Zacarías 14:20 - Biblia Dc en Mixe de Quetzaltepec

²⁰ Jä'ä xëëw jampaat nëjkx yajkëxja'ay ja ayuk ma kwaay yë y'ajäänë'ëkën mëti'ipë ëna'anëpën: Wintsën të yajtuknikënu'kxë. Ets ja jëënpajk jä'pn yë'ëpaat nëjkx kënu'kxy nyäxy tä ja a'ukën mëti'ipë jam yajpatpën ma ja wintsë'këntyaknën.

Biblia Mixe de Quetzaltepec

²⁰ Jä'ä xëëw jampaat nëjkx yajkëxja'ay ja ayuk ma kwaay yë y'ajäänë'ëkën mëti'ipë ëna'anëpën: Wintsën të yajtuknikënu'kxë. Ets ja jëënpajk jä'pn yë'ëpaat nëjkx kënu'kxy nyäxy tä ja a'ukën mëti'ipë jam yajpatpën ma ja wintsë'këntyaknën.

Zacarías 14:20 ပူးပေါင်းရင်းမြစ်များ

Éxodo 39:30

Ojts näjyëtu'un tyaj'oyëtë yë tsya'a aak pu'ts pujxnpë, mëti'ipëjaty ënety yajwa'atsnajxypyën ets ojts jam witkëjxm jëtu'un tyajkëxkojtë tä yë ja'ay muum tii tkëxtsa'ayën, jä'ä y'ënä'äny: Dios yajmoopy.

1 Pedro 2:5

Näyjyëtu'un miits ja Dios myajnaxa'anëtë ijxtëm ja tsaajën mëti'ipë juukyën, tu'uk ja tsajptëjk ma ja Dios yajwintsë'ëkëtyën, tu'uk ja teety wa'atspë; ko tëë ja Jesukristë xymyëpëktë ets ja wintsë'kën xyaktëty mëti'ipë ja Dios y'oyjya'apën.

Isaías 23:18

E ja wit meeny mëti'ipë ënety të tpaaty të t'ixyën, jä'ä nëjkx ja Wintsën yajtukmëyoxy, ka'ap nëjkx yajpëjkë'ëk; yë'ë yajmo'ojantëp ja ja'ayëty mëti'ipë myëtuuntëpën ja Wintsën ets tukjuytyëty yë kyääky y'uukyëty ets wyit tyujkxyëty.

Zacarías 9:15

Yë Wintsën mëti'ipë maaytyääyëpën winë yë'ë kyuwa'anäämpy mëti'ipë jyä'ä'ajtypyën ets yë'ëjëty jëtu'unyë t'atääna'an tuktääna'antë yë tsaa mëti'ipë jayajtuka'tstëpën ets myëtsip ëxëëk tuna'antë; y'uukanëtëp yë myëtsip yë jyot nye'pnyëty tä yë tsatsymnyëëjën, jëtu'un tä muum tsimjoty yaj'atämën yë ne'pny; jëtu'un tä jam yajkëxtemyën yë ne'pny ma wintsë'këntyakn yë wyajën.

Éxodo 37:16

Ojts näjyëtu'un yë apëjk atu'unën tyaj'oyë, mëti'ipë ënety jam itaanpën ma ja kaaypyäjnën, aak pu'ts pujxn ojts tuk'oytyuny, ja texy, ja mëj jä'pn, ja nyitu'ts ets ja a'ukën; ma yajpëjkta'akëtyën ja ayajk ako'onën mëti'ipë nëëjëtyën.

Apocalipsis 20:6

Akujk jotkujk jyuuky'atë mëti'ipë jëwyiin juukpyëjktëpën. Yë'ë jëtu'un ja Dios jä'ä''ajtëtëp ets ka'ap ja ëyo'on tpaata'antë mëti'ipë xëmëkyëjxm ijtpën. Teety y'itëty mëti'ipë Dios myëtuuntëpën ets ja Kristë mëët yajkutuktëty tu'uk mil jëmëjt.

Apocalipsis 5:10

Tëë xypyëjktä'äky ets yajkutuktëty ets y'itëty teety, jëtu'unts tmëtuntëty ja Wintsën ets yajkutuktëty naaxwiiny.

Apocalipsis 1:6

mëti'ipë të tyajnaaxkëtä'äkyën ja kyutujkën mëët ëëtsajtëm ets teety të xyaj'awinpijtëm ma ja tyuunkën ja Dios Teety. Wä'än yë mëj'ajt oyajtën yë'ë tjä'ä'aty ets ja kuttujkën xëmëkyëjxmëpë. Jëtu'un y'itëty.

1 Pedro 4:11

Pën jää pën kyäjpxy myëtyä'äky, jëtu'un kyajpxëty ijxtëm ja Dios ja y'aaw y'ayuk y'ënä'änyën. Pën jää pën myëku'uk tii tukputëkëja'any, yajtunëp ja myëjaaw mëti'ipë ja Dios mooyëpën. Tu'kë'ëyë tiijaty mtuuntëp mkajpxtëp, tuntë winë ijxtëm mëpaat ja Dios yajmëjjaw yajjaantyjawën ma ja Jesukristë ja xyëëwën, mëti'ipë ijta'ayxyëyëp ja mëj'ajt oyajtën. Jëtu'un y'itëty.

1 Pedro 2:9

E miitsëty Dios të mwin'ixëtë ets m'itëty tu'kjëëky tu'kmëku'ukpën, tä tu'uk ja teety tmëtunyën ja yajkutujkpë, ijxtëm ja wa'atspë ja kajpnën mëti'ipë ja Dios jä'äniwanëpën. Ets jëtu'un tkajpxwa'kxtëty ja Dios ja y'oyajtën, mëti'ipë të myajpëtsëmëtë akootstum ets m'itëty ajajëntuuy.

Colosenses 3:17

Ets tu'kë'ëyë mëti'ipë mtuuntëp mkajpxtëpën, tuntë Wintsën Jesús xyëëwkyëjxm, mo'otë ja Dios ja kukajpxën Jesukristë mëët.

Hechos 15:9

Dios y'aak oyjya'ap yë ja'ay, wä'än tpënëty, jä'äkyëjxm ko tëë ja pyoky yajknimä'kxtë ko të myëpëktë.

Hechos 11:9

Ënet ojts jatëkok xymyëkäjpxyës: Ka'ap xytyijëty ëxëëk mëti'ipë Dios të tyajwa'atsyën.

Hechos 10:28

Ënet ja Pedro y'ënäny: Ejxtëm xynyijawëtën, ka'apës ëjts yë n'ënä'ämën kyutuky ets jutiis ja'ay mëët ye'eymyuk nyajxmuktëty ja ja'ay mëti'ipë ka'ap jyutiisëty, nän ka'ap tjëkyepy tyëkëty ma tyëjkën. E tëëjës ja Dios xytyuknijawë ko ka'ap y'oyëty koos pën ntijëty ëxëëk.

Hechos 10:15

Ojts jatëkok tmëtoy ja ayuk ets y'ënëmaayë: Mëti'ipë Dios të tyajwa'atsyën, ka'ap tjëkyepy xytyijëty ëxëëk.

Lucas 11:41

Putëkëtë ja ëyoopëja'ay ëmuumtu'ukjot ets jëtu'un ja mjot mwinma'any wya'atstëty.

Malaquías 1:11

Oymyaanaax myaakajpnëty aakyë'ë oypyë xymyooytyëpës yë wintsë'kën ets aak'oy tyaktë yë pyoomëty mëti'ipës xytyukwintooytyëpën.

Sofonías 2:11

Atsë'ëk ajawë yë Dios tyuna'anëtë. Yajkutëkooytya'ajäämpyë yë tios mëti'ipë ja'ay y'ëwtajtëpën ets yë'ë nëjkx tu'ukyë yaj'ëwtaty oymyaajëty.

Abdías 1:17

E yë Sión kopk kënu'kxy y'ita'any ma ja'ay kyäktso'oka'antën. Ja Jacob ja y'u'unk y'ok nëjkxëp ja nyaax kyajpn jatëkok tpaatë,

Salmos 110:3

Yë mnaax mkajpn mëj'äämpy mpëjkta'aka'anyë jä'ä xëëw ma ënety ja mmëtsip xymyëmëtä'äkyën jam tsipjotm. Jëtu'un xëmë mnäjyawëtëty tä jeexyë m'ëna'kën winjëpom tä yë maanik kyä'äyën jopyëp jam tunkëjxm.

2 Crónicas 4:8

Ojts tyajkojy majk yë kaaypyäjn ets jap tsajptëkoty tpëjktäky; mëkoxk a'oytsyow ets mëkoxk anajnytsyow. Yaj'o'oyëy majk mëj'a'ukën mëti'ipë aak pu'ts pujxn mëët y'oytyunyëtyën.

1 Samuel 2:14

E ma jap kyi'iyën ja tsu'utsy tu'tsjoty tääts ja tju'tkojy, e ja mëti'ipë jyu'typyën yë'ë ja teety yajtukninëjkxp. Aak jëtu'unën ja ja'ay tuntë mëti'ipë myëmiintëpën ja wyintsë'kën jam Siló.

Éxodo 25:29

Ma nyitekyën nän pu'ts pujxn jam mpëjkta'akëp, näjyëtu'un ja tu'ts ets ja a'ukën mëti'ipë mëët tyuna'anyën, ma yaj'atämën ja ayajk ako'onën mëti'ipë nëëjëtyën.

Isaías 52:1

Ëkma'aywyij, ëkma'aywyij, mijts Sión Kajpn, jotmëk näpyëjkta'akët. Jerusalén kajpn, ja wa'ats kajpn, näxyoxët mëët ja oywyit; jä'ä ko ja ëxëëk ja'ayëty ka'ap jam jatëkok tyëkëja'antë ma mijtsën.

Jeremias 31:40

Jampaat ma ja joyjyotën ma nyaaxtëkëtën yë o'kpë ets ma yajwëjyën yë kuyjaam ets ja yu'uyjyot mëti'ipë jam winkon ma Cedrón wokën, tyimja'ty jam ma këwaaytyëjk'aawën, jampaat maatsow ja potsy tyäkën maatsow yë xëëw pyëtsimyën, ëjts nëjkx nyajtuknikënu'kxë. Ya'atë naax kajpn ka'ap nëjkx nijëna'a pën t'ëkyajkutëkooynyë ets t'ëkyajma'tnë.

Ezequiel 45:1

Ko ënety xy'ijxpëtsëmtë ja naax pënjaty nikäkëyëpën mëti'ipë yë Israel ja'ay jyä'ä'atantëpën, myajwë'ëmtëp ëpëky yë naax mëti'ipë mëjwiin'atëpën tuktujk mil ja tëkëëk mëko'px ja i'px majktëkëëk xajpk y'ayeny'atëty ets tëtujk mil xajpk myëjwiin'ajtën. Ya'atë naax kam ets jënu'un yë pya'ajën kënu'kxy nëjkx nyäxy.

Zacarías 14:19

Jëtu'un nëjkx yajtëytyuntë ja Egiptë ja'ayëty ets tëkokyë ja naax kajpn mëti'ipë ënety ka'ap nyëjkxtën jam Jerusalén ma yajnixëëwtunyën ja Tëjkxo'omy.

1 Reyes 7:50

ja a'ukën, ja jëënjä'pn, ja tojkxjä'pn ja jëëntsijtk ets tëkokyë winë mëti'ipë ënety ja pu'ts pujxn mëët y'oytyunyëtyën. Näy pu'ts pujxn ënety mëët y'oytyunyëty ja pujxn mëti'ipë ja tëjk'akaj wyo'on'ijtypyën ma ja wa'atspë tëkotën, mëti'ipë jap tëkotyowën ets yë'ëpaat ja mëjtsajptëjk ja tyëjk'aaw.

Zacarías 8:3

Wimpitaanpës jam Jerusalén, etsës jam ntsëënëja'any. Ënet nëjkx yë Jerusalén kajpn yajtijy kajpn mëti'ipë wyintsë'këpën ja Dios, e ja kopk mëti'ipë jyä'ä'ajtypyën ja Wintsën mëti'ipë maaytyääyëpën winë, jä'ä nëjkx txëëwaty wa'ats kopk.