Zacarías 4:6 - Biblia Dc en Mixe de Quetzaltepec

⁶ Ets y'ënäny: Jëtu'un ja Wintsën t'ënëmaay ja Zorobabel: Ka'ap yë'ëkyëjxmëty ko may jyääjëty yë tsiptuunpëtëjk ëkë ko ja'ay jyotmëkëty, yë'ë tuunp ëjts yë nmëjaaw nmëk'ajtën, jëtu'un y'ënä'äny yë Wintsën mëti'ipë maaytyääyëpën winë.

Biblia Mixe de Quetzaltepec

⁶ Ets y'ënäny: Jëtu'un ja Wintsën t'ënëmaay ja Zorobabel: Ka'ap yë'ëkyëjxmëty ko may jyääjëty yë tsiptuunpëtëjk ëkë ko ja'ay jyotmëkëty, yë'ë tuunp ëjts yë nmëjaaw nmëk'ajtën, jëtu'un y'ënä'äny yë Wintsën mëti'ipë maaytyääyëpën winë.

Zacarías 4:6 ပူးပေါင်းရင်းမြစ်များ

Génesis 41:16

Ëjts ka'apës tääpë xypyääty nkajpxwa'atsëtyës yë mkuma'ay, jëtu'un y'ëtsooy yë José. E Dios yë'ë yakäämpy yë kajpxwinpijtën mëti'ipë mijts mtuk'oy'atëpën.

1 Reyes 19:12

E ko ja naaxwiinyëtë yu'kxtaay, tääts yaj'ijxy mëj jëën myiny; je'eyëp ko ja Wintsën ka'ap ënety jap jëënjoty. Ko jëtu'un ja jëën nyajxtaay, ënät ojts tu'uk yajmëtoy ja'ay kyäjpxy ame'tsyë.

2 Crónicas 14:11

Asá ojts ënätyë Wyintsën tmëkäjpxy mëti'ipë Tyios'ajtypyën ets t'ënëmaay: Mijts tu'knax ja'ay xypyutëkë oypyënëty, wä'än yë'ëjëty mëti'ipë ëmaay amutskën ets wä'än yë'ëjëty mëti'ipë amëk jotmëkën. Paaty yam mijts npëjktsoy etsës xypyutëkëtëty, ma mijts yë mxëëwën jamës mpëjkta'aktë ja njot nwinma'anyëty ets jëtu'un yam ya'atë nmëtsip ëëts nwinkuwa'akëja'antë. Mijts Wintsën, mëti'ipës nTios'ajtëpën, ka'ap mëpaat pën mjënaxyë.

Esdras 2:2

Ja ja'ayëty mëti'ipë pyatso'ontën ja Zorobabel, jä'ä xyëëwajtëp: Josué, Nehemías, Seraías, Reelaías, Mardoqueo, Bilsán, Mispar, Bigvai, Rehúm ets Baaná. Ya'atë ja'ayëty aakyë'ë y'u'unk y'ok yë Israel.

Esdras 3:10

Ko ja tëjk tuunpë tyajtso'ontaktë ja potsy'ëjx ma ja Wintsën ja tsyajptëjk kyoja'anyën, ja teetytyëjkëty ojts wya'akë'kta'atë ets tyëjkëtyë yaxmujk jojkmujkpë mëët ja xyuxnëty. Ja Leví ja'ayëty mëti'ipë ja Asaf y'u'unk'ajty y'ok'ajtypyën jä'ä yaj'ënantëp ja platillos mëti'ipë tyukpa'ënantëpën ma ja Wintsën tkuuy'ëw tkuuya'axtën, mëti'ipë ënety ja David të tyajkutukyën, mëti'ipë ënety yë'ë yë Wintsën të tyuk'ëne'emyën.

Esdras 5:2

Ënet ja Zorobabel, Salatiel myaank ets Josué, Josadac myaank tyëjkëtyë tuunpë ets jatëkok tniwa'këtyë ja tsajptëjktuunk jam Jerusalén, e ja Dios ja kyäjpxynyajxpëtëjk jä'ä jam tyimmëët'ajtyp ets tputëkë.

Salmos 33:16

Nitu'uk yë yajkutujkpë kyatso'okëty oy jënu'un ja tsyiptuunpëtëjk jyanimayëty, ets oy jënu'un yë ja'ay jyotmëkëty ka'ap myëta'akëty mëët yë myëk'ajtën;

Eclesiastés 9:11

Ma ya'atë naaxwiinyëtën nän tëëjës n'ixy ko ka'ap yë'ëjëty yajtijy pe'tym yë ja'ay mëti'ipë pe'tym pëyë'kpën ets ka'ap yë'ëjëty yajtijy jotmëk mëti'ipë mëtakpën tsipjoty; ets ka'ap yë'ëjëty xëmë tmëët'atë yë ka'ayën ukën mëti'ipë wijyëtyën ets ka'ap yë'ëjëty kyumeeny'atë ja'ayëty mëti'ipë ixpëkyëtyën ets ka'apë xyëmëty yaj'ëxaj yajkupëktë yë ja'ayëty mëti'ipë tëë këpetyëtyën; yë'ëjëty ënät yë winë tpaatë oy ko jëtu'un txëëwatë.

Isaías 30:1

Jëtu'un ja Wintsën y'ënä'äny: Janty mon janty tuk yajpaatë ja u'unk ëna'k mëti'ipë ka'ap jyä'äkyukëtën, mëti'ipë winë tyuknipëjktakëtyëpën ets ka'apës xyajtëwtë, mëti'ipë tii tyuuntëpën ets ka'apës y'ëjtsëty nwinma'anymyo'otë, jëtu'un ni'ikyë ja pyoky tyajmayëtë.

Isaías 32:15

E ja Wintsën ja myëk'ajtën, mëti'ipë winë yajkojpyën minaanp jatëkok ma ëëtsajtëmën ets nëjkx ja itjot aanë'ëk tëëtsë'ëkpë y'awinpity jë'kxy naaxjot ets nëjkxëp jam winë y'ity wyintëy.

Isaías 34:16

Jap pa'ixtë ma ja Wintsën ja nyokyën ma winë jaaypyety myiinta'ayën, nitu'uk ya'atë jëyujk kyatëkoy'ata'any, tu'kyä'äy tu'kto'oxy jap myina'antë kuja'ay jä'ä ko jëtu'un yë Wintsën të tuknipëjktaakë ets tëë tyajtu'ukmujkta'ay tu'k nasxäjë.

Isaías 59:19

Oy jyamëty maatsow xëëw pyëtsimyën ets oy jyamëty maatsow kyëtä'äkyën, kopkpëky ko ja'ay tnija'awëtya'aja'antë ko yë Wintsën, yë'ëjën tu'uk mëj ko ënety t'ixtë myëj'ajtën kyënu'kxyajtën, jä'ä ko yë'ë jëtu'un myina'any tä tu'uk mëknëëkomën ets mëët yë mëkpoj.

Daniel 2:34

Yë'ë ënety ja yajkutujkpë y'ijxyp, ko jam kopkkëjxm tu'uk tsaa të kyutëkë ets nitëyë jam të tyimkëtä'äky ma ja awinaxën mëti'ipë pujxn mëët y'oytyunyëtyën ets mya'ta'ay.

Oseas 1:7

Yë'ë tëy yë Judá mpa'ëyowäämpyës yë'ë, ëjts Wintsën mëti'ipë Tyios'ajtëpën ëjts kë'ëm nyaj'ëwaatsëpëtsëmäämpyës. Je'eyëp ëjts ka'apës tsipkëjxm nyajtso'oka'antë, ka'apës nyajtuna'any yë ti'pxn, tëypyujxn, kwaay ets pujxnwintëkäämpë.

Hageo 1:1

Ma ja Darío mëmäjtsk jëmëjt yajkutukyën, ma tyu'uk anyën ja mëtëtujk po'opë. Ojts yë Wintsën mëët yë Hageo käjpxynyajxpë tmëkäjpxy yë Judá yajkutujkpë, mëti'ipë xyëëwajtypyën Zorobabel, Salatiel yë myaank ets Josué mëti'ipë nyikopk'ajtypyën yë teetytyëjk, yë Josadac yë myaank.

Hageo 2:21

ets tuknipëjky t'ënëëmëty yë Zorobabel, ja Judá yajkutujkpën: Nyajyu'kxäämpyës yë tsajp ets naaxwiinyëtë;

Zacarías 6:12

Ets xy'ënëëmëty: Jëtu'un yë Wintsën y'ënä'äny mëti'ipë maaytyääyëpën winë: Ko ja ja'ay mëti'ipë txëëwajtpën Kepyji'tsk, jam myuxa'any ma tyiktsën ets tkoja'any ja Wintsën ja Tsyajp tëjk.

Efesios 6:17

Jëtu'un miits mëët'atë ja nitsokën ijxtëm ja tsiptuunpë tmëëtëtyën ja pyujxnkujup; ets ja Dios ja y'aaw y'ayuk ijxtëm ja tsiptuunpë tyajtunyën ja tyiypyujxn, mëti'ipë ja Kënu'kxymyëkajtën mmooyëtëpën.

1 Pedro 1:12

Dios tyuk'ijx tyuknija'awëy ja kyäjpxynyajxpëtëjk ko ka'ap yë'ëjëty tuk'oy'ata'antë mëti'ipë kyajpxwa'kxtëpën, miits mtuk'oy'atantëp. Tëë ënät tyam miits xy'ixtë xypyaatë mëti'ipë ojts yë'ë tkajpxwa'kxtën ko ojts yajtuk'ëwaanëtë ja aaw ayuk oypyë Kënu'kxymyëkajtën mëët mëti'ipë tsajpjotm tso'onpën. Kukäjpxy paat ojts jëtu'unpë tjanijawëja'antë.

1 Samuel 14:6

Ets ja Jonatán t'ënëmaay ja tyuunpë: Jotëkoy ja'amtë jamtsow awinm ma yajpaatën tääpë ja'ayëty ka'apë tnijawëtën pën y'ëwtatëpën. Kooxyëp yë Wintsën xynyaputëjkëmëty. Jä'äxë ko mëët yë'ë ka'ap jyatsipëty ko xyajmëta'aka'amëty oy yë ja'ay nyimayëty ëkë nyiwäänëty.

1 Samuel 17:47

Tëkokyë jënu'un tyam yaa yajpaatën nyija'awëtëp jëtu'un ko yë Wintsën ka'ap yë'ëjëty mëët yajtso'oky pujxn ku'umën, ëkë ti'pxn. Jä'ä ko ya'atë tsip Dios yë'ë kë'ëm tyimtunäämpy ets yë'ë mkë'ëyakanëp ma ëëtsëtyën.