Zacarías 5:8 - Biblia Dc en Mixe de Quetzaltepec

⁸ Ënet xy'ënëmaayës ja tsajpjotmëtë kukäjpxy: tääpë to'oxytyëjk yaj'ixyën, ëxëëkajtën yë'ë. Ënet jatëkok jap tkutijëy ma ja apëjkënën ets tyaj'ëtujky.

Biblia Mixe de Quetzaltepec

⁸ Ënät xy'ënëmaayës ja tsajpjotmëtë kukäjpxy: tääpë to'oxytyëjk yaj'ixyën, ëxëëkajtën yë'ë. Ënät jatëkok jap tkutijëy ma ja apëjkënën ets tyaj'ëtujky.

Zacarías 5:8 ပူးပေါင်းရင်းမြစ်များ

1 Tesalonicenses 2:16

Yë'ë y'ëtujktëp koos ntuk'ëwaanëtë mëti'ipë ka'ap jyutiisëty wi'ix nyitso'oktëtyën. Jëtu'un ja pyoky tyajmayëtë. E jä'ä ko këxaanp ja jëtu'unpë, paaty ja Dios të tyuknikäxëtë ja mëj ëyo'on.

Mateo 23:32

Tuunka'pxtë ënät mëti'ipë ja m'aptëjk ojts tyajtso'onta'aktën.

Zacarías 5:7

Ja kijpxën yë'ë mëët nyijupyëty yë yu'unk pujxn. Ënet yajyujktëëy ja ajup, e jap apëjkënjoty yë'ë jap ënyääpy tu'uk yë to'oxytyëjk.

Miqueas 6:11

¿Wi'ixës npokymyä'kxëty mëti'ipë ka'ap tii mëtëy tkijpxyën?

Lamentaciones 1:14

Tëës yë Wintsën yë nnëë mpoky xy'ijxë; yë'ëjës të xytyukjëëtsëmë'ëky, tä yë tsajpkaa yajtukutsumyën yë kyepy; ënu'kxëpës. Tëës Wintsën xykyë'ëyäky ma ja'ayën mëti'ipës ka'ap nmëmëta'aka'anyën.

Proverbios 5:22

Yë ëxëëk ja'ay kë'ëm nyäyajtu'u'ëtukyë ko tii tkäjpxy tmëtyä'äky wiinkjaty. Yë poky mëti'ipë tyuunpyën, yë'ë nätyuktsuum nätyukmajtsëp.

Salmos 38:4

Kë'ëmës winë ëxëëk n'ëktuny ets kë'ëmës ka'ap n'ëkmëmëta'akanë;

Génesis 15:16

Koonëm ënety të myintë naaxwiiny ja m'u'unk m'ëna'k, taxk'oknipety täänëm jatëkok wyimpitëty ma ya'atë it naaxwiinyëtën. Jä'ä ko ka'anëm ënety kyukëxënëm ma ja Amor ja'ayëty ja ëxëëkpë tuntën tkajpxtën.

Oseas 12:7

Jëtu'un yë Wintsën y'ënä'äny: Yë Canaán ka'ap tii oy tkijpxy, jä'ä ko yë'ë tsyokpy wi'ix yë myëku'uk tsuu'ixëtyën.

Amós 8:5

miitsëty mëti'ipë ënantëpën: Tim je'eyë xëëw nyaxëty ma yajnixëëwtunyën yë po'o ko pyi'k'aty, tääts nto'kmëty yë tsajpmok. Tim je'eyë xëëw nyaxëty ma yajmëjjawën yë po'kxënxëëw tääts nto'kmëty yë aaypyajk ujtspajk mëti'ipë nmëët'ajtëmën ets ka'ap kä'pxy nkijpxmëty ets tsow nto'kmëty.