Zacarías 2:4 - Biblia Dc en Mixe de Quetzaltepec

⁴ ets të y'ënë'ëmxëty: Nëjkx pëyi'ikyë ënëëmë tääpë ja'ay mëti'ipë jam myënëjkxypyën yë tejpxy mëti'ipë winë yajtukijpxpën: Yë Jerusalén kajpn wintukaanp jatëkok mëët yë mayjyä'äy ets may jëyujk may tsyajpkaa, ka'ap nëjkx tjëkyepy wi'ix yajnapotsëtyën ja kajpn.

Biblia Mixe de Quetzaltepec

⁴ ets të y'ënë'ëmxëty: Nëjkx pëyi'ikyë ënëëmë tääpë ja'ay mëti'ipë jam myënëjkxypyën yë tejpxy mëti'ipë winë yajtukijpxpën: Yë Jerusalén kajpn wintukaanp jatëkok mëët yë mayjyä'äy ets may jëyujk may tsyajpkaa, ka'ap nëjkx tjëkyepy wi'ix yajnapotsëtyën ja kajpn.

Zacarías 2:4 ပူးပေါင်းရင်းမြစ်များ

Ester 9:19

E ja Jutiiyë ja'ayëty mëti'ipë tsënaaytyëpën ma ja mutsk kajpnën, mëti'ipë ka'ap nyapotsyëtyën, jää xyëëwtuuntë ma myajkmajkts'anyën yë Adar po'o. Tääts jää xyiktë y'ëwë'ktë ets xoontä'äky yajpatë ma ja xëëw ënety tyunyë jyätyën, nixim niyam nyämyooyëtë ja näynyamo'ojë.

Isaías 33:20

Ixtë ja Sión kajpn, ma xëmë ja xëëw tyunyë jyätyën; najts'ixëtë jam Jerusalén, jam ma yajpaatyën ja jotkujk'ajtën, mëti'ipë mëkën, mëti'ipë ta'tspëkyën ma ja tsiptuunpëtëjk jyajta'aktën, mëti'ipë ta'tspëky nikupën ets ka'ap nijënu'un nyitejpxy pyoty.

Isaías 44:26

E ja ntuunpës ja y'aaw y'ayuk ëjts kë'ëm ntuknipëjktakëp ets y'atëwëty, mëti'ipë myääytyëpën tyajtëpën tyunëtëty jyatëtëty ijxtëm të tuknipëjktaakëtën. Tyamës nnikäjpxy ko ja Jerusalén kajpn yajtuktsëënëjaanp jatëkok ets Judá kajpn nëjkxëp jatëkok yajkoj'oyë. Ëjts të ntuknipëjktaakë ets yajkoj'o'oyëtya'ajëty jënu'un xit ko'ow yajpaatyën.

Isaías 49:20

Ja m'u'unk m'ëna'k mëti'ipë ënety të tyëkoy'ityën nëjkxëp mtatsk mmëkajpxëty: Mutsk ya'atë kajpn ka'apës naje'eyë ntëjkëtya'atë, ix yë wiinkpë maas ntsëënëtëtyën.

Isaías 54:16

Ëk'ixtë, ëjts të nyajkojy yë pujxn oytyuunpë, mëti'ipë jëën yajmëjëpën ma jëëntooytyaknën mëti'ipë yajkojpyën yë tëypyujxn ets ja'ay tuktsiptuny; e nän ëjts yë ja'ay të nyajkojy mëti'ipë winë yajma'tääpyën ets xit ko'ow winë tuunta'ajëty.

Jeremias 1:6

Ënätës n'ëtsooy: Wintsën. Ëjts tim ëna'knëmës, ka'apës ntukjaty n'ëwëty nkajpxëty.

Jeremias 31:24

Yë Judá ja'ayëty ets mëti'ipë ja kajpn jam yajpatëpën, yë naaxtuunpë ja'ayëty ets kupixyny këwent'ajtpëty, jam nëjkx tsyëënëtë ets jam nëjkx yë nyaax kyajpn tyajnaaxkëta'aktë.

Jeremias 31:27

Jëtu'un yë Wintsën y'ënä'äny: Pyatäämpy ja xëëw jëmëjt ma myäyëja'antë yë ja'ay ets aayjëyujk ujtsjëyujk ma Israel kajpnën ets ma Judá kajpnën.

Jeremias 33:22

Yë ntuunpës David yë y'u'unk y'ok ets Leví y'u'unk y'ok mëti'ipës xypyukë'ë xypyuwijtsëpën, yajxonës nyajnimayëja'antë tä mëtsa'a yaj'ixyën jam tsajpjotm ets tä yë nëë ajinën mejypyë'aaypyë kyëxë'ëkyën, mëti'ipë ni pën kyamayëtëty tmëtsyowëty.

Ezequiel 38:11

Nëjkxëp m'ëna'any: Yë'ëjës yam nitëkëjäämpy yë kajpn ka'apë myäyën nyäkyuwa'anëtëty, ma tsyëënëtën yë ja'ay akujk jotkujk ets ka'apë tii tmaytyë tajtën, tu'kë'ëyë ja naax kajpn mëti'ipë ka'ap nyapotsyëtyën, ka'apë nyi'akajën ets ka'apë tmëëtëtyën mëti'ipë yajtukjëkojtë'kpën.

Daniel 1:17

Ya'atë nimajktaxkpë ëna'ktëjk, wijy ojts pyëtsëmtë ets këpety wyinja'awëtyääytyë wa'ats ja ijxpëjkën ets nija'awën. Yë Daniel nän yajniwijtääpy ijty yë kuma'ay ets ko tii yaj'a'ijxnaxy.

Daniel 1:4

ets twin'ixëty ja ëna'ktëjk mëti'ipë oyëtyën mëkëtyën, mëti'ipë kä'pxyëtyën, mëti'ipë wijyëtyën ets këpetyëtyën ets nyija'awëtyääytyëp winë ets mayëtëp tyuntëty ma ja kutujkëntaknën. Yë'ëjëty nëjkxëp yajtukni''ixëtë ja caldeo ja'ayëty ja y'aaw y'ayukëty ets ja y'ijxpëjkënëty.

Miqueas 7:11

Jerusalén, pyätyp jatëkok ja xëëw po'o ma ja mpotsy yajkoj'oyëtyën ets ja mtsëpa'an nyaaxkëta'akëty.

Zacarías 1:16

E paaty n'ëna'anyës, ëjts Wintsën: Mpa'ëyoopyës ja Jerusalén kajpn, paatyës yam nyajkutukäämpy ets ja tsajptëjk ets ja naax kajpn jatëkok yajkoj o'oyëtya'atëty.

Zacarías 1:17

Ojtsës näjyëtu'un ja tsajpjotmëtë kukäjpxy xy'ënëëmë: Nikajpx ya'atë aaw ayuk: Yë Wintsën mëti'ipë maaytyääyëpën winë, jëtu'un y'ënä'äny: Ëjts nyajkutukäämpyës ets nnaax nkajpnës jyotkujkta'akëty jatëkok; njotmëkmo'ojäämpyës jatëkok yë Sión kajpn etsës nikajpxa'any ma ja naax kajpnën ko yë Jerusalén kajpn yë'ëjës jatëkok të nwin'ixy.

Zacarías 12:6

Jä'ä xëëw, jëtu'un tä jëënpajkën nyaj'awinpijta'aja'anyës yë wintsëntëjkëty mëti'ipë jam Judá yajpatëpën, ëkë jëtu'un tä jëënyä'änkën mëti'ipë akëxë'këpën ajktsjoty. Anajny aka'any nëjkx tyajtooytyëkoytyë yë naax kajpn mëti'ipë mëët tyu'kmëtsëpa'an'atën, e yë Jerusalén ja'ayëty jotkujk nëjkx jam kyajpnjotm jyuuky'ajtëpë.

Zacarías 14:12

E ja naax kajpn mëti'ipë ënety ja Jerusalén kajpn të tnipëtë'ëktën, nëjkxëp tyiytyunëtë mëk ja Wintsën: Juuky nëjkx ja ja'ay pyutsnëtë tsyojknëtë ets nëjkx pyutspëtsëëmnëtë ja wyiinëty ets nëjkx jëtu'unyë ja yä'änëty myëjtëtspäjnëtë.

1 Timoteo 4:12

Këtii xykyupëkëty ko pën mkawintsë'ëkëtëty ko mutsknëmëty; mijts ni'ikyë mëpaat ijxpäjtën xyäky ma mëpëjkpëtëjkëtyën, ko oy mkajpxëty, oy winë xytyunëty; mmëët'atëp ja tsojkën ja'awën ets ja mëpëjkën ets oy yajxon mnäyajjuuky'atëtëty.