Zacarías 3:8 - Biblia Dc en Mixe de Quetzaltepec

⁸ Mëtoow'it yajxon mijts Josué, mijts mniwintsën'ajtyp yë teetytyëjkëty ets wä'än tmëtowtë näjyëtu'un yë mmëku'uktëjkëty mëti'ipë näjyëtu'un teety'ajtëpën, jä'ä ko miitsëty jëtu'un mnaxtë tä tu'uk ijxpätën mëti'ipë yajktëpën yë käjpxynyajxpëtëjkëty: Ëjts nyajminäämpyës yë ntuunpë, mëti'ipë jëtu'un tä Kepyji'tskën.

Biblia Mixe de Quetzaltepec

⁸ Mëtoow'it yajxon mijts Josué, mijts mniwintsën'ajtyp yë teetytyëjkëty ets wä'än tmëtowtë näjyëtu'un yë mmëku'uktëjkëty mëti'ipë näjyëtu'un teety'ajtëpën, jä'ä ko miitsëty jëtu'un mnaxtë tä tu'uk ijxpätën mëti'ipë yajktëpën yë käjpxynyajxpëtëjkëty: Ëjts nyajminäämpyës yë ntuunpë, mëti'ipë jëtu'un tä Kepyji'tskën.

Zacarías 3:8 ပူးပေါင်းရင်းမြစ်များ

Jeremias 23:5

Jëtu'un yë Wintsën y'ënä'äny: Ëjts nyajkutukäämpyës ets tu'uk ja'ay jyää'atëty mëti'ipë yë David y'u'unk'ajtyp y'ok'ajtypyën, mëti'ipë ënä'ämëpën yajkutukëpën mëët ja wijyajtën, mëti'ipë mëtëy winë nyipaye'eyëpyën ets tëy tyu'uye'eyëty ma naax kajpnën.

Isaías 11:1

Jëtu'un tä tu'uk kepy jyiitsyën, jëtu'un ja Jesé tu'uk ja jyä'äy pyëtsëma'any.

Zacarías 6:12

Ets xy'ënëëmëty: Jëtu'un yë Wintsën y'ënä'äny mëti'ipë maaytyääyëpën winë: Ko ja ja'ay mëti'ipë txëëwajtpën Kepyji'tsk, jam myuxa'any ma tyiktsën ets tkoja'any ja Wintsën ja Tsyajp tëjk.

Jeremias 33:15

Ko ënety tpaaty ja xëëw po'o, ëjts nyajkutukäämpyës ets jam tu'uk ja'ay pyëtsëmëty ma David y'u'unk y'okën mëti'ipë nëjkx mëtëy winë tnipaye'eyën ets nëjkx oy winë tuny ma naax kajpnën.

Isaías 53:2

Wintsën kë'ëm të t'a'ixë ets tyuunpë yääkëty pyätëty tä aay ujtsën wintë'ëtstuuypyë. Ka'ap ijty oy yaj'ixy ets ka'ap ijty nijënu'un ja wyiin jyëjp tyäky, ja jyot nyini'kx aak tëkatsy ets aak ma'at ijty;

Isaías 42:1

Tyaajës ja ntuunpë mëti'ipës mëk n'ijx'ijty nkëwent'ajtypyën, mëti'ipës të nwin'ixyën ets mëti'ipës ntukxoontäkpyën. Tëës nmo'oy yë nmëk'ajtën ets tunëty ja nipaye'eyën tëy tëtä'äky ma ja naax kajpnën.

Isaías 20:3

Tä ja Wintsën y'ënäny: Yë ntuunpës Jeséas niwa'ats tekywya'ats të yajpaaty tëkëëk jëmëjt, jëtyu'uxp të y'ity, jä'ä ko ja Egiptë ets Etiopíë o'ktëy jyata'antë.

Isaías 4:2

Jä'ä xëëw ma ënety ja Wintsën jatëkok tyajyoonpëkyën ja juukyajtën yë'ë nëjkx tyaj'oy'ijxëntëkë ets tpaatëty ja mëj'ajt oyajtën ja ja'ayëty mëti'ipë jam Israel jaakjuuky'ajtëpën; ja pëjktä'äky mëti'ipë ënety ijtp wintëëpën kamwinm tu'uwinm, yë'ë nëjkx akujk jotkujk tjë'kxtë tpëktë.

Ezequiel 12:11

Ënëëmë ko mijts ijxpäjtën jëtu'un myäjkpy ma yë'ëjëtyën ets yë'ëjëty kopkpëky ko jëtu'un tuna'antë winë tä mijts të xytyunyën, jä'ä ko yë'ëjëty yajmënëjkxantëp tsumy matsy wiink naax wiink kajpn.

Isaías 53:11

E oy ënety ëxëëk të jyäty të kyëpety, y'ixäämpy jatëkok ja të'kxën jajën, jotkujk yajpaata'any ko ënety nnijawë; ja wa'ats ja'ay mëti'ipë ja Wintsën të tmëtunyën mayjyä'äy yajtso'okäämpy, jä'ä ko yë'ë nëjkx tmënëjkxta'ay ja mayjyä'äy ja tyuuntëko'oy kyajpxtëko'oyën.

Isaías 52:13

Ja ntuunpës oy ja tyuunk wyimpëtsëma'any; mëj'äämpy y'ita'any ets kumay nyaxa'any.

Isaías 49:5

Tëës yë nkuma'ayën xymyo'oy yë Wintsën, jä'ä ko yë'ëjës të xymyëjaawmo'oy. Dios ojts xyajkojyës jap ntaakës jyootjoty etsës nmëtunëty ets ja Israel ja'ayëty, ja Jacob ja y'u'unk y'okëty wyimpitëty ets tpuwa'akëtëty yë Wintsën.

Isaías 8:18

Ëjts ets mëëtës yë n'u'unk n'ëna'k mëti'ipës yë Wintsën të xymyo'oyën, jëtu'un ëëts nnaxtë tä tu'uk yë ijxpäjtënën mëti'ipë mëj'ajtën mëëtën ma Israel kajpnën, mëti'ipë yë Wintsën të tpëjktä'äkyën mëti'ipë maaytyääyëpën winë, mëti'ipë tsënääpyën ma ja Sión kopkën.

Lucas 1:78

Yë'ë ko ja nTios'ajtëmë myëët'ajtyp ja pa'ëyo'owën, paaty jam tsajpwinm të tyajjajtä'äky ja xëëw ets ja jempyë xëëw të xytyuk'ijxëmë,

Ezequiel 37:24

Yë ntuunpës David, yë'ë nëjkx yajkutuky ma yë'ëjëtyën ets yë'ëjëty nëjkxëpës xymyëmëtowtë ets nëjkx tkuuytyuntë ja n'ënä'ämënës ntëyajtënës.

Ezequiel 34:29

Nyaj'itäämpy nyajwintëwäämpyës winë ma kyam tyu'ujëtyën ets yë'ëjëty ka'ap nëjkx y'ëk'ayuu'ajnëtë ets ka'ap nëjkx wiinkëtypë naax kajpn y'ëktukxikënëtë.

Ezequiel 24:24

Yë Ezequiel yë'ë nëjkx xy'ijxpäjtën'atë ets tu'kë'ëyë mëti'ipë yë'ë tyuunpyën näjyëtu'un miitsëty winë xytyuntëty. Ko ënety jëtu'un winë tyunyë jyätyë jää nëjkx xynyijawëtë ko ëjts Wintsën.

Isaías 49:3

Ets xy'ënëmaayës: Mijts Israel, mijts ntuunpë'ajtyp, mëët mijtskyëjxm, ja nmëj'ajt n'oyajtënës të nyajkëxë'ëkyës.

Salmos 71:7

Janty mëj'ixyës yë ja'ay muum xyjyawë, e jam ma mijtsën Wintsën jamës yë tsoktakn npaaty.

Ezequiel 12:6

E ko ënety të tsyu'ujënë, tääts mnätyukejkyjyëpipëtëty mëti'ipë mëtsoonäämpyën, ijxnë kä'äxnë mtsoonëty. Këtii mwiin mjëjp xyajkëxë'ëkëty jëtu'un ka'ap ja naax kajpn xy'ixëty. Ntsojkpyës ets mijts ijxpäjtën mwa'anëty mëti'ipë nyikäjpxypën ja ëyo'on jotmay mëti'ipë miimp këtakpën ma ja Israel kajpnën.