Zacarías 6:11 - Biblia Dc en Mixe de Quetzaltepec

¹¹ Myajkojëp tu'uk yë kujän, yë'ë myajtunëp ja pu'ts pujxn ets ja poop pujxn mëti'ipë ënety të xyajmukyën ets nëjkx xytyukkujeny ja teety Josué, yë Josadac yë myaank.

Biblia Mixe de Quetzaltepec

¹¹ Myajkojëp tu'uk yë kujän, yë'ë myajtunëp ja pu'ts pujxn ets ja poop pujxn mëti'ipë ënäty të xyajmukyën ets nëjkx xytyukkujeny ja teety Josué, yë Josadac yë myaank.

Zacarías 6:11 ပူးပေါင်းရင်းမြစ်များ

Zacarías 3:1

Ojtsës yë Wintsën wiinkpë kuma'ay xytyuk'ixy, yë'ëjës nwin'ijxyp yë Josué, mëti'ipë nyikopk'ajtypyën yë teetytyëjkëty, mëët tyänë Wintsën tsyajpjotmëtë kukäjpxy. Jam ma Josué pya'ajën, a'oytsyow, tam tyänë tu'uk tsajpjotmëtë kukäjpxy mëti'ipë je'eyë ni'ë'ënëpën.

Salmos 21:3

Tëë xy'ëxajë mëët yë mëj kënu'kxën, ets të xypyëjktakë pu'ts pujxn kujän.

Cantares 3:11

Miitsëty to'oxytyëjktëjkëty mëti'ipë yajpatëpën ma Jerusalén kajpnën, pëtsëmtë ets xy'ixtëty yë yajkutujkpë Salomón. Yë'ë myënëjkxyp yë kyujän mëti'ipë y'oytyuunën yë tyaak ko ënety pyiky y'uuky, ma ënety ja xyoontakën tpaatyën.

Apocalipsis 19:12

Janty ajajp ja wyiin yaj'ixy ijxtëm ja jëënyä'änkën ets may ja kyujän tmëëtëty ma kyëpajkën. Jamts tu'uk ja xëëw kyuja'ayëty, ka'ap pën t'ijxkäpy, yi'iyë kë'ëm nyija'ap.

Zacarías 3:5

Ojts ja tsajpjotmëtë kukäjpxy tni'ënä'ämë ets ja Josué yajtukupitëty tu'uk yë wa'ats wit. Ets jyänty yajtukupijty. Näyjyëtu'un ojts yajtukxoxy ja wya'atswit. E ja tsajpjotmëtë kukäjpxy tënääpy jam.

Hageo 1:1

Ma ja Darío mëmäjtsk jëmëjt yajkutukyën, ma tyu'uk anyën ja mëtëtujk po'opë. Ojts yë Wintsën mëët yë Hageo käjpxynyajxpë tmëkäjpxy yë Judá yajkutujkpë, mëti'ipë xyëëwajtypyën Zorobabel, Salatiel yë myaank ets Josué mëti'ipë nyikopk'ajtypyën yë teetytyëjk, yë Josadac yë myaank.

Éxodo 39:30

Ojts näjyëtu'un tyaj'oyëtë yë tsya'a aak pu'ts pujxnpë, mëti'ipëjaty ënety yajwa'atsnajxypyën ets ojts jam witkëjxm jëtu'un tyajkëxkojtë tä yë ja'ay muum tii tkëxtsa'ayën, jä'ä y'ënä'äny: Dios yajmoopy.

Hebreos 2:9

E Dios të xytyuk'ijxëm ja Jesús, mëti'ipë ja Dios tu'kxëëw tu'kjëmëjt pyëjktakën naxym këtiinëm ja anklëstëjk, tëë yajmo'oy ja kuttujkën ets ja mëj'ajt oyajtën, mëët ko tmënajxy tyajnajxy ja o'kën. Dios mëët ja tsyojkën jya'awën yë'ë ojts tuknipëjktaakë ets ja o'kën tpaatëty ets tuk'oy'atëty ja mayjyä'äy.

Hageo 1:14

Jëtu'un'äämpy ojts yë Wintsën tyajjotmëktä'äky yë Zorobabel jatëkok, mëti'ipë jam Judá yajkutujkpën, tääts ja Josué, mëti'ipë nyikopk'ajtypyën ja teetytyëjkëty ets nitëkokyë ja ja'ayëty; e ma y'i'px majktaxk anyën ja mëtëtujk po'opë ma mëmäjtsk jëmëjt yajkutukyën ja Darío, jää ojts tkojtso'onta'aktë ja Wintsën ja jyëën tyëjk, mëti'ipë Tios'ajtpën mëti'ipë maaytyääyëpën winë.

Hageo 2:4

Zorobabel, jotmëk yajpaat. Josué jotmëk it, ma xynyiwintsën'atyën yë teetytyëjkëty ets nitëkokyë miitsëty kunaax kukajpnëty tuntë mëtowtë, ëjts tääjës nyajpaaty mëët miitsëty. Ëjts, mëti'ipë Wintsën'ajtpën, mëti'ipë maaytyääyëpën winë, ëjts ënaanp.

Esdras 3:2

Ja Josué, Josadac yë myaank ets ja myëku'uktëjk ninu'un tyeety'atën, näjyëtu'un yë Zorobabel, Salatiel yë myaank ets ja jyiiky myëku'uk. Ojts tyajtso'onta'aktë ja tuunk ma tkojë'ëktën ja Wintsën ja wyintsë'këntyakn, ma tyaktëtyën ja wintsë'kën nino'okpyë, tä jap myinyën këxja'ay ma ja ënä'ämën tëyajtënën mëti'ipë ja Moisés yajkën, Dios yë tyuunpë.

Éxodo 29:6

Pëjkta'ak näjyëtu'un ja kupit jam ma kyëpajkën ets ja tsya'a mëti'ipë yajnikë'xë'kpyën ko tyeety'äty.

Apocalipsis 6:2

Ënätës n'ijxy tu'uk ja poop kwaay ets mëti'ipë ja poop kwaay tyuk'u'unyääpyën, ti'pxn tu'uk pyakäjpy ets yajmooy tu'uk ja kyujup ets tsyo'ony tsiptuunpë ets myëta'akëty.

2 Samuel 12:30

Ojts tpëjkë ja ënä'ämpë ja kyujup, pu'ts pujxn mëëtpë, ja kujän myëët ja oyëtypë ja tsaa, jä'ä jye'emtyëty i'px majktëkëëk tsimën ets ojts jä'ä ja David yajtukujeny. Ojts yë David jam ëpëky winë kajpnjotm tyajpëtsëëmpë mëti'ipë tsowëtyën,

Esdras 10:18

Ja teetytyëjkëty mëti'ipë ënety mëët ja to'oxytyëjk të pyëktën ka'apë Wintsën t'ëwtatën jä'ä xyëëwajtëp: Ma Josué y'u'unk y'okën, Josadac yë myaank ets jyiiky myëku'uk: yë'ë ijtë yë Eliézer, Jarib ets Guedalías,

Zacarías 6:14

Ja kujän ijxpäjtën nëjkx wyi'imy jap tsajptëkoty, mëti'ipë nëjkx yajtukja'amyätstën yë Hedai, Tobías, Jedaías ets Josías, yë Sofonías yë y'ëna'k.