjkxtën jam Babilonyë, mëti'ipë ënety jatëkok jam Jerusalén të wyimpitën, jä'ä ojts tkojjë'ëktë ja tsajptëjk, ma mëmäjtsk po'o y'änyën, ma tyu'uye'eyën ja mëmäjtskjëmëjtpë maju'unëm ënety të wyimpitën jatëkok jam Jerusalén, ja tuunk jä'ä tyuknipëjktë ja Leví ja'ayëty, mëti'ipë ja jyëmëjt të t'apätën i'px tu'uk.

Isaías 11:1

Jëtu'un tä tu'uk kepy jyiitsyën, jëtu'un ja Jesé tu'uk ja jyä'äy pyëtsëma'any.

Isaías 4:2

Jä'ä xëëw ma ënety ja Wintsën jatëkok tyajyoonpëkyën ja juukyajtën yë'ë nëjkx tyaj'oy'ijxëntëkë ets tpaatëty ja mëj'ajt oyajtën ja ja'ayëty mëti'ipë jam Israel jaakjuuky'ajtëpën; ja pëjktä'äky mëti'ipë ënety ijtp wintëëpën kamwinm tu'uwinm, yë'ë nëjkx akujk jotkujk tjë'kxtë tpëktë.

Isaías 53:2

Wintsën kë'ëm të t'a'ixë ets tyuunpë yääkëty pyätëty tä aay ujtsën wintë'ëtstuuypyë. Ka'ap ijty oy yaj'ixy ets ka'ap ijty nijënu'un ja wyiin jyëjp tyäky, ja jyot nyini'kx aak tëkatsy ets aak ma'at ijty;

Jeremias 23:5

Jëtu'un yë Wintsën y'ënä'äny: Ëjts nyajkutukäämpyës ets tu'uk ja'ay jyää'atëty mëti'ipë yë David y'u'unk'ajtyp y'ok'ajtypyën, mëti'ipë ënä'ämëpën yajkutukëpën mëët ja wijyajtën, mëti'ipë mëtëy winë nyipaye'eyëpyën ets tëy tyu'uye'eyëty ma naax kajpnën.

Jeremias 33:15

Ko ënety tpaaty ja xëëw po'o, ëjts nyajkutukäämpyës ets jam tu'uk ja'ay pyëtsëmëty ma David y'u'unk y'okën mëti'ipë nëjkx mëtëy winë tnipaye'eyën ets nëjkx oy winë tuny ma naax kajpnën.

Ezequiel 37:25

Jam nëjkx tsyëënëtë ma ja naax kajpnën mëti'ipës nmooyën yë ntuunpës Jacob, ma ojts näjyëtu'un tsyëënëtën yë y'ap y'okëty. Jam nëjkx tsyëënëtë xëmë ets näjyëtu'un yë y'u'unk y'ëna'këty ets y'u'unk y'okëty; yë ntuunpës David yë'ë nëjkx xëmë yajkutuky.

Ezequiel 41:1

Ënet ojts ja ye'etyëjk xywyoownëjkxyës jap tsajptëkoty ets tkijpxtaay yë xeny; jä'ä myëjwiinëty mäjtskëty mäjtsk xajpk.

Amós 9:11

Pyätyp ja xëëw jëmëjt ma ja David nkoj'oyëja'anyënës yë tyëjkxo'omy mëti'ipë ojts kyëtäyën. Nyaj'ëtujkta'ajäämpyës yë jut, nyajpëtë'kta'ajäämpyës yë potsy maajaty të jyutyën ets nkoj'o'oyëtya'aja'anyës mëti'ipëjaty të jyityën ets jëtu'un nyaj'awinpita'anyës tä ijty tëëyëpën ma ënety jyotkujk'atyën,

Miqueas 5:5

Yë'ë yajminäämpy yë jotkujk'ajtën ko ënety yë Asiria ja'ayëty tukja'të yë naax kajpn ets tnitëkëtë yë kutujkëntëjk. Wëxtujk nëjkx ntuknikäjxëmë yë kopktëjk ets tuktujk yë ja'ayëty mëj'äämpyë y'itën.

Zacarías 13:7

Yë Wintsën mëti'ipë maaytyääyëpën winë, jëtu'un y'ënä'äny: Pëtë'ëk, tëypyujxn, nipëtë'ëk yë kupixyny këwent'ajtpës ets nipëtë'ëk yë ja'ay mëti'ipës xypyutëjkëpën. Yaj'ook mëti'ipë kupixyny këwent'ajtpën ets kyääkwa'kxta'atëty yë kupixyny, etsës mëtsip n'awinpita'anyës ma ja kupixynyëtyën.

Zacarías 3:8

Mëtoow'it yajxon mijts Josué, mijts mniwintsën'ajtyp yë teetytyëjkëty ets wä'än tmëtowtë näjyëtu'un yë mmëku'uktëjkëty mëti'ipë näjyëtu'un teety'ajtëpën, jä'ä ko miitsëty jëtu'un mnaxtë tä tu'uk ijxpätën mëti'ipë yajktëpën yë käjpxynyajxpëtëjkëty: Ëjts nyajminäämpyës yë ntuunpë, mëti'ipë jëtu'un tä Kepyji'tskën.

Zacarías 8:9

Jëtu'un yë Wintsën y'ënä'äny mëti'ipë maaytyääyëpën winë: Jotmëk näjyawëtë, jä'ä ko miitsëty tëë xymyëtowtë wi'ix kyajpxtë myëtya'aktën ja käjpxynyajxpëtëjkëty, maju'unëm tsyo'ontä'äkyën ja tuunk ma yajkoj'oyën ja tsajptëjk, mëti'ipë yë Wintsën, mëti'ipë maaytyääyëpën tsyajptëjk'ajtypyën.

Mateo 16:18

Pedro mijts yë mxëëw. Jëtu'un mijts ijxtëm ja tsaajën maas ja tsajptëjk nkojë'ëka'anyën. Ets ni ja o'kën kyamëmëtaa'akëtëty.

Mateo 26:61

ets y'ënantë: Ya'atë ja'ay jëtu'un ijty y'ënä'äny: Ëjts njitäämpyës ya'atë Dios tsyajptëjk ets kom tëkëëk xëëwës nkoj'oyëjä'äny jatëkok.

Marcos 14:58

Tëës nmëtoy ko y'ënä'äny: Njijtë'ëkäämpyës yë mëjtsajptëjk mëti'ipë ja'ay të tkojtën ets tëkëëk xëëwës jatëkok nkoj'oyëjä'äny.

Marcos 15:29

Ko ja ja'ay jam nyaxtë kruuts'ëjxm, je'eyë kyujëpiptë ets nëëxi'ik tukxi'iktë ja Jesús: Aa, mijts jä'ä ijty mnetyijëp ko xyjyijtë'ëka'any ja mëjtsajptëjk ets tëkëëk xëëw jatëkok xykyoja'any.

Marcos 15:39

Ja tsiptuunpë wintsën mëti'ipë ënety jam tënääpyën ma ja Jesúsën, ko ojts t'ijxy ko tëë ja Jesús y'ooky, ënät y'ënäny: Mëtëy yë'ë ko ijty ya'atë ye'etyëjk Dios y'u'unk'atyë.

Lucas 1:78

Yë'ë ko ja nTios'ajtëmë myëët'ajtyp ja pa'ëyo'owën, paaty jam tsajpwinm të tyajjajtä'äky ja xëëw ets ja jempyë xëëw të xytyuk'ijxëmë,

Juan 1:45

Tääts ja Felipe ojts t'ixta'ay ja Natanael ets t'ënëmaay: Tëës npaaty ja ja'ay mëti'ipë ja Moisés nyikajpxën ma ja ënä'ämën ojts tkuja'ayën ets näjyëtu'un ma ja Dios ja kyäjpxynyajxpë tjaaytyën. Yë'ë ja Jesús, Nazaretëtë ja'ay, José myaank.

Juan 19:5

Tääts ja Jesús pyëtsiimy äpny kujup mëët, xoxy mëët ja tsapts ukywyit ets ja Pilato y'ënäny: Tyaa ntukwinkuwowëtë ya'atë ye'etyëjk.

Hechos 13:38

Miits, mëku'uktëjkëty, jä'äkyëjxm miits ntuk'ëwaanëtë ya'atë ets xynyijawëtëty ko Jesúskyëjxm ja'ay yajkpokymye'kxy.

Hechos 17:31

Jä'ä ko tëë ja Dios tuknipëjktaakë jëna'a ja naaxwiinyëtë ja'ay tpaye'eyä'änyën ijxtëm pyaat'atyën. Yë'ë të tuknipëky tu'uk ja ja'ay mëti'ipë të twin'ixyën; ets tëë xytyuk'ijxëmë ja myëk'ajtën ko ojts tyajjuukpyiky jatëkok oy ënety të y'ëk'ooky.

1 Corintios 3:9

Tu'ukyë ëëts ja Dios ja tyuunk ntuunëtë ets jëtu'un miitsëty ijxtëm ja kamën ma ja Dios ja tyuunk tyu'uye'eyën, jëtu'un miitsëty ijxtëm tu'uk ja mëj tëjkën mëti'ipë Dios të tkojyën.

Hebreos 10:12

E ja Kristë tëë tyäky ja wintsë'kën tu'k'okyë ko ja ja'ay pyokymëët'atë, tääts nyaaxwe'tsy Dios y'aka'any'äämpy.

Hebreos 7:24

e ja Jesús, jä'ä ko xëmëkyëjxm jyuuky'äty, paaty ja tyeety'äty xëmëkyëjxm.

Hebreos 7:4

Tsojk nja'akyujkëmë ko ja Melquisedec mëj ojts y'ity, yë'ëpaat ja n'ap'ajtëm Abraham ojts tpuyäky tu'kpëky ja majk pëkpyë mëti'ipë ënety të tpëkyën ko myëtäky jam tsipjotm ets ojts tmo'oy tu'kpëky ja Melquisedec.

Hebreos 8:3

Ni'ëmukë ja Teety wintsën tëë yajtuknipëjktë ets tyakëty ja wintsë'kën, paaty ja nteety wintsën'ajtëmë näjyëtu'un ja wyintsë'kën të tmo'oy ja Dios.