Zacarías 14:11 - Biblia Dc en Mixe de Quetzaltepec

¹¹ Jëtu'un, tsëënëjantëp yë ja'ay jam ma Jerusalén kajpnën ets ka'ap nëjkx nijëna'a y'ëkkutëkooynyë. Jotkujk ja ja'ay nëjkx jam jyuuky'ajnëtë.

Biblia Mixe de Quetzaltepec

¹¹ Jëtu'un, tsëënëjantëp yë ja'ay jam ma Jerusalén kajpnën ets ka'ap nëjkx nijëna'a y'ëkkutëkooynyë. Jotkujk ja ja'ay nëjkx jam jyuuky'ajnëtë.

Zacarías 14:11 ပူးပေါင်းရင်းမြစ်များ

Apocalipsis 22:3

Ka'ap jam tii mëti'ipë yajkajpxpojkxpën. Ja Dios ets ja mëti'ipë yajtijpën Kupixyny U'unk, jä'ä ja kyutujktakn jam itëp ets ja tyuunpëtëjk jam y'ëwtatëtëty.

Amós 9:15

Jä'ä ko jam nëjkx nyajtsëënëja'antë kyë'ëm naaxjotmëty ets ka'ap nëjkx nijëna'a jam pën y'ëkyajtso'onënëtë ma ja naaxwiinyëtën mëti'ipës ënety të nmo'otën. Dios, mëti'ipë Wintsën'ajtpën yë'ë jëtu'un ënaanp.

Apocalipsis 21:4

Yajtëkooytya'ajäämpy ja Dios tu'kë'ëyë ja jë'ëyën yaxën ets ka'ap ma nyäky'ita'any ja o'kën tëko'oyën, ni ja amay jotmay ets ni ja pëjkën ato'onën, jä'ä ko mëti'ipë të y'ityën, tëë ja nyäxy.

Zacarías 8:8

etsës nyajmina'any jam Jerusalén ets jam tsyëënëty. Yë'ë nëjkx nkajpn'atës etsës nëjkx xyTyios'atë, mëti'ipë xëmë mëët'atanëtëpën ets mëti'ipë tëyajtënpë tii nyipaye'epyën.

Zacarías 8:4

Nëjkxëp ja mëjja'aytyëjk ye'etyëjkpë to'oxytyëjkpë jatëkok pyo'kxtë pyëktë jam kajpnjotm ma Jerusalén kajpnën, nitu'ukatsy aaktam ja tyajkëty jä'ä ko tëë myëj ja'ayënëtë.

Zacarías 2:4

ets të y'ënë'ëmxëty: Nëjkx pëyi'ikyë ënëëmë tääpë ja'ay mëti'ipë jam myënëjkxypyën yë tejpxy mëti'ipë winë yajtukijpxpën: Yë Jerusalén kajpn wintukaanp jatëkok mëët yë mayjyä'äy ets may jëyujk may tsyajpkaa, ka'ap nëjkx tjëkyepy wi'ix yajnapotsëtyën ja kajpn.

Joel 3:20

Jam ma Judá kajpnën ets Jerusalén kajpnën nëjkxëp ja'ay tsyëënëtë kanaakjëjp.

Joel 3:17

Ënet nëjkx miits xynyijawëtë ko jamës ntsëënë Sión, ma ja kopkën kënu'kxypyë. Yë Jerusalén kënu'kxykyajpn y'ita'any: Ka'ap nëjkx nijëna'a yë myëtsip y'ëkmëmëtakënë.

Ezequiel 37:26

Ntunäämpyës tu'uk yë käjpxytyu'unën mëët yë'ëjëty jekpyë y'itëtyën, jëtu'un akujk jotkujk jyuuky'atëty. Nëjkxëpës nyajnimayëtë ets xëmëkyëjxm nëjkx yajja'amyetsy yë ntsajptëjkës ma yë'ëjëtyën.

Jeremias 31:40

Jampaat ma ja joyjyotën ma nyaaxtëkëtën yë o'kpë ets ma yajwëjyën yë kuyjaam ets ja yu'uyjyot mëti'ipë jam winkon ma Cedrón wokën, tyimja'ty jam ma këwaaytyëjk'aawën, jampaat maatsow ja potsy tyäkën maatsow yë xëëw pyëtsimyën, ëjts nëjkx nyajtuknikënu'kxë. Ya'atë naax kajpn ka'ap nëjkx nijëna'a pën t'ëkyajkutëkooynyë ets t'ëkyajma'tnë.

Isaías 66:22

Näyjyëtu'un yë Wintsën të y'ënä'äny: Jëtu'un tä jempyë tsajpën ets jempyë naaxën mëti'ipës nyajkojäämpyën, xëmëkyëjxmëpë y'ita'anyën, jëtu'un nëjkx xëmëkyëjxm y'itë yë m'u'unk m'okëty ets mxëëw.

Isaías 60:18

Ma mnaax mkajpnën ka'ap nëjkx nijëna'a y'ëkyajmëtoownë jëën tsip, ka'ap nëjkx naax kajpn y'ëkkutëkooynyë ets xit ko'ow y'ëkjajnë; jä'ä nëjkx ja mpotsy yajtijy yajnitsokpë ets ja mtëjk'aaw mëjpëjktakën.

Isaías 26:1

Jä'ä xëëw nëjkxëp yaj'ëy yajyä'äxy ya'atë ëy jam Judá: Ëëtsajtëmë ta'tspëky yë nnaax'ajt nkajpn'ajtëmë, tëë yë Wintsën tkojy mëj yë potsy ets tëë ja naax kajpn tyaj'oyë mëti'ipë ta'tspëkyën.

Jeremias 32:37

Nyajtu'ukmukäämpyës yë jyä'äy mëti'ipë xii yaa muum yajpatëpën wiink naax wiink kajpn, maas nnajtswojpëtyën koos ojts ntukjoot'anpëktë ets jatëkok nyajwinpita'antës ma nyaax kyajpnëtyën ets jam jotkujk jyuuky'atëty.

Zacarías 8:13

Jëtu'un tä ojts miitsëty Judá ja'ayëty ets Israel ja'ayëty akäjpxy m'itën wiink naax wiink kajpn ko pën yajpoky, tyam jëtu'un miitsëty nyajtso'oka'antë ets akäjpxy m'ita'antë ko ënety pën yajkënu'kxy. Këtii mtsë'ëkëtë. Jotmëk näpyëjkta'akëtë.

Deuteronomio 33:28

Yë Israel nitii tkamëmayä'äny tkamëtajja'any, xëmë nëjkx jotkujk jyuuky'äty, yë'ë ets y'u'unk y'ok. Ma kyam tyu'ujën, ma tsyajpmokamën ets tsatym kyamën tyajyony tyajjiitsyën, yajxon nëjkx wyintë'ëwxëty, ja nëë tuu mëti'ipë tso'onpën jam tsajpjotm, ka'ap y'ëmaaytya'aka'any.

Zacarías 12:6

Jä'ä xëëw, jëtu'un tä jëënpajkën nyaj'awinpijta'aja'anyës yë wintsëntëjkëty mëti'ipë jam Judá yajpatëpën, ëkë jëtu'un tä jëënyä'änkën mëti'ipë akëxë'këpën ajktsjoty. Anajny aka'any nëjkx tyajtooytyëkoytyë yë naax kajpn mëti'ipë mëët tyu'kmëtsëpa'an'atën, e yë Jerusalén ja'ayëty jotkujk nëjkx jam kyajpnjotm jyuuky'ajtëpë.