Zacarías 2:6 - Biblia Dc en Mixe de Quetzaltepec

^6-7 Jëtu'un yë Wintsën y'ënä'äny: Ëjts të n'ëwa'atsy ets miitsëty axit ako'owë mjatëty wiink naax wiink kajpn. E tyam jëtu'unës n'ëna'any: Käkpëtsëmtë jam ma ja naax kajpnën, jam anëkëxmtsow. Käkpëtsëmtë jam Babilonyë, ma myajpaatën tsumy matsy, miitsëty mëti'ipë ijty tsënaaytyëpën jam Sión. Ëjts Wintsën, ëjts ënaanp.

Biblia Mixe de Quetzaltepec

^6-7 Jëtu'un yë Wintsën y'ënä'äny: Ëjts të n'ëwa'atsy ets miitsëty axit ako'owë mjatëty wiink naax wiink kajpn. E tyam jëtu'unës n'ëna'any: Käkpëtsëmtë jam ma ja naax kajpnën, jam anëkëxmtsow. Käkpëtsëmtë jam Babilonyë, ma myajpaatën tsumy matsy, miitsëty mëti'ipë ijty tsënaaytyëpën jam Sión. Ëjts Wintsën, ëjts ënaanp.

Zacarías 2:6 ပူးပေါင်းရင်းမြစ်များ

Génesis 19:17

Ko ënety tëë yë kajpn tukpëtsëëmtaaynyëtë, ënät ojts yë tsajpjotmëtë kukäjpxy y'ëna'antë: Pe'tym pëyë'ëktë ets näyyajtso'okëtë, këtii mnäjyë'ixëtëty ets këtii mwa'ak'awëtëty. Nëjkx kopkkëjxm, pën myajtso'okäämpy yë mjuukyajtën.

Salmos 44:2

Mijts ojts kë'ëm xy'ëxkexy yë ja'ayëty mëti'ipë ënety y'ëwtajtëpën wiink tios, ëxëëk ojts xytyuny yë naax kajpn ets xy'ëxwojpy ets jam xyajtsënaaytyaknpëjky ja n'ap n'okëtyës.

Isaías 48:20

Käkpëtsëmtë jam Babilonyë, kukä'äktë yë Babilonyë ja'ayëty. Mëk tukyaax tukjokëtë mëët ja jotkujk'ajtën, tuk'ëwaanëtë wä'än timpyënëty naaxwiinyëtë apëtsëmy: Ënëëmëtë ko ja Wintsën tëë tyaj'ëwaatsëpëtsëmy ja Jacob mëti'ipë tyuunpë'ajtypyën.

Isaías 55:1

Mintë pënjaty tëtsëpën; mintë pënjaty ka'ap wit meeny tmëëtëtyën, jë'kxtë pëktë, kaytyë uuktë namëyajtën; uuktë pëktë tsi'tsknëë, uuktë pëktë tsatym nyëë, ka'ap meeny tsyokyë.

Jeremias 1:14

Ënet ja Wintsën xy'ënëmaayës: Jamtsow anëkëjxmtsow myina'any ja ëyo'on jotmay mëti'ipë pyaatan y'ixantëpën nitëkokyë ja'ayëty mëti'ipë tsënaaytyëpën ma ja kajpnën.

Jeremias 15:4

Ëjts nëjkx nyajkutuky ets naax kajpn tsyë'ëkëty jyawëty ko nijawëtëty ëxëëk jyäty kyëpety ja Jerusalén kajpn, ko ëxëëk jam y'ëti'itsy y'ënä'äny yë Manasés yajkutujkpë, mëti'ipë Judá ja'ayën, yë Ezequías yë myaank.

Jeremias 3:18

Ko ënety jëtu'unpë xëëw po'o tukja'ty, nëjkxëp yë Judá mëët yë Israel tyu'ukmuky ets nëjkx tu'ukyë tsyoontë jam ma naax kajpnën mëti'ipë anëkëjxmtsow yajpatpën ets wyimpitëty tu'knax ma it naaxwiinyëtën mëti'ipës ojts yë y'aptëjk nmo'otën.

Jeremias 31:10

Naax kajpnëty, mëtoow'itë yë Wintsën yë y'aaw y'ayuk ets näjyëtu'un xynyikajpx xynyimëtya'aktëty ma wiinkëtypë kajpnën mëti'ipë jëkäm yajpatëpën: Yë Wintsën yë'ë ojts t'awojpwä'kxy yë Israel kajpn, je'eyëp ko nän yë'ë jatëkok yajtu'ukmukäämpy ets tkëwent'ata'any jëtu'un tä tu'uk yë kupixyny këwent'ajtpë tkëwent'atyën yë jyëyujk.

Jeremias 31:38

Jëtu'un yë Wintsën y'ënä'äny: Pyatäämpy ja xëëw maas ja nkajpn nëjkx yajkoj'oyën jatëkok, nëjkxëp yajkoj'oyë ja Hananel ja kyëjxmpotsy ets tyimja'tëty jampaat ma ja Tëjkëtyaknën ets jampaat ma y'ëwtijtë'ëkyën.

Jeremias 31:8

Nyajwinpitäämpyës jatëkok, ma yajpaatën tsumy matsy jam kajpntum anëkëjxmtsow, nyajtu'ukmujkta'ajäämpyës oy ënety jam muum jëkäm yajpaatë ma naaxwiinyëtë jyëjpkëxyën. Ko ënety wyimpitë, nëjkxëp pyaminëtë ja'ay mëti'ipë wiintsën, tekymya'atën, näjyëtu'un to'oxytyëjkëty mëti'ipë ënety u'unkpaataanpën, mëti'ipë tëë y'u'unkpaatën; yajxon yë ja'ay nëjkx nimay myintë.

Jeremias 50:8

Kä'äktë, tsoontë jam Babilonyë ma caldeo ja'ay kyajpnëtyën; tsoontë jam, jëtu'un tä tu'uk ja'ay maykyupixyny twojptsoonyën.

Jeremias 51:45

Nnaax nkajpnës, pëtsëm jam, wä'än këëkjä'ä ja'ay jyuukyajtën tyajtso'oky maas të ntukjoot'anpëktën.

Jeremias 51:50

Miitsëty mëti'ipë ojts o'kënjëjp'am mtso'oktën, kä'äktë, këtii mwa'ak'oyëtë ma jëkäm myajpaatën; mmëmay mëtajtë yë Wintsën ets ja'amyätstë yë Jerusalén.

Jeremias 51:6

Käkpëtsëmtë jam Babilonyë. Näyyajtso'okëtë pënjaty jyëkyäjptëpën nyäyajtso'okëtëty. Këtii nëkoo xykyu'ookëtëty yë nyëë pyoky. Tëë tpaaty maas ntukumëtowa'antën ja nyëë pyokyëty etsës ntukukëpäta'antë tä pyaat'atëtën.

Ezequiel 11:16

Paaty ënëëmëtë: Ko jëtu'un yë Dios y'ënä'äny: Ëjts ojts miitsëty nyajnëjkxtë wiink naax wiink kajpn tsumy matsy, ma ja kajpnën mëti'ipë ka'ap xy'ixy'atën, je'eyëp ko wäänë. E nän ëjts jatëkok jam xy'ëwtatëp ma të nyëjkxtën.

Ezequiel 17:21

O'kta'ajantëp ja jotmëkja'ayëty jam tsipjotm, mëti'ipë ënety wë'ëmtëpën juuky, jëtu'unyë ye'eywya'kxa'antë taxkpëky. Ënätnëm nëjkx m'ëna'antë ko ëjts Wintsën, tëëjës n'ayuk njakäjpxy.

Ezequiel 5:10

Ma miitsëtyën nëjkxëp yë taak teety yë y'u'unk y'ëna'k tsu'utstë, yë u'unk ëna'k nëjkxëp yë tyaak tyeety tsu'utstë. Ntukumëtowäämpy yë mpoky ets mëti'ipë juuky jaakwë'ëmtëpën taxkpëkyës nyajye'eywya'kxa'any.

Ezequiel 5:12

Tu'kpëky ma ja tëkëëk pëkpyën, yuu xëëwës ntukyaj'ookäämpy ets pa'am ëyo'on ets ja mëmäjtskpëkpyë nëjkxëp yë myëtsip yaj'ookëtë mëti'ipë ënety të yajnatukyën, e ja mëtëkëëk pëkpyë jëtu'unyës nwojpwa'xta'aja'antë naaxwiinyëtë apëtsëmy. Etsës mpapo'oja'antë mëët yë tëypyujxn nkë'ëkëjxmës.

Daniel 11:4

E ma ënety të tyajkopkpëkyën ja kyutujktakn, jää nëjkx ja kyutujktakn yaj'ëxwa'any ets taxkpëky nëjkx nyäwyä'kxyë. Yë kuttujkën mëti'ipë ënety myëët'ajtypyën ja yajkutujkpë ka'ap nëjkx ja y'u'unk y'ok t'ëkjä'ä'ajnë ets nän ka'ap nëjkx ja kuttujkën mëk y'ëkyajpatnë tä ënety të pya'tkë'p'atyën, jä'ä nëjkxëp nyäwya'kxënë ets wiinkëtypë ja'ay nëjkx jam y'ënä'ämnë.

Amós 9:9

Ni'ënä'ämëjäämpyës yë Israel ja'ayëty ets yaj'anaxtëty tä yë tsajpmok yaj'anaxyën axijtënjoty ets nitu'uk kyaka'ay yë tsajpmok naaxkëjxy.

Zacarías 1:16

E paaty n'ëna'anyës, ëjts Wintsën: Mpa'ëyoopyës ja Jerusalén kajpn, paatyës yam nyajkutukäämpy ets ja tsajptëjk ets ja naax kajpn jatëkok yajkoj o'oyëtya'atëty.

Mateo 24:31

ets tkäxa'any ja anklëstëjk mëët ja pujxnxuxn mëti'ipë mëk tyukxu'uxantëpën ets myujkta'aja'antë xiitsow yaatsow ja ja'ayëty mëti'ipë ënety të yajwin'ixtën, tyso'onta'akëty ma xëëw pyëtsimyën ets jampaat ma kyëtä'äkyën.

Marcos 13:27

Yë'ë kyäxäämpy ja anklëstëjk ets ja ja'ay twoowmujkta'ajëty mëti'ipës të nwinwitsyën tu'ktsajp'akëtä'äky, mapaat yë naaxwiinyëtë tsyo'ontä'äkyën ets mapaat yë tsajp jyëjpkëxyën.

Deuteronomio 28:64

Yë Wintsën jëtu'unyë nëjkx mwojpwa'kxëtë naaxwiinyëtë apëtsëmy. Jam wiink naax wiink kajpn wiink tios nëjkx xy'ëwtajnëtë. Jä'ä ja awinax mëti'ipë tsaa ets kepy mëët y'oytyunyëtyën; mëti'ipë ja m'ap m'ok ka'ap nijëna'a t'ixyajtën.

Apocalipsis 18:4

Tääts ja wiinkpë ja ayuk nmëtooyës mëti'ipë tso'onpën jam tsajpjotm ets y'ënä'äny: Pëtsëmtë miitsëty ma ya'atë kajpnën, ninu'un njä'ä'atën, këtiipë nëkoo ja poky ets ja ëyo'on xypyaatëty,

Rut 4:1

Ënet ojts ja Booz nyijkxy ma ja naax kajpn yajnitëkën, jam ijty ja ja'ay tyu'ukmuktë. E jamts ënety pyo'kxy pyiky ko ajotkumonë t'ijxpaty nyäxy ja ja'ay mëti'ipë ja Rut winkon myëku'uk'ajtypyën. Tä ja Booz ojts tmëkäjpxy ets t'ënëmaay: Mëku'uk. Min mpo'kxy. Tääts myiiny ja myëku'uk ets nyaaxwe'tsy.