Zacarías 14:10 - Biblia Dc en Mixe de Quetzaltepec

¹⁰ Joyjyot nëjkx yë naax kajpn y'awinpity. Tsyo'onta'akëty jam Gueba ets tyimja'tëty jam rimón ëpa'tkë'ëytsyow ma Jerusalén kajpn wyi'imyën. Këjxm nëjkx yë Jerusalén kajpn yajpaaty. Jam yë ja'ay nëjkx tsyëënëtë. Jam ma ja potsyën mëti'ipë kajpn nyapots'ajtypyën jam tsyo'onta'akëty ja tëjk'aaw mëti'ipë xyëëwajtypyën Benjamín ets tyimja'tëty jam ma Tëjk'aawën ma jam Y'ëwtityën, jam nyajxë'ëkëty ma ja potsyën mëti'ipë kujkyë tënääpyën ma txëëwatyën Hananel ets jya'tëty ma ja olivë on yajwinma'atsyën mëti'ipë ja yajkutujkpë jyä'ä'ajtypyën.

Biblia Mixe de Quetzaltepec

¹⁰ Joyjyot nëjkx yë naax kajpn y'awinpity. Tsyo'onta'akëty jam Gueba ets tyimja'tëty jam rimón ëpa'tkë'ëytsyow ma Jerusalén kajpn wyi'imyën. Këjxm nëjkx yë Jerusalén kajpn yajpaaty. Jam yë ja'ay nëjkx tsyëënëtë. Jam ma ja potsyën mëti'ipë kajpn nyapots'ajtypyën jam tsyo'onta'akëty ja tëjk'aaw mëti'ipë xyëëwajtypyën Benjamín ets tyimja'tëty jam ma Tëjk'aawën ma jam Y'ëwtityën, jam nyajxë'ëkëty ma ja potsyën mëti'ipë kujkyë tënääpyën ma txëëwatyën Hananel ets jya'tëty ma ja olivë on yajwinma'atsyën mëti'ipë ja yajkutujkpë jyä'ä'ajtypyën.

Zacarías 14:10 ပူးပေါင်းရင်းမြစ်များ

Zacarías 12:6

Jä'ä xëëw, jëtu'un tä jëënpajkën nyaj'awinpijta'aja'anyës yë wintsëntëjkëty mëti'ipë jam Judá yajpatëpën, ëkë jëtu'un tä jëënyä'änkën mëti'ipë akëxë'këpën ajktsjoty. Anajny aka'any nëjkx tyajtooytyëkoytyë yë naax kajpn mëti'ipë mëët tyu'kmëtsëpa'an'atën, e yë Jerusalén ja'ayëty jotkujk nëjkx jam kyajpnjotm jyuuky'ajtëpë.

Josue 15:32

Lebaot, Silhim ets En-rimón. Jä'ä nyiwinë'ajtë ja naax kajpnëty i'pxtaxtujk, ëpëky ja mutskëtypë ja kajpn mëti'ipë nyitënaaytyëpën.

Jeremias 37:13

Ko jam jyä'äjty ma ja kajpn yajnitëkën, tu'uk ja'ay, Irías xyëëwajtyp, yë Selemías yë myaank ets Hananías yë y'ok'u'unk mëti'ipë ja tëjkëtyakn kyëwent'ajtypyën, yë'ë ojts tmajtswë'ëmy ja Jeremías ets t'ënëmaay: Mijts yë'ë mpukajpxëp yë Caldeo ja'ayëty, ¿këtiijë?.

Jeremias 30:18

Jëtu'un yë Wintsën y'ënä'äny: Nyajtëkatsanëpës yë Jacob yë nyaax kyajpn, npa'ëyowäämpyës jatëkok tääpë naax kajpn; nëjkxëp yaj'akojëtyä'äy yë potsykyutuk ets kutujkëntëjk, jam nëjkx jatëkok nyaaxkëtä'äky ma ënety të y'ityën.

1 Reyes 15:22

Tä ja Asá tmëkajpxmujktaay ja ja'ay jampë tsyëënëtën Judá, nitu'uk kyatëkoy'äjty ets tyajtso'ontaaytyë ja kepy tsaa mëti'ipë ja Baasá të tyajtunyën ko ja Ramá tyajnatujky ets ojts tmënëjkxtë jam Gueba ets Mizpá, ma Benjamín ja'ay jam y'itën ets jä'ä mëët tyajnatujky.

Zacarías 2:4

ets të y'ënë'ëmxëty: Nëjkx pëyi'ikyë ënëëmë tääpë ja'ay mëti'ipë jam myënëjkxypyën yë tejpxy mëti'ipë winë yajtukijpxpën: Yë Jerusalén kajpn wintukaanp jatëkok mëët yë mayjyä'äy ets may jëyujk may tsyajpkaa, ka'ap nëjkx tjëkyepy wi'ix yajnapotsëtyën ja kajpn.

Jeremias 38:7

E jam ijty tu'uk yë Etiopíë ja'ay, jä'ä xyëëwajtyp Ébet-mélec, yë'ë mëët tyuny yë yajkutujkpë, ojts tnijawë ko yë Jeremías të tkujëpipëtë nëëjutjoty. Ja yajkutujkpë jam ënety yajpaaty ma ja käjpxy mëtyä'äky y'ityën ma ja tëjkën mëti'ipë tyijtëpën Benjamín Tyëjk Aaw,

Nehemías 3:1

Ënet ja teety kopk Eliasib ets ja myëteetyëjk tkoj o'oyëtyë ja tëjk'aaw, ma tijtën kupixynytyëjk'aaw. Ets tpëjktaktaaytyë ja tëjk kuwitsë maajaty ja tëjk'aawën, ets tkoj o'oyëtyë ja potsy, tyajtso'ontaktë ja jam ma tijtën mëko'px potsy ets tpaja'ajtë jam Hananel.

Jueces 20:47

Ets ojts kyäktëpë nitëtujk mëko'px jamtsow të'ëts'itjotm, jä'ä ojts jam yu'utsy y'itë taxk po'o ma ja tsaatun txëëwatyën Rimón.

Jueces 20:45

E ja wiinkëtypë poj'am ojts wyimpitë ets kyäktë jamtsow të'ëts'itjotm, jam ma tsaatunjotmën mëti'ipë yajtijpën Rimón; ja mëti'ipë jam naskäkëtyën jä'ä y'o'ktë nimëkoxk mil, ëpëky ojts tjaakyaj'o'ktëpë mäjtsk mil mëti'ipë ja Israel ja'ayëty jëkämpaat pyaja'ajtën.

Amós 9:11

Pyätyp ja xëëw jëmëjt ma ja David nkoj'oyëja'anyënës yë tyëjkxo'omy mëti'ipë ojts kyëtäyën. Nyaj'ëtujkta'ajäämpyës yë jut, nyajpëtë'kta'ajäämpyës yë potsy maajaty të jyutyën ets nkoj'o'oyëtya'aja'anyës mëti'ipëjaty të jyityën ets jëtu'un nyaj'awinpita'anyës tä ijty tëëyëpën ma ënety jyotkujk'atyën,

Isaías 10:29

tëë nyëënaxy, jam të myaawë'ëmy Gueba; tsë'këtëp yë Ramá ja'ayëty, ja Saúl ja jyä'äy tëë kyäkta'atë.

Isaías 2:2

Tsojk yajnijawëja'any jëna'a jotkujk yajpaata'anyën ja Sión kopk, ma ja Wintsën ja tsyajptëjk yajpaatyën. Jää nëjkx myintë may ja ja'ayëty.

Nehemías 12:39

najxtës jam ma Efraín tyëjk yajwin'ijxpetyën, najxtës jam ma ja Jesaná ja tyëjkwiinën, ma ja nyitëjk'aawën ja nëë jëyujk, ma ja Hananel ja pyotyën, ma ja mëjpotsy tijtën mëko'px potsy, jampaat ma ja kupixyny jam ja nyitëjk'aawën; ets jam ojts jam wäänë mpo'kxtës ma ja tyëjk'aawëtyën ja Kwent'ajtpëty.

2 Crónicas 25:23

Tääts ja Joás ojts tsuumnë ja Amasías jam Bet-semes, mëti'ipë ënety jam Judá yajkutujkpën ets ojts tyajnëjkxy jam Jerusalén, jam t'ajijtuty ja Jerusalén kajpn ja nyapots, jä'ä myëjwiinëty tu'kmëko'px xajpk; jam tsyo'ontä'äky ma ja Efraín ja tyëjk yajnitëkën ets jyä'ty ma ja mëjpotsy nyuxën.

1 Crónicas 6:77

Ja y'u'unk y'ok ja Merarí, mëti'ipë Zabulón jyä'äy'äjtypyën yë'ë yajmooytyë ja kajpn mëti'ipë yajtijtëp Rimón ets Tabor, aakmëët nyijëyujk tënaaytyaknëty.

1 Crónicas 4:32

Ëpëky näjyëtu'un ojts taxk tyajkojtëpë kyajpnëty: Etam, Aín, Rimón, Toquén ets Asán,

Jueces 21:13

Ënet ja mayjyä'äyëty ojts tnikäxëtë ja Benjamín ja'ayëty jampë ënety yu'utsy yajpaatën tsaatunjotm jam Rimón ets myintëty tääts mëët tkajpx'oyëja'antë ja jëën tsip.

Josue 21:17

Tääts näjyëtu'un ojts yajmooytyëpë mëti'ipë ja Benjamín nyaax'ajtyp kyam'ajtypyën, ja kajpn jä'ä txëëwatë Gabaón ets Gueba,

2 Reyes 14:13

Ja Joás, mëti'ipë jam yajkutujkpën Israel, ojts tmatsy ajuukyë ja Amasías jam Bet-semes, ja Judá yajkutujkpë ets ojts nyijkxy jam Jerusalén, ma tyaj'ëwatsyën ja mëjpotsy mëti'ipë ja naax kajpn nyapots'ajtypyën, jä'ä myëjwiinëty mëko'px xajpk, këjääpaat ja potsy tjijty, jampaat tsyo'ontä'äky ma ja tyëjk'aawën ja Efraín ets jyä'ty maapaat ja kajpnnuxën.

Jeremias 20:2

ënät ni'ënä'ämëy ets Jeremías yajkox yajtsiikëty ets tkuwëëntëty mëët yë kepy yo'kntujpë yajkutsumyën jam ma ja Benjamín ja tyëjk aawën wiinkonpë yajpaatyën ma ja tsajptëjkën.

2 Crónicas 26:9

Ojts mëjpotsy tkojy jam Jerusalén, ma ja tëjk'aawën jampë ma potsy tyäkën, ma ja tëjk'aawën jampë joyjotmën ets maajaty ja potsy tyäkën jëtu'un këwent'aty xëmë y'itëty.

Miqueas 4:1

Ko tpaatëty ja xëëw jëmëjt, jam nëjkx kopkkëjxm tu'ukyë yajpaaty ja Wintsën ja jyëën tyëjk. Ja kopk, mëti'ipë ni'ik këjxmën këtiinëm jyëtu'unëty ja wiinkëtypë kopk. Ets nëjkx jam myiinta'atë wiinkëtypë naax kajpn;

Zacarías 8:3

Wimpitaanpës jam Jerusalén, etsës jam ntsëënëja'any. Ënet nëjkx yë Jerusalén kajpn yajtijy kajpn mëti'ipë wyintsë'këpën ja Dios, e ja kopk mëti'ipë jyä'ä'ajtypyën ja Wintsën mëti'ipë maaytyääyëpën winë, jä'ä nëjkx txëëwaty wa'ats kopk.